من اللي زوجها فيه دوالي الخصيه ...تتفضل تدخل

[برنسيسة2007]

السلام عليكم ورحمة الله وبركاته
اولا اسال الله العلي القدير ان يرزق كل مسلم ومسلمع الذريه الصالحه العابده الشاكره ويرزق كل محرومه البنين والبنات وان لايذرهم فردا وهو خير الوارثين

من اللي زوجها فيه دوالي الخصيه؟
ومن اي درجه؟
وهل حملت؟
وكيف حملت ؟اعشاب وعسل وطب شعبي وحجامه؟ ولا بعد عملية ازالة الدوالي؟
وهل عملية ازالة الدوالي تسبب العقم؟ومن اي درجه يتم عمل عمليه الدوالي؟الدرجة الثالثه فقط اللي يسوون عمليه؟ولا الثانيه لازم عمليه عشان الحمل؟
وهل بعد الازاله ترجع الدوالي؟واذا رجعت هل تكنع عملية الازاله مره اخرى يعني ماعدد العمليات اللي ممكن تتحملها الخصيه حتى ينجب الرجل؟

 

[برنسيسة2007]

اب


شدعوه بنات مشاهدات ولا احد رد!!!

 

[هيبة ملك]

اللي أعرفه إنها تمنع الحمل

وأعرف ناس سووا العملية ورزقهم الله بعيال

 

[برنسيسة2007]

اشكر ردج هيبة ملك
وبانتظااار البقيه

 

[احساااااس انثى]

زوج اختي كانت فيه وسوى عمليه وبعد سنه من العمليه احملت اختي بولد ....

 

[برنسيسة2007]

زوج اختي كانت فيه وسوى عمليه وبعد سنه من العمليه احملت اختي بولد ....

جزاج الله خير من اي درجه الدوالي تقدرين تسألين اختج
واكون شه لج

 

[الأميرة جوري]

زوج اختى كان فيه ..لمن نوا يسوي عمليه سبحان الله اختى حملت وعادي الحين تحمل وتولد ماحتاج عمليه صارت تحمل طبيعي بعد سنه وشهرين من زواجها...الله يرزقج يارب ....وجربوا عسل العويد يمكن عندهم حل

 

[برنسيسة2007]

زوج اختى كان فيه ..لمن نوا يسوي عمليه سبحان الله اختى حملت وعادي الحين تحمل وتولد ماحتاج عمليه صارت تحمل طبيعي بعد سنه وشهرين من زواجها...الله يرزقج يارب ....وجربوا عسل العويد يمكن عندهم حل

مشكوووره اختي وبانتضار البقيه

 

[صنوان]

السلام عليكم اختي عسى الله يشافي زوجج يارب و يرزقكم

انا زوجي كان معاه دوالي بالخصيه و رحنا حق اكثر من دكتور الكل نصحنا اب اهمية العملية و ان لازم نسويها و مالج شغل مني اللي يقولج ترا العملية تفيد ترا انا زوجي الحيوانات عنده صفر بس الدكتور قاله حتى لو ما ظهرت الحيوانات بالسائل ان شاءالله عالاقل الحيوانات اللي داخل الخصية تتحسن نوعيتها و جودتها و تفيدكم اذا ناوين تسوون حقن مجهري مرة ثانية لأن المرة الاولى فشلت فتوكلنا على الله و سواها الدكتور احمد الكندري حق زوجي بالمنظار بدون جراحة و نتيجة العملية هذي جدا فعالة الدوالي راحت منه الحمدلله و مر عليه 5 اشهر ليما الحين مافي تحسن بالعينة و سوا التحليل قبل شهرين كانت النتيجة ليلحين صفر عطاه الدكتور ادوية محفزة ياخذهم و ان شاءالله اخر الشهر راح يعيد التحليل .

بس الدكتور يقول ان الدوالي يبيلها صبر يعني حتى لو راحت منه الدوالي النتيجة تطول و في امريكا يبلغون الازواج ينطرون لأن النتيجه ما تبين الا بعد 7 الى 12 شهر .
احنا حدنا 6 اشهر ناطرين اذا ما صار حمل الصراحه راح نتوكل على الله و نعيد عملية الحقن المجهري ما ودنا ننطر اكثر .

و الله بقدرته و بكرمه و باسمه الوهاب قادر يرزقنا بدون علاج ولا شي بس الموضوع يحتاج توكل حقيقي على الله و ثقة وحسن ظن فيه و مع بذل كل الاسباب طبعا ..

نصيحه روحوا حق الدكتور احمد الكندري للامانة خدوم و شاااطر و فاهم و مارة عليه حالات و ينصح .

اي سؤال اختي لايردج الا لسانج .
موفقين

 

[برنسيسة2007]

اختي صنوان
اشكرج من صميم قلبي واسأل الله العلي القدير ان يرزقج البنين والبنات اللي تذوقين برهم ويسخرلج زوجج ويشفيه شفاء تام وجميع مرضانا ومرضى المسلمين ياااارب
اختي زوجج الدوالي من اي درجه؟؟
لان انا ببحثي العميق
فيه ناس الدوالي من الدرجه الثانيه والعدد صفر
وناس من الدرجه الثالثه والعدد عشرين مليون وبعظهم اربعين مليون يعني فوق الطبيعي
لكن الحركه ضعيفه
وكثيييير قالوا ان العامل الاساسي مايكون الضعف من الدوالي يكون من الغده والهرمومات فيجب التاكد منها
فانا مابي نستعجل علعمليه

 

[مرا111حب]

حبيبتي انا زوجي سواها الشهر اللي طاف عن عند عادل الحنيان وننطر النتيجه

اهو عنده من الدرجه الثانيه وسواله بخيه وحده مو ثنتين
والله كريم ننطر وخلي زوجج يسويها الواحد يبذل الاسباب والباجي على الله
مثل ما قالت اخت صنوان اكيد تفيد

 

[ام نواف العجمي]

حبيبتي الله يرزقج من حيث لا تعلمين اولا اكثري من الاستغفار وتوكلي على الله اختي كان فيه زوجها ضعف بحيوانات المئوي وبحركه بعد عنده ضعيفه وفيه دوالي بس ما احتاج عمليه اخذ ادويه وصار كل شي عنده ممتاز وكان يراجع عند دكتور محمد ابو حمره وعلى فكره اختي كانت تحمل ما يكمل حملها ويطيح البيبي من ضعف الي عند زوجها ولما راجع الحمدالله وماشاءالله تبارك الرحمن احملت

 

[الدانه2]

الدوالي درجات بس اصعب درجه الثالثه وطبعا البعض بعغد العمليه تتحسن حالتهم وينجبون والبعض تسوء حالتهم للاسف

صديقتي زوجها سواها ومن الدرجه الثالثه وللحين ما احملت لها سنتان واشهر

بس نصيحه العلاج ما يجيب نتائج بسرعه عكس الخلطه الاعشان ولازم من واحد متخصص ومضمون

 

[العطر2011]

الله المستعان


طيب اذا الريال كلا ادويه تنفعه ؟!!
بدال ما يسوي العمليه ؟؟

 

[يارب اضعف]

حبيبتي عليج تخلين ريلج ياكل طلع النخيل مع عسل ويفضل يكون عسل اصلي صدقيني لي صديقه اعرفها زوجها يعاني
من الدوالى لدرجة الدكتور قال صعب تحمل حرمتك ف الفتره يبيلك علاج مكثف وطويل
وتبارك الرحمن الله هداها على طلع النخيل وشكله نفس الطحين دوري بقوقل بتحصليه وبتشوفي نتايجه خليه ياكل وانتي وياه ملعقه الصبح ونفسها ف الليل وباذن الله بتشوفي البشاره والاتنسيني من الدعاء انا ان شاء الله ببدا ويا زوجي ناكله
بالتوفيق للكل

 

[Dior80]

انا كنت رافضة ان زوجي يسوي تحليل لكن سواها بالغصب وبعد الفحص قالة الدكتور فيك دوالي ولازم جراحه والا ماكو اطفال خفنا حيل وكان موافق يسويها قمت اولول وقلت خنشوف دكتور ثاني . المهم ضحك الدكتور وقال هالجراح يبي منكم فلوس وصدقوني بصير حمل وفعلا بعد جم شهر صار الحمل وقال الدكتور كل الرياييل فيهم دوالي بس مادري زوجي كان اي درجة فلاتحاتين روحي حق اكثر من دكتور وشوفي شقولون

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ