من الافكار الحلوة في بيتي : .................................... اكملي الفراغ

[صلفا]

وينكم بنات ما عطيتونى رقم واحد يسوى لى المدخنه :bbbiu: بعدين معاكم لازم أعصب:eh_s(14):

 

[om mariam]

ممممممممممم
ما عندي افكار
بس كل شي روعه
انا اي شي شامبو ولا علب ولا عصاير اسويهم وسايل حق الدوام (نقيس الاوزان والسعه)
هذا الي افكر فيه
وسالفت الاكسسوار بكياس صغيره انا اسويها
اي حاطه جنطه صغيره تكرمون بالحمام حق الشباصات وخرابيط اليهال اذا نسو ياخذونها وياهم

 

[om mariam]

رجعت لكم مره 2
بالنسبه حق الريحه بعد الطباخ قشور البرتقال حطيهم على الجوله وحرقيهم تطلع ريحة البرتقال بالبيت
طبعا العاب اليهال في علب وهم اكسسواراتهم في علب
واذا عندي شي رجعت مره 2

 

[كلنا عشاق لكن]

..((ناقلته من نفسي هههه لاني حطيته بمنتدى ثاني بعد ))..

ههههه حلوة هذي إعجبتني صج :krkrkr:
أول شي صبحكم الله بالخير عودة من بعد غياب كاشخة بالنك الجديد
شوفي الله يسلمج
الورد والنعناع تحطينهم ع الدرايش منظر حلو وريحة حلوة حية :rerrerek: جربناها :rerrerek:
والمطبخ إغرسي بأصص صغيرة نعناع ووو
غير المنظر تقدرين تستعملينة للجـــاي طازج :rerrerek: ماجربتها بس مارة علي :eh_s(1):
وأي مساحة عندج حوليها حديقة طبيعية أو صناعية تستانسون وتشوون براحتكم
لأنه ماكو أحلى من الطبيعة لما إتحاوطج من كل صوب :rerrerek: المزارع كان ينسقها بشكل عجيب بس شالتها مرت إخوي :eh_s(4):
وعندج الله يسلمج لما يجونج ضيوف ومايمدي اللحم إيذوب
حطيه بالميكرويف ثواني الأ إهو ذايب وعموما المفرزنات إتناسبها هالطريقة
عشان تكون شقرا بالقلي مومحروقة لأنها من سبة التجميد إتأخر بالزيت وتحترق اطرافها :eh_s(1):
مثل القطايف والسمبوسة تعجبني لما تكون ذهبي على أشقر
وهذي الأشيا أطبقها بإستمرار
الهدايا بإستمرار أشتريهم
فايدتهم
الله يسلمج لأنة توصلني هدايا من سفر أو معارض فمن باب الشكر أهديهم قبل يطلعون
هالشي يحبب فيج بجنون :rerrerek:
عندنا نظام السفرات الطارئة هذا نظام إخوي ههههه
فدايما أكون شارية شغلات للسفر عشان من يقول أكون جاهزة لأني لو بتسوق للسفر يبيلي إسبوع جدام
ومتى ماطرالي شي بسدحة خصوصا إنه الموضوع روعة :eh_s(7):


​

 

[بحر الذكريات]

الله يعطيكم عااافيه خوووش موضوووع

في اشكثر بس انا نسايه درجه اولى بقول اخر شي سويته

معطر الحمام وانتوا بكرامه خلص جان اخذه طبعا بخه عجيب (( معطر اكوا من الرصاصي)) وجبت 5 عطوور او 6 مابيهم حطيته بالمرش وضفت عليه نص من 3 معطرات لجسمي رووووعه احبهم فانيليا وتفاح وفراوله وخلطت بالمرش وحطيتهم بالحمام

الريحه رووووووووووووعه وتدوووووم واستفدت من العطورات اللي موعاجبيني

 

[james546613]

حلوه أفكاركم حيل أحنا طبعا غير :eh_s(10): أحنا اذا شرينا شى جديد ما نحذف الكرتون نخليه لا خلصنا رذيناه:eh_s(10): مكانه يحافظ عليه مدة طويله بس أنا عندى مشكله بنات انا عندى المدخنه بالمطبخ تصب ماى من التكيف يعنى المدخنه على :eh_s(10):الفرن تعالى شوفى كل يوم انا ساحبه الفرن بنات أبى:eh_s(10): مساعدتكم اللى :eh_s(10):تعرف ياليت تساعدينى او تعطينى رقم واحد يجى يعدل المدخنه بعد طريقة ثانيه لتخزين أحنا :eh_s(10):نشترى أشبنت كزيره نغسلهم نقصهم ندخلهم بالفريزر ما تخرب ولا شى أستفيد منها بس ساعدونى بالمدخنه

حبوبتي دقي على واحد من المصلحين الي في جرايد الاعلان ويحط لج بايب او هوز يطلع ماي التكييف بعيد عن المطبخ او خارجة كان الله في عونج

 

[الباسمه]

حلللللللوه أبخ
والأحلى فكره المدارس وكل صوره تحطينها بظرف
يسلمو على الموضوع الرائع وعلى الأفكار الاروع
عني .............. عندي ولدين الله يحفظهم دايم أكون مجهزه لهم جنطه الطلعه فيها غيارهم ومستلزمات الطلعه
عشان اذا قررت أطلع بس ألبسهم وآخذ الجنه وأطلع
لوووووووووووووووول أهم شي طلعتنا ​

 

[رفيعة الشآآن]

وانا لما اطبخ طبخة دسمة مثل السمج او غيرها تفووووح ريحة الطبخ بس لقيت طريقة حلوة .............

اول شي ادعولي ............. اجيب جدر صغير يكون مخصص للشغلة هذة بس وهي شوية ماي وفانيلا مالت الحلويات وعود

دارسين وخلية يطبخ على النار وتصير ريحة المطبخ والبيت تهبل ​

ومبارك عليكم الشهر ​

:rerrerek:
عجبتني فكرة

 

[رفيعة الشآآن]

حلو الموضوع و استفدت وايد منه

واايد افكار بالي الحين ولاني عروس ونافذت منها شي

ببدا بعلاقة مفاتيح
احسة صج شال من حوسة المفاتيح واوراق بسيطة و بوك ريلي ونظارته

ثاني شغلة اوراق المهمة مثل عقد زواج - شهادة دراسية -كشف حساب صور من بطاقة مدنية و الجنسية وليسن ..... وغيرة يمعتهم بملف الاسود الكبير وديته لمحل تغليف هو مع ملف ثاني حقي لسوالف اعلانات و صور تعجبني .....ولون طبعا مع الوان الغرفة و صفيته يم الكتب

وفي افكار جاري تنفيذ اذا ظبطت معاي بسطرها بالموضوع ان شاء الله


متاااابعة للموضوع وحطيته بالفيفرت :ggdw:

 

[farawla_q80ia]

خوض موضوع أنا بالنسبة لي اذا ظلت ريحة بهارات الطبخ بأيدي افركها بقهوة تركية

 

[دلوعت مودها]

موضووووع عجيب ,,,
عن نفسي كنت اتعب من تنظيف السراميك بس قمت استخدم(المكنسه الكهربائيه) تنظف عدل واسرع وبعدين امسح بالمساحه الدائريه ما ادري شسمها واستخدم داك بالبخور عجييييييييييييييب واحط بالفواحات كمفورت تصير ريحة البيت منعشه....
وحق الجوله(الفرن) احط قصدير داير مدار عيون النار وعلى كل الجوله
عشان ما اتعب بتنظيفه من الزيت والدهن وغيره وكل ما توصخ شلت القصدير وحطيت غيره,,,
وحق تخزين الاكل الزايد استخدم الحافظات البلاستيكيه احسن من اني الف الاكل بجيس او قصدير وتعطي شكل حلو بالثلاجه...​

 

[..’’ياقلبـك الخوّاف’’..]

موضـــــوع فتـــــــــــــــــــــــــــــــــــــــــــــــــــــاك مو بس رائع ( حلوه فتاك ادري ) :eh_s(7):

أول شي لصاحبة الموضوع :eh_s(17)::eh_s(15):

أنا بصراحه أحب الفناتق بالبيت وعندي وايد أفكار وابدوا بالدعاء من الحين لأنكم رح تستفيدون

أهم ركن عندي بالبيت هو ركن بوفيه المشروبات الساخنه .... مثل الفنادق .....:rerrerek:...... يعني صينيه فيها أكواب ومطارة ماي حار جاهزه كل ما دخل زوجي البيت .... وفي الصينيه كونتنير احط فيه أنواع مختلفه من الشاي والأعشاب والشاي الأخضر وكذا نوع من القهوه والسكر العادي والبني والكوفي ميت وعلب الحليب الصغيره وملاعق صغيره للتحريك وهذا الكونتينير شفاف بحيث تبين محتوياته ومغلق بحيث ما يدخله الغبار او حشرات وطبعا لابد من وجود قالب صغير حق أكياس الشاي المستخدمه ( طبعا شكله ذرب ومقسم من داخل )........ وبجانب الصينيه سله مقسمه بعد في قطع بسكوت او كاكاو صغار وشوية مكسرات ..... وعلى الطاوله كلنيكس سفره يعني بوفيه مشروبات ساخنه مصغر وعلى هالحال من سنيـــــــــــــــــن وزوجي يحب هالركن وبين فتره وفتره أغير الأطقم لكني أفضل اللون الأبيض يعطي جووو ........:rerrerek:

اشرايكم ؟:eh_s(10):

ماشالله تبارك الرحمن نوووووو كومممممينت

 

[ام شيخون]

الصراحه ما احب اسمع صوت الباب اذا يطلع صوت فاخذ زيت الاطفال جونسون واحط على الحديده الي ماسكه الباب بطوفه انشاء الله فهمتو قصدي والزيت احسن ما فيه ريحه ويكون ثقيل ويستمر مده مو مثل باجي الزيوت اما الزيوت المخصصه للحديد تكون فيه ريحه

 

[سكر فتافيت]

موضوع رائع ماشالله
لعب الولاد الى تملاء الغرفه
كل فتره افرزها ارمى الكسر والمبهدل
والحالته كويسه اشيل منه كام لعبه فى شنطه مثلا
واحطه تحت السرير مده اسبوعين ثلاثه
وبعدين اطلعه تانى للولاد يفرحوا بيها اكنها لعب جديده
ههههه لسه صغار ويضحك عليهم

 

[رينااد]

ما شاااااااااااااء الله عليكم كويتيات

آنا بالنسبة لي ملوله أحب بين فتره وفتره أغير بطريقة تقدييم الأكل لزوجي و اعيالي أغير الصحون والاطباق والاكل
هم بالنسبة للأثاث اغيره مكانه وانسقه من جديد والكفرات أحاول انسقها مثل طريقة الفنادق واغيرها او اخلطها مع قديم وجديد واضيفله كوشيات جديده مع شموع واكسسوارات تطلع شي شي 00000لاني احب الديكورشن والتصميم وهم احب النظافه من قلب

 

[رينااد]

شكرااا لصاحبة الموضوع

 

[@توتا@]

انا حاطه ظرف اجمع فيه كلللللللل مطاعم الدلفري مع المنيو مالهم

وما اقط ولا اعلان الي ايون مع الجرايد اجمعهم كلكم

اسرع واحلى احب اطالع الصور هههههههههه

 

[إماراتية طر]

يعطيكم العاافية

 

[بحر الذكريات]

الله يعطيكم العافيه بنات

ابي اشتري هذا شيسمونه اللي يحطونه كورنر حق القهوه والشاي وهالسوالف من وين؟؟؟

 

[مشغوله و محتاسه]

ممممممممم وايد افكار بس بقول ياللي ببالي
بالتواليت الله يكرمكم اخذ غرشة المويه الفاضيه وااحط ثلاث ارباعها من سوبر جل العملاق واسكرها عدل واسوي فتحات بغطا الغرشه (قارورة المويه) فتحات وسيعه شوي --- تدرون وين احطها ؟ جوات السيفون افتح الغطا واحط الغرشه مايله وفايدتها كل ما احد يدش التواليت ويسحب السيفون تنزل المويه لونها اخضر وريحة الحمام وااااااااااااااااو نظافه على طول

كربونات الصودا استخدمها لازالة الصدا ولتلميع المغاسل والقدور واحيانا اضيفه مع الخل للملابس البيضا وقت الغسيل

وكمان انا ماعندي شغاله وعشان ماتنعدم يدي حاطه لي خلطة بجنب المجلى حاطه زيت لوز وزيت زيتون وفازلين وشوووية فكس بعلبى صغيره وقبل لا اغسل الصحون وانظف بالمطبخ اخذ كميه مع شوية سكر وادلك يدي فيها والبس قلفزات وتجلس يدي بالمرطب لحد ما اخلص الشغل بعدها اشيل القلفز واغسل يدي وشوفو النعومه والبياض

ممممم شو كمان --- تعرفون برواز الابره تعبينه بالعطر اللي تبين انا بالنسبه لي احب عطر نبتون او انانيا من زهور الريف واعبي البرواز مال الابره وبعدين من وقت لوقت استخدمة لتعطير الكنبات والوسايد
والطريقه انك تعطين الكنبه تطعيمه هههههههههه يعني تدخلين الابره بالكنب وتنزلين شويات من العطر وباماكن مختلفه
<< ما اعرف اشرح بس حاولو تفهمون

ونصيحتي الاخيره قشر البرتقال والليمون اياكم تفرطون فيهم ابدا
ليش .....؟
لانو اللي ماتلبس قلفز وقت الغسيل تقدر تستخدم هالقشر مع الصابون
وكمان تقدرو تجففون القشر وتحطوه ببطرميز وتستخدمونه لخلطات واقنعة البشره
ولما تخلطين قشر الليمون والبرتقال المجفف مع معطر تحبينه وتحطينه بزوايا المطبخ بس بشكل حلو يعني تلفينه بدانتيل وشرايط راح يعطيك ريحه واو وتطول


ولي رجعه---- ان شاء الله اكون افدتكم

وااو خوووش افكار ماشاء الله عليج

:ggdw:

شكرااااا على المشاركه المفيده

موضوعكم روعة ..تسلمين يا صاحبة الموضوع ..و يسلمون البنات اللى شاركوا

عجبتنى فكرة الفوط : الباردة و الساخنة .

عن نفسى ..اغلب الافكار مطبقتها ...

بس حبيت افيدكم بخلطة مسويتها للحمام عزكم الله ..رووووعة بمعنى الكلمة ..ماخذتها من هالمنتدى من عضوة جزاها الله خير :

كميات متساوية من : الماى و الديتول و كلونيا ام بنت و كمفورت و اى عطر زيتى عندج ..حطيهم بغرشة و رشرشيهم بالحمام ..و شمى الريحة الخنينة ....ملاحظة ..لا ترشينها على الارضية ترا تزلق بسبب الكمفورت

و عشان افتك من مشكلة قلة اماكن التخزين ..قمت احط هدوم الشتا فى اجياس و اشفطهم بالفاكيوم ..ماخذتهم من طيور الجنة على 350 فلس ...ما ياخذون مكان وايد و انظف من حطتهم بجناط و سفنيك

الله يسلمج حبيبتي و مشكووووره عالافكار الحلوووه .. الجياس هذيلا وايد حلوين .. :eh_s(17):

موضوع روووووووووووووعه

اب

شكرا عالمرور و الـ أب :eh_s(17):

جزاكم الله خير خواتي

وياج حبيبتي .. شكرا عالمرور و الرد :eh_s(17):

انا لاني بنت وحيدة لي وانتو بكرامة حمام بروحي غير عن اخواني

وهو داخل غرفتي .. وشوي عنوونو مايكفي كريماتي وخلطاتي وخرابيطي

فكرتي اني شريت سلال من دايسو وقسمت عليه شغلي

سله فيها لوشنات الشاور جل وحمام الزيت والخ ........

وسلة ثانية يم المغسلة كريمات وغسولات ومعجون سنفرة يعني الاشياء الي حق الصبح والويه وجذي ..

ماكو احلى من الترتيب .. شكراا لج عالمشاركه المفيده .. :eh_s(17):

:eh_s(7):السلام عليكم خواتي حبيت اشارك يمكن تستفيدون من طريقتي بالبيت انااستخدم خلطه للتنظيف للمطبخ والحماامات اعزكم الله نرشها كل مكان قبل التنظيف بربع ساعه وتعطي نظافه ولمعان وريحه ويفضل تحطينها ابخااخ وهي كلوركس -ديتول-خل-كربونات الصوديوم-فيري-صابون ملابس وماي -بكميات متساويه وحطيها ببخاخ كبير انا احطها ببخاخ الزرع

شكراااا لج حبيبتي على المشاركه المفيده .. وايد يمدحوون الخل و البيكربونات :eh_s(15):

وينكم بنات ما عطيتونى رقم واحد يسوى لى المدخنه :bbbiu: بعدين معاكم لازم أعصب:eh_s(14):

ههههه لو عندنا ما عزيناه عنج .. الله يعينج ان شاء الله الحين تكون الامور تضبطت :eh_s(17):

ممممممممممم
ما عندي افكار
بس كل شي روعه
انا اي شي شامبو ولا علب ولا عصاير اسويهم وسايل حق الدوام (نقيس الاوزان والسعه)
هذا الي افكر فيه
وسالفت الاكسسوار بكياس صغيره انا اسويها
اي حاطه جنطه صغيره تكرمون بالحمام حق الشباصات وخرابيط اليهال اذا نسو ياخذونها وياهم

هذا الابلات .. الداوم و الشغل على بالهم ليل نهار .. يعطييج العافية عالمشاركه المفيد :eh_s(17):

رجعت لكم مره 2
بالنسبه حق الريحه بعد الطباخ قشور البرتقال حطيهم على الجوله وحرقيهم تطلع ريحة البرتقال بالبيت
طبعا العاب اليهال في علب وهم اكسسواراتهم في علب
واذا عندي شي رجعت مره 2

ولكم مره 2 ... عساااج عالقووة :eh_s(17):