منيو كويتيات الرمضاني

[ام سلومd]

بسم الله الرحم الرحيم


راح ابدي بالمنيو انشاء الله راح يعجبكم

اول شي راح اعرض لكم السفرة

وراح ابدي الحين باطباقي

 

[ام سلومd]

المقبلات+ السلطة

المقبلات :

سمبوسك حلوم

حلوم منقوع و مبشور

عجينه سمبوسك انا شريتها من عند الهندي

الطريقة:
نحشي السمبوسك بالجبن و نصك بالمعجون و هي ماء و طحين و نقلي ليمن تستوي

هذي السلطة منقولة من جوري و بنفسج بس تصوري
سلطة الباستا بالخلطة العجيبة والصعبة

اول شي هذي الباستا الي استعملتها

تسلق بماء وملح وشوية زيت زيتون وبعدين نصفيها

جزر مبشور

خيار مقشر ومقطع على شكل نصف دائرة

 

[ام سلومd]

فلفل بارد ألوان ( أخضر + أصفر + أحمر ) مقطع إلى قطع صغيرة

بصل أخضر مقطع صغيرة

ذرة علبة صغيرة

زيتون أخضر شرايح

مقادير الصلصة

صلصة أيطالية + صلصة فرنسية + شطة hot sauce بوديج انا الصراحة ماحطيت مقادير معينه انا استعملت على قد الكمية اي انا ابيها ماكو مقادير محددة الصارحة

 

[ام سلومd]

معجون الطماطم المجففة >> إذا مو متوفر عندج تقديرين تخلطين قطع الطماطم المجففة بالخلاط مع مقادير الصلصة لما يصير ناعم

و نظع الصلصة على السلطة و نقلب و نقدمها الصارحة نصيحة لاتطوفكم لان اعجبت الكل من كثر ماهي لذيذة من دون مبالغة

الطبق الرئيسي

ششبرك
العجين :

كوبين طحين
ملح اشوي
2 قفشة كبيرة شكر
زيت عادي ربع كوب
و الماء تقريبا كوبين او انتي قدري كمية الماي
و نعجن
الحشوة :
1/2 كيلو لحم مفروم
شدة بقدونس
ملح فلفل
بهرات مشكلة
3 بصل مقطع قطع صغيرة

الطريقة:

اول شي نحمس البصل ليمن يذبل و نضيف الملح و الفلفل و البهرات و نظيف اللحم و نقلب ليمن يستوي و نحط البقدونس في الاخر و نخليه يبرد

هذي العجين لازم تصير العجين مطاطية:

اول شي نرش اشوي على الطاولة اشوي طحين اذا ما تحتاج ماله داعي نفرد العجين و نقطع بـــــ قلاص الجبن الكرافت اول التعاون اي نوع عندج نقطع العجين جذي

نفرد اشوي من العجين الدائرية و نحشي تقريبا قفشة صغيرة لحم مفروم

و سكري جنج تسكرين فطيرة

 

[ام سلومd]

شفتي الطرفين اخر العجين لفيعه على بعض راح يصير جذي و انشاء الله عاد وصلت لكم الفكرة عدل

ليمن تخلصين الكمية

ندخلة فرن ليمن يستوي العجين او تتحمر

و عندج الحين الصلصة الروب:
ثلاث علب روب + 1/2 كوب او 5 قفاش كبيرة نشا نذوبه قلب لا نسخن الروب مع 6 الى 7 اكوب ماء و ليمن تشوفين الروب يصك اشوي و حطي اشوي نعناع ترى يطعم

و تحط الششبرك على الروب و طفي على النار خلي العجين تتشرب الروب من دون لا يغلي

و هذي لكم

 

[ام سلومd]

شوربة فطر

علبة فطر
2 ملعقة زبدة
كوب و نصف ماء
2 مكعب ماجي
2 الى 3 ملاعق كبيرة طحين

نضع الزبدة+ الفطر و نقلب قليلا

نضع مكعبين الماجي و نقلب

و نضع الفطر و نقلب قليلا

نضع الطحين و نقلب

نستخدم الوسك او مخراخه و نخلط حتى تختفي الطحين تماما
و نضع الماء و ندعه يغلي لمدة 10 دقائق
و نقدمة
على طريقتين

 

[ام سلومd]

الحلو

برد التوت

جبن فيلاديلفيا حجم العائلي الكبير 300 جرام
كوب سكر
كوب فراولة مثلجة
كيس جلاتين مذوب بكوب ماء حار
لون احمر
بسكوت بيتي بور حوالي 4 او خمس كيس مطحووووون
1/2 علبة قيمر (قشطة)
2 قفشة توت حشوة للجيز كيك
الطريقة:
نخط اول شي الفراولة + الجلاتين الذوب بالماء الحار و نخلط مع 4 نقط لون احمر

نخلط الجبن+ الشكر اشوي و بعدين نضع خلطة الفراولة مع قفشتين توت الحشوة

 

[ام سلومd]

و باقي الحشوة نوزع في القوالب الثانية

و عندج الحين الكيك عندج استكانه نقصص الكيك و نغطي البرد طبعا لازم مدخلة الفريزر

و انشاء الله يعجبكم شغلي

 

[ام سلومd]

و سامحوني نسيت العصير

شدة نعناع
1/2 كوب ليمون
5 قفاش كبيرة شكر
رشة ملح
ثلج
و نخلط بالخلاط

 

[نور قلبة]

منيوو حلوو

يعططيك العافيه ومبروك الفوز

 

[ايمانو حلوة]

الف مبررووووووووك

حياتي تستاهلين كل الخييير ومنها للافضل يارب

 

[أحلى^حياه]

 

[ام الحوراء زينب]

مبروووووووووووك الفوز
وتسلم ايدج على هالطبخ

 

[<< أزيان >>]

الف مبروك ياحياتي

تستاهلين الفوز

وتسلم ايدج

 

[ريم الصبايا]

تسلم ايدج ام سلوم

والف مبروووووووووووك

 

[ام فارس و محمد]

تسلم ايدج علي الاطباق الاكثر من راااائعه

و

الف الف مبرووووووك حبيبتي

اتمني لكي المذيد من التوفيق و النجاح

 

[شاي مهيل]

الف مبرووووك


تستاهلين ام سلوم

 

[أم ريوف 1400]

 

[om mishaal]

 

[فلوريدا]

الف الف الف مبرررررررررررروك وتسلم ايدياتج الحلوه