منو يعرف عن التابعة اللي تطيح الياهل ومنو تعرف احد يعالجها

[د.شريفة]

اخواتي يا بنات
انتوا الحين مثقفات وواعين شنو هالكلام اللي تقولووونه
والله انصدمت بنات مالكم غير كلام الله
هو الله هو الشافي هو المعافي
هو الرزاق
لاقفل ولا حجاب هذا دجل
عليج بالرقية الشرعية من الحمل الى يوم الولادة
وشيخ دين معرووووف لدى الجميع انه شيخ دين يقرأ عليج او استمري على الرقية الشرعية الصحيحة
والله يعافينا ويشافينا ان شاء الله
بسم الله الشافي بسم الله المعافي بسم الله الذي لا يضر مع اسمه اذى

 

[&ام عبدالله للخلطات والأعشاب&]

انا معاج د. شريفه

وانا سالت الشيخ بومشعل الي بالجهرا و الكلل يعرفه و عطاني الوصفه الي ذكرتها و فعلا رقيه عالكتاب و السنة
و الي يبي الله يرزقه يتحرى الحلال

 

[Queen-q8]

حبيبتي د شريفة

انا معاج وانا لماطلبت احد يعرفلها انا خذيت هالشيء من نا س ملتزمين وانا ولله الحمد اهلي كلنا ملتزمين وما عندنا هالشيء بس انا ابي احد يعرفلها ويعرف يطلعها بعد الاستعانه بالله اولا وبالقران طبعا ...

____________________

اختي كويتية

رسالتي اللي دزيتها وكنت مجاوبة عن الاسئلة اللي سألتج اياها عن البرنامج مسحتها بالغلط من الرسائل ...

فيا ليت لو عندج نسخة منها تدزينها لي مرة ثانية

ادري اذيتج بكثر اسئلتي وطلباتي بس انا طمعانه بكرمج والله يجزاج الف خير ...

 

[&ام عبدالله للخلطات والأعشاب&]

ابشري الله يسلمج
من عيوني بس همن انا مسحتها وراح اعيدهالج بالتفصيل

 

[طير الحب]

والنعم بالله بس احنا ما قلنا انا جربنا هالاشياء ... لانى انا اللى كاتبه عن الفقل ؟؟

انا ماتوا لى 4 ولله الحمد والمنه وكل مره يقولولى تابعه وتعالى سوى وسوى وانا اقول لا اللى الله كاتبه بشوفه

انا كتبت انه رفيختى شفت الحاله بعينى بس مو معناه انى راضيه

بس للتوضيح ومن غير زعل

 

[alryan]

يابنات انا دشيت بالعرض ؟ انا عد ابي منكم صارلي 17 سنه من الزواج ....حملت أول مره من زواجي سقطت ومن بعدها 3 شهور تقريبا حملت طبعا بعلاج وسقطت وبعدها 5سنين حملت بعلاج هما سقطت يعني كانت أخر حمله من 10سنين وبعد ماحملت أبي الحل ؟؟؟

 

[كحــ العــيون ــل]

ياسبحان الله سالفتج نفس سالفتي بضبط ماخليت مرة مارحتلها دكتوره ماخليت تبهذلت وتوترت وتعبت نفسيا وصرت أحلم بحشرات وقطاوه سود وشغلات مخيفة لين أرشدني ربي لمرة خالي ماشاء الله مرة ملتزما وتحفظ كتاب الله قلتلها عن حالتي وقالت في ناس حاطة عينها عليج وأنا كنت بالفعل أدري عنهم بس تجاهلتهم ووصتني بأذكار الصباح والمساء ماأخليهم لأنهم يحمي الله قارأها من الضرر وسبحان الله أستمريت عليهم شهر ولا أنا حامل وفرحت حيل ولاكن الخوف كان معاي لأني ماعديت ال3شهور الأولى ألي دايم يسقط الحمل فيهم بس أستمريت على الأذكار صبح ومسى لين تم حملي بسلام وجبت البنوته إلي تمنيتها من زمان وعقب معانا الله يخليها لي ويصلحها ويرزقج ربي بالولد إلي يفرح قلوبكم ويرزقكم بنين وبنات

وفعلا من ذكر ربه ماخاب
فجعلي لسانك رطبا بذكر الله عز وجل دائما

 

[Queen-q8]

مشكووورة كويتية ويد ما نعدمها ...
وفيتي وكفيتي

جزاك الله الف خير ...

__________________

طير الحب

انا قريت مشاركتج وادري انج قلتي رفيجتي وعشان جذي ما سألتج عنها لان الله العالم اني احاول قد ما اقدر اتجنب الحرام واهمها الشرك بالله ولا حول ولا قوة الا بالله

مشكووووورة يالغالية وما قصرتي ..

___________________________

كحل العيون ...

الله يرزقج ان شاء الله بالذرية الصالحة اللي يترسون بيتج بحول الله ..

لا تيأسين وادعي ربج بس اعتقد ان علاجج بعد الله بالامور اللي فيها مساعدة الانجاب
انا اعرف بنت حماي تزوجت معاي وما حملت الا 2004 يعني بعد 5 سنين وكان مسقطة مرة اول ما تزوجت وبعدها كانت تعالج والاعتقاد كان ان فيها ضعف تبويض ولما ضبط التبويض معاها ما حملت اكتشفوا بالنهاية ان تحاليل زوجها مو مضبوطة لماعادوله التحليل اكتشفوا همن فيه ضعف

وسوت تلقيح صناعي بالصباح وعندها الحين ولد عمره سنتين وقاعدة تحاول مرة ثانية والله يرزقها...ويرزق الجميع بالذرية الصالحة ...

 

[أشرق الأمل]

ياللة يشفيكم ويشفيني من التابعة تعبي منها وموراضية تروح الا بأمر الله الله يلعنها

 

[فرفشه منعنشه]

رد : منو يعرف عن التابعة اللي تطيح الياهل ومنو تعرف احد يعالجها

انا بولدي الاخير صارت فيني التابعه كانت قطوه سوده واقفه يم باب بيتي اكشها وترجع تنط من وراي وتصير جدامي مره ثانية وماتبيني ادخل بيتي وكانوا بالحلم معاي عيالي وكنا خايفين وما حصنت نفسي وفتح رحمي بالسابع وبالغصب وقفولي الطلق بابر بالوريد وبعدها بجم اسبوع خلاص البيبي ما قام يتحرك وولدوني اول الثامن وحتى حبيبي يبته نتفه وحطوه بالشيشه وقلبه تعب شوي والحمدلله الله سلمه لي

 

[الريشة]

الله يشافيج يا رب و يرزقج الطفل السليم و يشافي كل وحدة تعاني مثلج..
شوفي أختي بعطيج نصايح و ان شاء الله تفيدج:1- حطي ثقتك بالله إنك راح تتشافين بإذنه.
2- روحي العمرة انتي و زوجك الحين اذا تقدرين و ادعي بخشوع و أخذي معاج ماي زمزم حق الكويت.
3- اقري كل يوم الرقية الشرعية على ماي زمزم و شربي منه انتي و زوجك و ترى الرقية الشرعية موجودة بالإنترنت أو روحي حق دار مطبوعات إسلامية و تلاقين عندهم كتيبات للرقية. وخللي زوجك يقرا الرقية كل يوم مو بس انتي.
4- سورة البقرة اقريها كل 3 أيام مرة انتي و زوجك أو كل بين فترة و فترة و لا تقرينها كل يوم لأنك راح اتعبين الجن و ممكن راح تحلمين فيهم يضايقونك لأن سورة البقرة تضر الجن فخلي القراءة كل 3 أيام مثلاً (هذا الكلام سامعته من د/فهد العصيمي - مفسر الأحلام).
5- السدر لازم تاخذين منه 7 ورقات و تدقينهم بين حجرين طاهرين و تحطينهم في ماي زمزم مقري فيه الرقية و إذا ما عندك ماي زمزم استعملي ماي عادي و شربي منه 3 رشفات أو نص كوب و كرري 3 أسابيع على الأقل و يفضل جم شهر بس اذا حملتي أو تبين تحملين لا تشربين سدر لأنه يسقط الجنين و اغتسلي من ماء السدر انتي و زوجك أحسن ، بس لا تستخدمين سدر مطحون لأنه مو زين ، الورق الطازج أحسن و موجود عند الحواي و يفضل شرب الماء و السدر و قت الدورة و إذا انتي محسودة راح ينزل عليج دم وايد سبحان الله.
6- ادعي ربك بعد الصلاة و أثناء الأذان و بين الأذان و إقامة الصلاة و يكون دعائك يتضمن: إن الله يشافيك انتي و زوجك من العين و الحسد و السحر و المس و ادعي إن الله يرزقك رؤيا بالإنسان اللي حسدك عشان تاخذين من أثره.
7- إخذي من أثر الناس اللي شاكة فيهم إنهم حاسدينك، مثلاً : إذا زاروك ناس في بيتكم إخذي القلاصات أو الإستكانات اللي شربوا فيها و غسليهم بطاسة فيها ماي و شربي عقبهم انتي و زوجك و تسبحي انتي و زوجك بما تبقى من الماي لمدة 3 أيام على الأقل.. و مسحي عتبة مدخل بيتكم بفوطة مبلولة ماي و عصريها في تب ماي و تسبحي انتي و زوجك و كرريها 3 مرات على الأقل. ( الاغتسال بأثر العائن ذكره الشيح عبدالله الجبرين).
8- خللي زوجك يتوضأ و تسبحي في ماء وضوءه و انتي توضي في ماي و عطيه زوجك يتسبح عقبك لأن ممكن تكونون حاسدين بعض. و اذا شرب شيء شربي عقبه و اهو خل يشرب عقبك.
9- تصدقي وايد انتي و زوجك ، روحوا أي لجنة خيرية و دفعوا صدقات و كفلوا يتيم.
10- الاستغفار يومياً على الأقل 1000 مرة.
11- خللي نيتك صافية مع الناس و لا تغتابين أي أحد.
12- تدهني بزيت زيتون مقري انتي و زوجك مثل ما قالت وحدة من الخوات قبلي.
13- اقري الرقية على عسل طبيعي و اكلي منه كل يوم انتي و زوجك.
14- جيبي ماي مقري مع ملح و حطيه في بطل رشاش و رشي بيتكم 3 أسابيع على زوايا الغرف و النوافذ و الأبواب.
ان شاء الله أكون ما نسيت شيء..

فيه شيخ بحريني اسمه مصلح العنزي و عنده موقع في النت شوفيه ترى زين

 

[انوار2010]

رد : منو يعرف عن التابعة اللي تطيح الياهل ومنو تعرف احد يعالجها

عليكم بالالتزام بكتاب الله وخصوصا سورة البقرة وادعية الصباح والمساء وزيت الزيتون المقري فيه وتوكلو على الله وربي مايخيب تعبكم .

 

[روعة زماني]

مرحبا بنات شخباركم
انا اول مره اادري ان السدر يشربونه شلون طعمه عادي ما يضر
انا كل الدكاتره يقولون ما فيني شي بس ما حملت من 16 سنه شلون ؟؟
بحاول اجرب وصفتكم بس انا ما حلم بقطاوه بس زهاويه ومن زمان ما حلمت فيهم

 

[راقية باخلاقي]

بتاخر الحمل

العضوه الخنساء

كاتبه تجربتها بالتفصيل والصور


وصج ماكو مثل ابو مشعل الحربي بالجهرا يعالجها

 

[روعة زماني]

وينها الخنساء وشنو تجربتها يعني تاخر حملها

 

[حلوه العسل]

انا خالتي معااها ام لصبياان
مشاءالله اهي الحين عندها خمس بناات ٢ متزوجات
واهي كبيره وموصغيره
وكلما تحمل اب اصبي اتضل لي الثالث وبليل اتحلم واتفز من النوم وتلقى البيبي ميت
مسكينه خالتي واايد اتاثرت بالسالفه وخاصه انه ريلها ضااغط عليها عشاان يبي
اصبي واهي تسقط لصبيان

 

[غلا جابر 2010]

رد : منو يعرف عن التابعة اللي تطيح الياهل ومنو تعرف احد يعالجها

امبيه انا بعد صار فيني جذي ووحسيت اني حامل من الاحلام اللي تخرع ولمن قلت حق امي ماتعرف قالتلي اقري قرآن بس ماكو الموضوع زاد عن حده لمن خالتي ام ريلي قالتلي هذي تابعه ولازم يامعه ... ومن سوتها لي ولبستها وانا الحمدلله مرتاحه

سألت عن التابعه قالولي ان كل انسان عنده قرين وانا قريني مايبي الياهل ...

الله كريم بس قالتلي لي دخلتي التاسع نصه يعني فصخي اليامعه

 

[كتكوته ورديه]

شوفي اختي انا شارت علشانج التابعه اقري الرقيه الشرعيه كل يوم ورحي عند المطوعه الرفاعيه معروفه بعلاج التابعه مرت عمي جذي يموت الجاهل واهو علي سبعه وسته الحين داست علي ظهر ها والحين عندها ثمانيه اسالي عنها الرفاعيه الاصليه مالت اقريت القراءن

 

[الريشة]

رد: رد : منو يعرف عن التابعة اللي تطيح الياهل ومنو تعرف احد يعالجها

امبيه انا بعد صار فيني جذي ووحسيت اني حامل من الاحلام اللي تخرع ولمن قلت حق امي ماتعرف قالتلي اقري قرآن بس ماكو الموضوع زاد عن حده لمن خالتي ام ريلي قالتلي هذي تابعه ولازم يامعه ... ومن سوتها لي ولبستها وانا الحمدلله مرتاحه

سألت عن التابعه قالولي ان كل انسان عنده قرين وانا قريني مايبي الياهل ...

الله كريم بس قالتلي لي دخلتي التاسع نصه يعني فصخي اليامعه

أختي ترى ما يجوز تعلقين يامعة حرام هالشيء
لأن الحافظ الله سبحانه مو اليامعة و هذي بدعة
و إذا الله حفظ لج البيبي و ولدتيه فهذا استدراج لج من الله عشان يختبرج يشوفج مصدقة هالسوالف اللي فيها بدع و كفر.
ما يجوز تؤمنين بالأشياء

 

[الريشة]

عندي تعديل على معلوماتي اللي حطيتها قبل شوي.
ترى ما يجوز تدعين إن الله يخليك تشوفين رؤيا بالناس اللي حسدوك أو سحروك
فقط تدعين لنفسك بالشفاء من العين و الحسد و السحر.
و إذا الله يبيك تشوفين رؤيا راح يرزقك هالرؤيا.
حبيت أضيف شيء على طريقة الأخذ من أثر العائن..
ممكن إذا انتي شاكة في ناس حاسدينك إنك تروحين عند باب بيتهم الخارجي و تمسحين العتبة بفوطة مبللة ماي بس بدون محد يشوفك طبعاً و إلا راح تصير مشكلة و بعدين رجعي البيت و نقعيها في طشت فيه ماي و تسبحي فيه انتي و زوجك و يكرر أكثر من مرة.
شوفوا هالمواقع:
http://www.alroqyah.com/vb/t12706.html
http://www.rogyah.com/vb/showthread.php?t=34018

من موقع الدكتور فهد العصيمي - مفسر الأحلام السعودي:
http://www.22522.com/showarticles-8.html