منو يعرف عن التابعة اللي تطيح الياهل ومنو تعرف احد يعالجها

[حضن امى]

ماتشوفون شر انشاء الله

اخواتى انا عندى الحل وشفت ناس كثييير تشافوا من الحمل ومن التابعه
راحوا حق ابو انس اللى فى مشرف ويقرا عليهم مع المتابعه والله فى ناس اعرفهم 10سنوات يعالجون فى المانيا وكل الدول وعند المطوع ابو انس ماتموا الشهر ولا هم ماشاء الله حملوا
وحتى التابعه نفس الشى كانوا صديقاتى عندهم تابعه وراحوا حق ابو نس والحمدالله
الله رزقهم بالاولاد
تحياتى للجميع

 

[جارة القمر]

غالي الأثمان

الله يشفيج حبيبتي

ويرزقج يارب

 

[Queen-q8]

مشكورين كل البنات اللي ردوا علي ..

قيرل ان ا بوتل

ما علياه اتعاييز اغير اللانقوش

لا حبيبتي انا وياج وانا ان شاء الله راح اتابع سورة البقرة حيييل حيييل امدحوها ..

___________________

انا كويتية

مشكورة على الدعـــاء والله يرزقج بعد انتي وكل المسلمين ان شاء الله

_________________

شندوخه

وايد حلو اسمج احسه حيل حركي ...

ان شاء الله ناويتله همن سمعت عنه والله ييب اللي فيه الخير ...


_______________________


فدعه ودلوعة ...

مشكورة على الدعـــاء والله يجزاج الف خيران شاء الله...

_________________________

جروح تبتسم

اسم الله عليج من الجروح وان شاء الله دايما بفرح

حبيبتي والله انا اسقط شهرين واقل يعني ما يبني جنس الياهل بس سمعت ان التابعة حتى واهاو مني تشله وتشوهه ... سبحان الله ...

مشكوووورة على الدعـــاء والله يجزاج الف خير

 

[Queen-q8]

منورة الكويت

مشكورة على الدعـــــــاء والله يوفقج ويجزاج خير

________________________

وسن 11

مشكورة على الدعــــأء والله يجزاج خير ان شاء الله

________________________

مس ديووور

حبيبتي وين هذا الكتاب اللي تقولين عنه ...ومن وين اشتريه ...

ومشكووورة ووجزاج الله خير

___________________

الشقردية

الله يتمم عليج وان شاء الله تم حمالج بعدهم ...

وانا هالمرة نفسج الرحم مسكر وهذي رابع تنظيفات اسويها وما رضى يفتح نمت بالمستشفى مرتين اول مرة انحشت لما حطولي درب طلق صناعي مرتين وما فتح وتحميلتين وهمن ما فتح وقلتلها باطلع وطلعت على بون اردلها بعد يومين ومرت 4 ايام وما نزل الا شي بسيط ورحت امشي واحس احسن ولما رحتلها يوم التنظيفات والا ليلحين مسكر الرحم عندي تصدقين دخلت غرفة العمليات واهو مسكر وانا اقول الله يستر كنت بين ناريم ما اقدر اخليه ولا اقدر اسوي تنظيفات

انا قيصرية ولازم الرحم مفتوح عشان ما يجرحووون مكان العملية ..

والله مرت ايام علي النفسية كانت بالقاع والحمدلله اللي سلمني من الاثنين ...

العماية تمت بسلام والياهل ما سمم رحمي ...

الف الحمدلله كنت بازمة والله ستر والحمدلله ...


وما قلتيلي شلون الخرافي قرايته تمام والا عادي انا قريت عند ابو انس وابو سامي ..

وشلون حمالج اللي بعده تم بالسلامة وشنو يبتي ...

________________________________

 

[Queen-q8]

نونو78

بشري عنج ات شاء الله خير ...

دير بالج واقري على نفسج ....

الله يتمم عليج ولا تميرن باللي مريت فيه ويتمم عليج ان شاء الله ...

____________________

نوون

حبيبتي لا مو لازم حيوانات ممكن يكون معاج تابعه ...

حبيبتي اقري على نفسج وسوي سيرج ب ام الصبيان تطلعلج الطريقة للمعالجة ..

وهمن اقري البقرة واستمري عليها فترة طويلة وحاولي تختمينها كل ليلة ترى مدتها ساعة فاختاري ساعة يومية واقريها ويفضل بالليل...
____________________

حضن امي

اعرفه ابو انس قريت مرة وكنت حامل وقايليلي مافي نبض قيرت يومين والثالث طلع عنده عزا ... وقال لازم تقرين عندي قبل الحمال والرحم خالي ...

مشكلته وقته حييل عسر ...وخصوصا بالشتا ..

ولازم موعد وبصراحة شوي نفسه خايسه ويفشل ...


و3 ايام بالاسبوع ولحق لو ما تلحق وانا دوامي يتأخر فصعب علي شوي مواعيده ما تناسب استمر عنده ....

____________________________

جارة القمر

مشكورة يالغالية وما قصرتي ...

والله يجزاج خير والشر ما يجيج ان شاء الله

 

[OmZizo]

شلون تعرف الوحدة انها فيها تابعة ؟ من العورات؟ ويلا اذا ما حملت خير شر؟

 

[متغربة]

التابعة يقولون انها تموت وتنزل اذا تبخرتي بالحصرم والحلتيته ولبان الذكر بعد ماتقرين عليهم الرقية الشرعيه كاملة لمدة من 7-10 ايام

واذا بكي سحر بعد 40 يوم تستفرغين واذا نفس تعتازين 30 يوم

المشكله وين اقولك انا سعوديه بس عايشة بالكويت والحصرم المقصود

الي ذكرة الرسول صلى الله عليه وسلم بمعناة الحديث انه الي يوجد في بيته

مادخل بيته جان ولا شيطان ولاحسد ولا سحر

رحت للباركيه كل العطارين وكلهم يقولون ومصرين الحصرم انه ورق العنب

ينشفونه بعروقة وسيقانه وانه اهو الحصرم

لكن لو دخلتي لموقع البحث وكتبتي كلمة الحصرم راح تلاقين الوصف غير
هو مثل حبة السوداء بالحجم وسوادها اخف واسمه الحصرم الي تعرفه
وين يباع تقولنا حتى بعضهن استخدموه الي مافيه سبب يمنع الحمال عندهم
وحملو فعلا بارادة الله بنفس الشهر وهو موب لازم وقت الدورة لا بس اهم
شي تكون 7 ايام متواليه

 

[&ام عبدالله للخلطات والأعشاب&]

ماادري اختي مغتربه عن الي قلتيه بس المثل يقول اسال محرب و لا تسال طبيب
انا كنت احلم باشياء مرة من اقارب زوجي و حشرات وو وو المهم انا ما احب اروح للمشايخ لاني لله الحمد حافظة من القران ماللله قدرنيو لان القراية من الشخص نفسه على نفسه اوقع و ابلغ انتي ادرى بنفسج
المهم دقيت على شيخ ثقة و اعرفة و قتله كل شي انا مسقطة مرتين
قال اتبعي البرنامج التالي
اختي استمري عليه و الل و الله و الله و انا متاكدة انج راح تدعيلي
البرنامج
1- يبي 3 اغصان سدر مو اوراق لا غصنه كاملة نتيفهم يعني طلعي الورق بعدها غسليهم عن الغربه حطيها بماي و حطيها بالخلاط ب يصير عندج عصير سدر زيديه ماي و عبيه بجيك او جركل و اقري فيه من كتيب الادعية و الاذكار حق سعيد بن وهب القحطاني
2- يبي مسك اسود سائل توله تلاقينه عند مال العطورات
3- يبي زيت ويتون اصلي و اقري فيه السابق من الكتيب + سورة البقرة كاملة
4- ماي زمزم
الطريقة :
اغتسلي يوم و ترك و ترى عادي بالحمام تغتسلين فيه اهو قالي و انا سائله بعد و شربي من ماي السدر حتى الارتواااااااااااااء الشيخ قالي ركزي عليهااااااااااااااااااااااااااااااااااااا قال لو فيج شيء بترجعين يعني بالعربي هذا مايج و اذا مو حابته اشربي منه شوي و من زمزم شوي
وبعدها تدهني بالليل كامل الجسم حتى العورة و كل منطقة و بعدها يي دور المسك الاسود امسحي فيه كما قالي الشيخ اسفل البطن و الظهر و الرحم و الدبر و القبل بس الوقت صباحا اذا ماعندج دوام لان قالي انتي موظفقة قلت اي قال عيل بعد الدوام بالظهر عشان ريحته شوي قوية و مايشمها احد غريب من الريايل
بعدها قالي على شغله استغربتها قال اخذي فانيلة زوجج و نقيعها بالماي الي بالسدر و اغتسلي منها يعني يقصد اخذ اثر من زوجي بس عرفت تفسيرها من رفيجتي قالت بعض المرات المرة لحملت زوجها يكون نفسها فيه و ديها ييها فهمتوا فالحمال قد يمنع و بالذات النسات و قد يكون التسقيط بسبب نفس الزوج فالمراة فهمتي
و استمري عالرقية اذكار المسا و الصباح الادعية الاستغفار الصدقة
اختي الشيخ ثقة دين معروف بالجهرا و انا طبقته و بعدها الدورة انحاشت مني و مايني احلام و حملت بعدها على ططووووووووووووووووووووول

و لله الحمد و المنة في ذلك و الله يثبته و يعوضج
و السموحة

 

[Queen-q8]

مشكووورة اختي كويتية وما قصرتي ...

واذا ما عليج امر ردي عل الخاص ابي اسالج عن شغلات ..

 

[&ام عبدالله للخلطات والأعشاب&]

تسلمين بعد عمري رديت لج بالخاص
و اي خدمه من عيوووووني

 

[وديانH]

اختي انا اجهضت خمس مرات وباشكال متنوعه من ولاده مبكره من تشوه جنين من بدايه الاشهر الخ... وكل مره يقولون مافي سبب وطبعا اتحلم انا بقطاوه وعزج الله كلاب وغيره ورحت لشيوخ وماكو فايده اخرتها سويت شغلتين,,,,وهم رحت لحرمة تعالج أعشاب وأكيد تعرفونهااااا وهي أم سعد الي بالصليبيه وقالتلي ان رحمي مرتفع وصاد والمره وصتني اقرا على نفسي.. الله وكيلج عالجت عندها وبعدها صادف رحت الحج رجعت حامل وكان اول حمال يكمل معاي وهذا بفضل الدعاء بعرفه.. وبعدين هم اجهضت مرتين وعرفت ان التابعه هي الاجسام المضاده وهذي توها الدكاتره اكتشفوها وخلوني اخذ ابره كل يوم لمده تسع اشهر وعلى فكره هم كان هذا حملي بعد ماجيت من العمره المهم بالثالث اللي انا الحين فيه حامل هم رحت العمره وبعدين رحت للمره وعالجتني اني ما اخذ هذي الابره لانها تضر المره بعدين وقويه والحمدالله وصلت الحين التاسع وانا ناطره ولادتي ... الزبدة ألجئ لربج واقري انتي على نفسج وروحي العمره وتسبحي واشربي ليما طق ضلوعج من ماي زمزم وهم روحي للمره ترا اذا اعلاجج مو عندها تقولج ما تجذب وهذا رقمها ذا تبين...9682617أم سعد وأدعيلي وقوليلي شيصير وياج...انا حتى أدوية انفاسي اخذه منهاااا والله يرزقج انشاللله.............

أحب الصدق وأعمل به كسبت أو كنت أنا الخسران ولو صدقي يخسرني تشرفني خساراتي...

 

[&ام عبدالله للخلطات والأعشاب&]

بعد عمري فضي الصندوق عندج
متروس ارسل مو راضي

 

[Miss M]

احسن شي انج على طول تذكرين الله و تتعوذين من ابليس وتقرين المعوذات و ايه الكرسي
والله يتمم عليج

 

[Queen-q8]

انا اقرى والله ما اقصر وعلى طول راح امشي على البقرة بس ارتفع شوي تدرووون توني مسوية تنظيفات ...

وذبحتني التنظيفات والله بس شيقول الواحد الحمدلله والشكر لله على عطاه ...


ام سعد هذي سمعت عنها بس اللي فهمته انهم يعالجون عن اللي ما تحمل وانا ولله الحمد احمل وما في مشكلة والثبات من الله تدرين ان كل شيء بايد الله...

 

[Queen-q8]

انا اقرى والله ما اقصر وعلى طول راح امشي على البقرة بس ارتفع شوي تدرووون توني مسوية تنظيفات ...

وذبحتني التنظيفات والله بس شيقول الواحد الحمدلله والشكر لله على عطاه ...


ام سعد هذي سمعت عنها بس اللي فهمته انهم يعالجون عن اللي ما تحمل وانا ولله الحمد احمل وما في مشكلة والثبات من الله تدرين ان كل شيء بايد الله...

 

[متغربة]

والله حلوه الطريقة الي ذكرتيها ياخت كويتيه بس ماذكرتي

يعني الحين اشتري السدر الاخضر واحط بالخلاط مع مويه واصير اشرب منه
واتسبح به بس هل وقت السبوح اخلط معاه المسك والزيت الزيتون

ولا المسك والزيت الزيتون لحالهم دهان
بعدين

حبيت اصحح معلومه انا كتبت في الخلطه الحصرم
وهي خطاء الكلمة الصحيحه هو الحرمل موب الحصرم
الحرررررررررررمل

 

[&ام عبدالله للخلطات والأعشاب&]

متغربة الحرمل موزين التبخر فيه
وعليج بهدي الحبيب عليه الصلاة و السلام حبيبتي
و السدر تشربينه و تغتسلين منه
اما الدهان بروحة
و المسك كذلك بروحة
و لمن الله عليج و حملتي وقفي كل شبء الا الدهان استمررري
بس ان حبيبتي تغتسلي مافي مشكل
يعني ممنوع تخلطين السدر و مايه مع الدهان و المسك
اتمنى انج فهمتي و اي خدمه من عيوني :::

 

[the^mother]

حبيبتي غالية الاثمان..
التابعه اما تكون من عين حسد ومرات تكون متوارثة وهي جنيه يكفينا شرها وياكم
وانا عندي رقم شيخ ثقه مشالله واللي دلني عليه احد كبار هيئة العلماء بالسعوديه الشيخ عبدالله المطلق... وقال عندكم شيخ على الله ثم عليه واذا تبين رقمه ارسله لج على الخاص
وانشالله ربي يسهل عليج ويشفيج ويشفي كل المسلمين والمسلمات

 

[أميرة الورد]

التابعه انا فهمت انها جنيه لأني قبل ايام ما كنت متزوجة كنت أحمل وبس أحلم بقطوة سودة من أقعد أكون طرحت بس بنات داومي على قراءة سورة البقرة يوميا والرقيه الشرعيه بدون انقطاع وربي يكتب اللي فيه خير

 

[Queen-q8]

ذا ماذر مشكووورة وايد وناطرين رقم الشيخ وعنوانه

وترى دزيتلج عالخاص وممكن ينحط الاسم والرقم على العام للافدة للجميع والله يجعله بميزان حسناتج ..
-___________________
كويتية

ما قصرتي وبيض الله ويهج والله يجعله بميزان حسناتج ان شاء الله

_______________________

متغربة

مشكورة على الرد واهم شيء الثقة بالرقية الشرعية عشان تستفيدين منه ...

والله يكافيج الشر ويرزقج من عنده احلى ذرية ..

______________

اميرة الورد

مشكووورة وان شاء الله راح ابدي بالبرنامج من الرقية الشرعية ومداومة سورة البقرة بإذن الله اتم عليه...

جزاك الله خير