منو يعرف طريقة شوربة العدس لمطعم فريج صويلح ومطعم مغل محل؟؟؟؟؟

[*** دلــــع الكــويـت ***]

السلام عليكم


بنات انا ابي طريقة شوربة فريج صويلح ومغل محل المطحونه اللي كأن معاها عدس
هي شوربة عدس بس مطحونه؟؟؟؟؟

اللي تعرف طريقتها بلييييييييييييييز تقولي

وعساكم على القوه

 

[شقرديه]

رد: منو يعرف طريقة شوربة فريج صويلح ومغل محل؟؟؟؟؟

واي شهيتني

اب

 

[Dlo3at oBoha]

رد: منو يعرف طريقة شوربة فريج صويلح ومغل محل؟؟؟؟؟

up
up

 

[جارة القمر]

تفضلي طلبج



حبيبتي العدس عق ما تفوحين حطيه بخلاط الطماط وأطحنينه وأضيفي عليه الخضار اللي تبينه
http://q8yat.net/showthread.php?t=125793&highlight=%D4%E6%D1%C8%C9+%C7%E1%DA%CF%D3


http://q8yat.net/showthread.php?t=215596&highlight=%D4%E6%D1%C8%C9+%C7%E1%DA%CF%D3


http://q8yat.net/showthread.php?t=213432&highlight=%D4%E6%D1%C8%C9+%C7%E1%DA%CF%D3


http://q8yat.net/showthread.php?t=250663&highlight=%D4%E6%D1%C8%C9+%C7%E1%DA%CF%D3

 

[(نبنوبه)]

والله انا ماذقتها بس جربي هالطريقة

العدس اول شي ا سلقيه بماي وحطي معاه بطاط وكوساولما ينضج حطيه بالخلاط وبعدين جيبي جدر وحطي بصل وشوحيه بدهن وحطي مكعب ماجي وطماطة مفرومة وحطي بهارات وفلفل اسود وزنجبيل مطحون وكسري عليها شوي شعرية او حطي شوربة ماجي بنكهة الدجاج وبعدين حطي العدس اللي خلطتيه بالجدر وزيديها شوية ماي اذا تبين

 

[*** دلــــع الكــويـت ***]

مشكورين ياقلبي بس انا مجربتهم احس مونفس الشوربه

 

[*** دلــــع الكــويـت ***]

نبنوبه طريقة حلوه ودي اجربها

يعطيج العافيه


جارة القمر داااااااااايما ماتقصرين
عساج على القوه ياقلبي

 

[يمّه مني]

شوفي حبوبه

هالطريقه رفيجة امي سوريه امعلمتنا عليها
اخذي عضام خروف وسلقيهم ابماي
هالماي اللي سلقتي فيه العضام تسلقين فيه العدس
وتحطينله جزر شوي طماط شوي كمون وملح وفلفل ابيض لمه يستون طحنيهم بالخلاط

 

[الشرنقه]

مساج دلع يادلع الكويت ...
للأسف ما اعرف طريقة عمل شوربتهم بس ممكن أعلمج طريقة شوربتي للعدس وشرط راح تعجبج وتعجب اللي يسوونها وعليكم بالعافيه مقدما
إليك بالطريقه عزيزتي ..
تطبخين العدس مع شوية ماي وراس بصل إلى أن ينضج
تضربينهم بالخلاط - البلندر - وتحمسين بصل إلى أن يحمر وتضيفين عليه فص ثوم فقط بس يكون راهي نوعا ما
أضيفي اليه العدس اللي ضربتيه بالخلاط وضيفي شويه كمون وفلفل أسود وخليها تطبخ لمدة 10 دقايق
في هذه الأثناء أضيفي كيس شوربة دجاج بالشعريه
ولما تسكرين النار عليه أضيفي زبده وكزبره خضراء مقطعه صغير جدا
ملاحظه ... الكزبره ما تنطبخ معاه لما تتسكر النار تضاف الى الشوربه
وعليييييييييييييييج بألف عافبه
بس بلييييز تقولين لي شنو رايج فيها ... ناطره ردج حبيبتي

 

[الكرزي]

طريقتي كل شتا لازم اسويها حق الريوق بالدوام عجيبة واسهل طريقة ( هذي طريقة شوربة المدارس قبل إذا ذايقتها ،وفريج صويلح الله يهداهم كلما اروح اصف دور انطر شوي وامشي ماشاء الله زحمة على طول) ​

اتفضلي طريقتي:

المقادير:​

4أكواب عدس ( تقدرين اتقللين المقادير حسب الاشخاص)
6اكواب ماء
من 4 إلى 5 حبات جزر مقطعة
نص بصلة مفرومة
كمون - ماجي​

الطريقة :​

1- اتحطين العدس مع الماي والجزر على النار لين يستوون عدل وتتركينهم على جنب عشان يبرد عدل.
2-تاخذين كل الجزر اللي بالعدس وثلاث ارباع العدس وتضربينهم بالخلاط واتردينهم الجدر على النار مرة ثانية.
3- اتخلينه يطبخ مرة ثانية اهني اتضيفين الكمون والماجي وذوقي شوفي إذامحتاج ملح حطي بعد ماجي.
4- حمسي البصل بالزيت وحطي على الشوربة وقصري عليه .

مع التقديم حطي يمة (توست - ليمون )

وبالهنا والشفا ​

 

[*** دلــــع الكــويـت ***]

يمه مني
مشكوره ياقبي
بس شالحكمه مع عظم الخروف ؟؟؟؟


الشرنقه
مشكووووووووووره ياقلبي من كلامج مبين روعهه


الكرزي

مشكوووووووووووره وفيتي وكفيتي


وانا كتبت الطرق اللي ذكرتوهم وبوافيكم بالاخبار


يعطيكم العافيه

 

[MoonDiamond]

ماقصروا البنات..

وطريقة الشرنفه اهي طريقتي بالضبط

 

[الشرنقه]

اكيد روعه انتي جربيها وماحتندمي
ومفاجآتي يايتكم ياويلكم

 

[جارة القمر]

ممكن تشوفين هالمواضيع


http://www.q8yat.net/showthread.php?t=366779&highlight=%DD%D1%ED%CC+%D5%E6%ED%E1%CD


http://www.q8yat.net/showthread.php?t=244324&highlight=%DD%D1%ED%CC+%D5%E6%ED%E1%CD

 

[[]نهاوند[]]

حلوه شوربة العدس بس تذبح بالغازات
مشكورين بنات ​

 

[وهج الليل كول]

روعه
ابسويها