منو يعرف احلى لمطاعم والمجمعات السياحيه فى صلاله

[غيوووض*]

مرحبا بنات منو يعرف احلى الاماكن فى صلاله من مطاعم كافييات مجمعات اماكن ترفيهيه كل شى عن صلاله ومشكورين

 

[غيوووض*]

شدعوه ولارد زعلتونى منكم صج

 

[الطيبه]

برفعه لعيونج ......يالله يا بنات علمونا عن صلاله شدعوه ولا وحده راحت؟؟؟

 

[غيوووض*]

مشكوره يالطيبه على الرفع

 

[BabyStar]

هممممم
حبيبتي انا صلاله رحت لها سنة 2002
الصراحه
تينن طبيعتها خصوصا منطقه اسمها دربات
بس من حيث المطاعم والاسواق انسي الموضوع كنا يوم نتعشى بيتزا ويم كنتاكي ماكو اكل سنع استغفر الله
كان في مطعم عربي اسمه اسم صحابي تلقينه بكل مكان بس ماقط جربناه
المنطقه حلوة بس معالم حضريه مثل اسواق ومطاعم غسلي ايدج الا اذا الحين تغيرت خلال هال5 سنوات الله اعلم
اي
قبل ما انسى
عندهم نفس الاكشاك يم مزارع هالاكشاك يبيعون فيها الفواكه جوز الهند والبابابا كنت استانس عليها وايد
وكان في سوق قديم اعتقد اسمه مسقف او السوق التراثي همممم
اهو ماكو غيره بالمنطقه وحاله حال المهارة كلش كلش سوق المباركيه
بس نفس ماقلت لج هذا انطباعي من 5 سنواااااات بس على فكره العمانييين ناس طيبين وحبوبيين ويننون
صج شعب طيب ومافيه خباثه كلش
واحسن وقت للسفر 7 و8 لان فترة خريف صلاله والناس تخيم فيه ويسوون فعاليات
وبالتوفيق وسامحيني عالقصور

 

[بعثرة محبره]

8
8
8
8
8

كلامها صحيح..

مافي مطاعم ولا اسواق ولا كفيات

بس طبيعه ... تراها تقريبا مثل القريه لااا ارقى شوي

يعني اشياء رفاهيه مااافيه بس تمشي ومناظر

 

[بعثرة محبره]

بس اذا بتسكنين اسكني بمنتجع الكراون بلازا لا يطووووفك ...
على البحر

 

[الفدعة جت]

هلا حبوبة صلالة فقط طبيعة ماكو عندهم مجمعات ولا كافيات ولا مطاعم سنعة بس طبييييييعة انا رحت لها السنة الي راحت ملل وزهقة وحلوة للاطفال وجو عائلي

 

[الزين الاصيل]

ومسقط اذذا بتروحون لسوقهاااااااااااااا حر ورطوبه واسعااااااااااااااااااااااااار خياليه حيييييييييييييل