منو يعاني مثل معاناتي ( بنتي عمرها 4 شهور وماتبي احد غيري)

[candy21]

السلام عليكم منو يعاني نفس معاناتي بنتي عمرها 4 شهور وطول 4 شهور ماعطيتها حق خدامه اخاف عليها بس الحين مضطره عندي دوام فشويشوي اهيأها على الخداممه واهيا من تشوف الخدامه تبجي بجي ليمن ترجع ومع كل الناس مو بس الخدامه فشسوي معاها

 

[حرم_طيار]

رد : منو يعاني مثل معاناتي ( بنتي عمرها 4 شهور وماتبي احد غيري)

الله يعينج

انا عندي توم نفس الحاله

ما ادري اشيل منو ولا منو والله احترت اخاف اشيل وحده الثانيه تزعل

 

[ام اغلى الناس]

الله يخليهم لكم
يا قلبي لا تعطينها خدامه ديري بالج من البلاوي اللي دايم نسمعها
خليها عند امج او خالتج او اي احد ما يشتغل

 

[أم يزيد &سديم&]

الله يخليهم لكم
يا قلبي لا تعطينها خدامه ديري بالج من البلاوي اللي دايم نسمعها
خليها عند امج او خالتج او اي احد ما يشتغل

حبيبتي آسفة على اللقافة شوي البنت تقول ما تحب تجلس عند أحد مو الخدامة بس

 

[الجفووول]

انا كنت نفسج تعلقت في بنتي حيييييييل بشكل فوق المعقول وكنت اخاف ان احد يمسكها حتى امي اتخيلي ..
والبنت تعلقت فيني وصارت نفس حاله بنتج تبجي لين ينقطع نفسها حتى ابوها تخاف منه وتستنكر الناس ..

لما داومت كنت كل يوم انزلها عند امي واحط معاها ملفعي وربي ان البنت تشم ريحه الملفع وتسكت ياحرام عبالها انا اللي شايلتها ..

بنات لا تضحكون بس وربي هاالطريقه جابت نتيجه معاها ....

وبعدين ديري بالج تخلينها عند الخدامه نصييييييييييحه انا كنت كل يوم الصبح اتعنى من بيتي لي بيت اهلي وبعدين للدوام وكنت اطلع بنتي حبيبتي بعز الشتا الصبح بس عشان مااخليها عند الخدامه
وبنتي عمرها سنه ولي الحين تستنكر الناس

 

[ام ريونتي]

الله يعينج المفروض تعودينها انا عندي توم صبيان كنت اخلي امي تاخذ واحد وانا واحد وعلى هالحال
بس الحين لا الحمدالله عادي مايستنكرون لانه بالزواره الكل يشيلهم صار عادي الوضع عندهم

 

[دلوعة المطران]

يوو الله يعينج ..

 

[أم عنوبي]

ااااي عندي وعندج خيــــــــــر
آنا ولدي الله يحفظه عمره 7 شهور ما يرضى يقعد عند أحد لمن أروح أتحمم يدوب ثلث ساعه أرد له دموووووع وبجــــي وحاله فديت قلبه
وبالنسبه للخدامه وحياتج أبد أبد ماحطيته عند خدامه أصلا ماعندي خدامه بس خدم أمي يحبونه ويحبهم من بعيد ليبعيد
والله يخليلي أمي وخواتي أحطه عندهم وأقضي أشغالي ولمن داومت بعد إجازة الأمومه خليته عند أختي الله يعطيها القوه والعافيه

 

[وداعيه]

يوووووه الله يعينج
انا عانيت هالمعاناه لما كان عمر بنتي 4 شهووور لي عمر السنه تقريبا تخيلي انه لما اروح اي مشوار اخليها عند اهلي يدوقون علي يقولون بنتج افحطت من البجي واسمع صوتها بالتلفوووون صراخ مو طبيعي
ولما اكبرت شوي تعودت على امي مو بكيفها طبعا لانه كل اليوم الصبح كنت اقطها بيت امي واروح الدوام وكانت تصارخ لما الخدامه تشيها
ولما صار عمرها سنه ونص حطيت خدامه بس بطلعة الروح على ما تعودت شوي عليها
الحين
الحمدالله اطلع وانا مرتاحه لاني ف بيت حموله ف اخلي بنتي عندهم بس الخدامه تراقبها
والله يعينج
السالفه يبيلها صبر خصوصا انها بنت يعني الله يعينج على العوابه هههه

 

[candy21]

اشوه يعنى في ناس مثلي ريحتوني

 

[@سيدة نفسي@]

انا بنتي عمرها 4 سنين مو 4شهور مأذيتني ماتنااام الا بحضني الله يعيني بس

 

[kooka83]

عندي وعندج خير
انا عندي بنت وولد ... وللحين نفس الحالة ... بس انا عودتهم على امي لاني اداوم بالجامعه وماعندي غيرها
الله يخليها لي ولايحرمني منها ...
اي مكان اروح لازقين فين اثنينهم
بنتي عمرها 7 شهور والصبي سنه و10 شهور
ومالقيت حل ... ساعات لما اروح مكان واخليهم عند امي
ادق علي تقولي تعالي اخذي عيالج لايموتون من البجي

 

[نكهةالبرتقال]

واااااااااااي تهبل الله يحفطها

عوديها على الخدامة معاك

بعدين شوي شوي هديها معاها بروحها