منو يعالج عند حازم الرميح

[قبيطه]

السلام عليكم

اكتبلكم سؤالى وانا قاعده اشوف مقابله دكتور حازم الرميح فى مستشفى الصباح ودقت وحده ماشاء الله حامل بطريقة الأنابيب بعد 9 سنين ماشاء الله عسى الله يهنيها ويثبته لها عاد تشجعت لأنه نفسيت الدكتور تينن ودى اعرف اكثر عن المستشفى واشلون اراجع عندهم واذا جربتو الدكتور او سمعتوا عنه

 

[احلى اسم بالكون]

فيه عنده عياده بمركز الشعب بصراحة هو انسان صريح ويجرح



وكنت بتعالج عنده بس من شفت كلامه رجعت عنه ورحت مركز جنين عند الاستشاري محمد صلاح روعه انسان متفهم يحترم المتزوجة

 

[رماديه]

اهو يعالج بالصباح مركز طفل الانبوب واعرف وحده احملت على ايده و بالعكس اهو انسان خلوق وماشفت عليه شي موزين ودايما ينصح.

اذا تبين اتعالجين بالصباح هاذي قصه طويله مواعيد اسنين حق عملية طفل الانابيب بس اذا عندج واسطه علطول يسوونلج هذا اللي عرفته من وحده شفتها اهناك يايه اتسوي العمليه اتقول توني فاتحه الملف وبسوي العمليه علطول لأن عندي واسطه واللي ما عنده واسطه اسنين ينطر.

و بالنسبه لعيادته الخاصه بمركز الشعب التخصصي اهو ما يشتغل فيها الا بالليل ابوقت متأخر لأن عليه زحمة شغل بالصباح اهو بنفسه يقول انا مزحوم حيل لأنه رئيس وحدة طفل الانبوب غير اللجان والمقابلات وغيره وغيره الله يعين.

 

[كويتية ورديه]

والله ياقبيطه انا ما عالجت عنده .. ناس تمدحه وناس تقول نفس خايسه ويضايق بكلامه والله االعالم يقلبي عسى الله يرزقج الذريه الصالحه وحبيت ارفع لج الموضوع ..

 

[((الماسه))]

توكلي على الله وايد ناس يمدحونه اهو صريح ازياده على اللزوم علشان جذي الناس ماتتقبله يعني لما شاف زوجي قاله اضعف اشلون تبي اتعالج وانت امتين اهو كلامه يجرح بس صريح وكلامه صح لازم يضعف علشان تنجح عمليته وكل شي بيد الله وانشاءالله يرزقج ويرزق كل محروم

 

[طيبة الطيبات]

والله صراحه انا كنت عنده فى الصباح محترم ونفسه تهبل بس صراحته حيل تضايق لدرجه يقول لزوجى انت ماعندك مشكله المشكله منى ولاتها كبيره فى العمر وطبعا طلعت منهاره وزوجى دايما يذكرنى فى المقابله هذى حسبى الله ونعم الوكيل المفروض الكلام هذا يقولى بروحى مو قدام زوجى

 

[فجرالعيد]

والله أنا راجعت فتره دكتور محترم وفيه دين ودقييييييييييييييييق جدا ويعطيج فرصه تسألين وتستفسيرين ويتجاوب

 

[قبيطه]

يعنى اهوا زين بس يدفش الحجى مومشكله اتحمل المهم يكون شاطر مويلعب فينى مليت من نفس الأدويه والكلام ادعولى الله يخليكم حيل محتاجه الدعاء يارب يرزقنى ويرزق كل محرومه