منو ولدت عند ماجد الشمري

[زهرة الزهور]

السﻻم عليكم

وﻻدتي ان شاء الله اخر شهر 8 واراجع عند ماجد الشمري وناوية ان شاء الله اولد قيصرية عنده بس دورت بالنت مافيه تجارب وﻻدات عنده اهوا حيل شاطر ماشاء الله عليه والكل يمدحه وعنده زحمة مو طببعية
الي ولدت عنده قيصرية تقولي شلون عمليته وخياطه وكل شي والله يجزاها خير

 

[@أم يوســـف@]

الله يسهل عليج

 

[.:lady bug :.]

الله يسهل عليج
همن انا سمعت انه شاطر بس ماسمعت انه يولد

 

[جذابه بنت ذيابه]

الله يسهل علييج

والدكتور ششاطر ماشاء الل بس مادري عن ولادته

 

[زهرة الزهور]

يولد بس مافيه له تجارب بالنت اﻻ جم وحدة الي ولدت عنده قيصري تفيدني الله يجزاها الجنة

 

[سميره مملوحه]

ماشالله عليه هالانسان كنت بحاله خطره واهوا اللي شخص حالتي

بس ولاده مادري والله

اهوا دارس مع الدكتوره خالده المجيبل بكنده

اثنينهم نفس التخصص و على قلب واحد بس انا رحت ولدت عند دكتوره خالده برويال حياه
الله يفتح لها ابواب الرزق والذريه والصالحه ياااارب

 

[Model Look]

بنت خالتي والده عنده وتمدحه وحيييييل شاااطر

 

[Ranoon]

بأي مستشفى ؟؟

وفشله دكتور يولدج دام في دكتورات !!!!

 

[زهرة الزهور]

عيادته بالجهرا ويولد باي مستشفى تختارينه وبالنسبة لموضوع دكتور ودكتورة رحت الكذا دكتورة يبطون الجبد ومارتحت لهم وهذا موضوع طويل إذا دشينا فيه مارح نخلص

 

[M!SS.LOBY]

ربي يسهل عليج

 

[فبيت العز]

هالدكتور عساه مايربح الله لايوفقه ماااادي من قلب ابي بس استشاره قال لاقصي ورقه وفتحي ملف ،،عشان الفلوس يعني؟؟!!!! وخلاني ومشا حسبي الله عليه ونعم الوكيل،"كنت محتاجه اجابه ومريضه حيل ومنهاره والله العظيم زاد علي،لكن اطلعت الدعوه من قلبي الله لايوفقه

 

[<<الأميره>>]

الأخت فبيت العز
نظام اي عياده بالعالم انج تفتحين ملف حتى المستوصف لازم تقصين ورقه
والدكتور ابدا مو مادي

 

[الاخلاص]

بلعكس يهبل الدكتور ودي قيصريتي عنده بس زوجي رافض الرجال



فبيت العز حرام عليج لاتدعين عليه اكيد من حقه يبيج تفتحين ملف مضيع وقته اكيد يبيج تفتحين ملف لو مخليها سايبه جان كل من هب ودب جووه بدون ملف واستشاروه

 

[Aloe Vera]

هالدكتور عساه مايربح الله لايوفقه ماااادي من قلب ابي بس استشاره قال لاقصي ورقه وفتحي ملف ،،عشان الفلوس يعني؟؟!!!! وخلاني ومشا حسبي الله عليه ونعم الوكيل،"كنت محتاجه اجابه ومريضه حيل ومنهاره والله العظيم زاد علي،لكن اطلعت الدعوه من قلبي الله لايوفقه

استغرب من هالردود!؟

اكيد يبيج تفتحين ملف عشان الفلوس
عيل ليش حاط عيادة و يشتغل طبيب؟

 

[Ririi]

خوش دكتور محترم راجعته باستشاره مايلف ولايدور بس ماجربته ولاده
الله يسهل عليج يارب

فبيت العز اكيد لازم يفتح لج ملف مايصير يعطيج استشاره جذي كل العيادات والمستشفيات هذا نظامهم

 

[يا عيون سمي]

هالدكتور عساه مايربح الله لايوفقه ماااادي من قلب ابي بس استشاره قال لاقصي ورقه وفتحي ملف ،،عشان الفلوس يعني؟؟!!!! وخلاني ومشا حسبي الله عليه ونعم الوكيل،"كنت محتاجه اجابه ومريضه حيل ومنهاره والله العظيم زاد علي،لكن اطلعت الدعوه من قلبي الله لايوفقه

حبيبتي مايجوز تقولين جذي ما ضرج كل اللي قاله افتحي ملف وبعدين اهو شعرفه انج مريضه اهو تلقين يستقبل اكثر من حاله باليوم مو فاضي ليش تدعين ترا علي فكره ماجده اليتامى بس استشاره ب60 دينار عبالج ببلاش

 

[هيبة ملك]

والله. رفيجتي. ولدت عنده مرتين. وتمدحة ولدت طبيعي. حاول. فيها. لين. ربي سهل. عليها

 

[زهرة الزهور]

مشكورين بنات ابي بعد منو ولدت قيصرية عنده
وبالنسبة لفتح الملف هذا شي طبيعي اي احد يبي يشوفه ﻻزم يفتح ملغ وبعدين اﻻستشارة عنده بس ب 10 يعني ببﻻش وبالعكس مو مادي ابدا انا مرة رحت له قلت له ابي اسوي سونار روباعي قالي ليش تبينه ترى كله بس لعبة كمبيوتر السونار العادي اهوا الي يبين كل شي بالتفاصيل وقالي انتي كيفج لو تي دكتور ثاني سوالي وﻻ قالي هالكﻻم

 

[انسام الكويت]

مرت حماي ولدها قيصري بدار الشفا وتمدحه وتقول انه زين عن نفسي ماجربته

والأخت بنت إلعز الله يهديج شنو هالدعوه مائير جذي الريال ماسوا شئ غلط بكل عياده خاصه لازم فتح ملف حتى لو استشاره

وهم لو رحتي مستوصف لازم فتح ملف الله يهديج ماتسوا عليه لمن قالج فتحي ملف

 

[زهرة الزهور]

مشكورين بنات الي ردو نبي بعد تجارب وﻻدات قيصرية عنده