{ منو نفسـي ؟! مكيـاج الصـالون ما يطلع حلو علي ... تجربتي مع الصالونات }

[Miss_Accountant]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

أنا مثلج ما أحب مكياج الصالون علي وقمت أحط انا مكياجي كافي اني أكون مرتاحة الفرش ملوتي نظيفة وفاونديشني ماركته تناسب ويهي
انا رفيجتي بعرسها حطت عند منيرة الفرج كان وايد ناعم انا عجبني وايد ,بس في ناس ما يعجبهم جذي والناس أذواق

 

[قطوة@@]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

نفس الحااله

شكلي بالمكياج مو حلو ما اقدر اتقبله

لاني بالطلعه العاديه بس ماسكرا و قلوووس مو متعوده على المكيااج


و اذا صارت عندي مناسبه احس شكلي يتغير من الفاودنيشن و الشدو

 

[SanYorTa]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

وااي نفسي
أكره شكلي بمكياج الصالون
رحت صالون ايمان السيد حرام تعاملها واايد راقي بس مكيجها حسيت مو يهي كللللش
ورحت لها مره ثانيه هم >> ماتيوز خخخ
طلعت ألعن من الاولى لووول
جنه يبيله دوره مكياج انا ما احب المكياج حدي كحل مسكره وحمره بسسسسسس

 

[حلوةودلوعة زوجي]

لووووووووووووووووول
يعني مو بس انا الي هذا حالي
صدقتوا بنات احط مكياجي بالبيت احسن لي الف مرة من الصالونات لان هم انا جربت صالونات ياناس ما اتقبل شكلي بالمرة
يطلعوني هوله انا ملامحي حيل ناعمة ولا مرة احد ضبطلي مكياج يسووون عيوني صغار والشدو البايخ حتى لم اقولهم تاعم ما يطلعوني حلوة وانا متعودة الناتيورال
تعلمت اشوي اشوي وصرت اعرف حق نفسي والحمدلله كل من يشوفني حسباله لبنانية وياكثر ما شبهوني بمطربات (قل اعوذ برب الفلق) خخخخخخ تخاف من العين

 

[catwiti]

وااااااااااااااااااااااااااااااااااااااااااااااااايييي
الله يعييننج انتي مثل ملامحي الظااهر
انا عيني سبحان الله ماااااا يصلح لها المكياج الاووفر يعني اذا بحط مكياج ما اغيير من رسمة عيني كلش يادوووووووب اسويه طريقة الكحل المسحووب بسسسسسسس لا اكثر لو ازييد وييع ويع احس اني مو حلوه
بس انا موفره على نفسيييييييي انا حته بالعروس احط حق نفسي عندي قنناعة تااااااااااااامه ان انا اعرف حق نفسي وشنو يصلحلي

وبعدين تعالي شفييج بس تبين تدفعين فلوس وتقطين فلوس ليييييييييييييييش دورات مكياج ؟؟؟؟ عندج دورات مكياج الدنيااااااااا وببلااش
دشي على اليوتيوووب @@ اجااااااااااانب يعلمونج المكيااج ومكياجهم نفس مكياجنا
انتي تعلمي تسوين حق عمرج خلج ثقه
وشوفي حطي باليوتيوب arabic makeup وراح تلاقين اشكثر بنات اجانب يعلمون الميك اب لا دوره ولا شي خلج فالبييت جربي براحتج
انا تعلمت منهم ومكياجي عاجبني اصلا بس احاتي شغله وحده ليصرت عرووس :؛( لان انا من متى عن الصالونات وما اعرف ولا صالوووووون يعني مالي تجاارب بالمكياج كلش لان كله بالبيت احط

نصيحه خلي فلوسج ودشي اليوتيوب وسوي الي قلتج عنه وبدل ما تشتركين بدورة مكياج اشتري فرش مااك لانهم راح ينفعوونج واهم شي الفرش

واسفه طولت عليج

 

[شوشو العنزي]

تصدقين هم انا احس مرات المكياج يظلمني يضيع ملامحي
عكس لما انا احط لروحي

 

[اهواك بلا امل]

انتي تقريبا نفسي انا حطيت مكياجي بصالون بجابرية وصراحة وااااااااااااااااااااااااو اينن وطلعت شى
حاليا ماعندي رقمة دزيلى على الخاص وادزلج اياة بس خل عشان اخذة من اختي
وروحي قبلها وشوفى المكياج الصراحة المكياج لايعلا علية

 

[foshia girl]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

تعلمي تحطين مكياج ,, دشي دورات تعليم المكياج احسن واضمن لج اعتمدي على عمرج اكثر مايسوى كل مناسبه تقطين فلوسج على اشيااء ماتعجبج ,,

وربي انا مثلج بالضبط مكياج الصالون ماينفعني كلش ,, انصعقت بعرس اخوووي طلع شكلي ووووووويع حتى رفيجاتي بالعرس قالولي حرام شنو هاذا مع اني حاطه سمبل وعند عبير الياسين بس مو حلووو علي كلش وكان هالكلام قبل لا اتعلم احط مكياج

الحين الحمدلله رب العالمين اروووح العروس عبالهم حاطه بصالون وقمت اعتمد على عمري اكثر بعد ماتعلمت احط ميك اب بروحي وفرت على عمري الركضه والروحه والنطره اللي بالصالونااات

يعني الحين بس اروح الصالون اسوي تسريحه واحط مكياجي بالبيت ,,


انتي تعلمي احسنلج لا تعتمدين على الصالونااات لان ماتضمنين اليوم تضبطلج الصالونه شغلج المره الثانيه ماتضبطلج عدل ,, وهاذا الكلام صار في اختي مره ضبطولها اياه ولما راحت المره الثانيه ماضبطولها الميك اب وطلعت من الصالون ضايق خلقهااا

وبالتوفيق

 

[ابله رشا]

لانج حلوه ماشالله مايبيلج هالكميه من المكياج الكبيره اللي يحطونها هالصالونات اللي ذكرتيها
و اللي راح يعرف يحطلج قله منهم ليلى هارموني لان وايد ناعم

 

[BaBy_SMiLe]

شاكرتلكم رودكم الطيبه .. الحمدالله يعني مو بس انا الي اعاني

تصدقون كلامكم حيل مقنع وفعلا لو احط آلمكياج بالبيت وااايد احسن لي .. والحمدالله انا واثقه من نفسي لو اسويها بيطلع حلو بس ادري انتو مو مستوعبين الناس الي عندنا ما يدور عندهم هآلشي

عاد تدرون مقدور عليها ادوات المكياج لما رحت آلمباركيه - سرداب الشايع .. انصدمت لقيت البودره الي عقب الفاونديشن لي تحطها حنان دشتي العلبه بدينار وحجمها حيل كبير
وطبعا فونديشن الصالونات حتى لو يحطونه بعلب ثانيه ويقطون العلب الاصليه عشان ما نعرف الماركه .. ترا معروفه اغلبها كفر دريم و كريولاين
والشدو والحمر سهالات .. خاصه انتي تعرفين اللون الي يناسبج يعني مثلا انا الاحمر حلو علي بس فيه درجات من الاحمر تخليني اسمر من لوني
الماسكرا ما شاء الله عيوني احط طبقه طبقتين يكفي .. وانا استحرم الرموش وماقمت استخدمها
هذا مقدور عليه

بس ماعرف احط الاضاءه الي تحت العين وتصير مسحوبه نفس هيفا وهبي هذي حيل تخلي المكياج راقي
وماعرف احط بلاشر مع ان بتقولون اسهل شي بالمكياج بس دايم ما يضبط وياي

catiwti صاجه فيديوات اليوتيوب شفتهم اعتقد احسن من الدوره .. ولا بالتفاصيل اهم ما اضن بالدوره يعطون بهالتفاصيل
لاني حمات اختي راحت دوره مكياج تقول ما استفادت شي .. بس علموها انواع الفرش واساسيات المكياج ما علموها الخطات وهالسوالف .. بس مو مقياس دورتها يمكن اهي اخذتها بمكان عادي مو متخصص

 

[مس فاشن]

ماعجبني منيره للامانه بنت خالتي عروس حطت عندها
الفاونديشن كلش مو حلو معنها بيضه ترا
وحاطتلها بلاشر احمر على اغلب ويها واهي ويها نتفه
واختي نفس الشي كانت حاطه بعد معاها اثنينهم نفس الميك اب والله ان اختي تحط فالبيت احلا من اللي اهي حاطته على كل المدح توقعت شي بس انصدمت خلي كل شي بس الفاونديشن كلش كلش حلو
حبيت انقل تجربتي للامانه وبالنهايه الناس اذواق

 

[باربي للابد]

مبين ان ملامحج ناعمة ويبيلها ميكب ناعم بس مشكلتج الناس اللي حولج مايبون الا الاوفر

انا اقول حطي اللي يناسبج انتي ومالج شغل بالناس وتقدرين ترضين الطرفين

يعني حطي ميكب لبناني وخلي التسريحه بارزة عشان يصير توازن

او تقدرين تلبسين بدله موديلها فيه حركه وتحطين ميكب ناعم جذي ارضيتي الطرفين

لان اغلب الصالونات اللي رحتيلهم يطمسون ملامح الوحده انا شايفه شغلهم الفاونديشن بروحه يخرع

بس في صالونات رحتيلها استغربت ما عجبتج مثل امل ببستكي تدرين عاد احلى مرة حطيت فيها ميكب عندها

كان لبناني بارز جني طالعه من كتالوج وهم بريجيت ماعندهم اوفر كلش شغلهم كله ناعم بس يمكن

عشان قلتي بسيط لان اساسا شغلهم ناعم ما يحتاي تقولين

ومثل ما قلت لج خليج عالميكب الناعم بس عوضي بالتسريحه او البدله وبعدين لما تحطين ميكب

قولي لها ابي كل الشغل بالشدو مابي ايلاينر يعني الرسمه كلها نثر واااايد احلى ويحلي العين حييييل

الايلاينر اهو اللي يخلي الرسمه اوفر خاصه انج ماتحطين رموش فخلي شغلج كله بالشدو

الفاونديشن دايما اختاري الطبيعي الابيض وخري عنه يطمس الملامح

ودايما روحي حق الصالونات اللي معروفه بالناعم لاتروحين كونتيننتال وساس وربعهم انسي

واحب اقولج شغله واثق الخطوة يمشي ملكا سوي اللي انتي تبينه مالج شغل بغيرج لان انتي اللي صح

منو الحين يحط اوفر بالعكس الناس كلها الحين لبناني وتسريحات سمبل محد قام يخب روحه​

وكافي انج بالطبيعه احلى وهذا الاهم :sfg: ​

 

[Fajory]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

تبين صج تطلعين حلوة روحي عند منيره الفري طلعج انتي بس بشكل احلى يعني ماتغير شكلج ومكياجها نظيف ومرتب

 

[cute-g]

نفس مشكلتي ماااااحب مكياج المشاغل بخربون ملامحي
والمشكله زواجي بعد شهر وسويت بروفه ومو مررره بس احسن من اللي جربتهم
والحين شااايله هم خايفه مايضبط وودي اصلح لنفسي بس خواتي رفضوووووا

 

[حقووقيــــــه]

انا اقول وفري فلوووسج . . واشتريلج ميك اب سنع . .والشي اللي يناسبج انتي من الوان وفرش وغيررره . .واخذيلج دوره وحاولي انج تحاولين بروحج وانتي بالبيت يعني ما عندج شي . . لما تاخذ ايدج . .

ودايما البسيط احلى بنظري .. واهم شي يكون مرتب . .
وترى تستفيدين حيل من شرح البنات هني بالقسم حق اللوكات . .

وموفقه انشالله

 

[rr202rr]

رفع

 

[الأسطوره$$]

يا ليت الي عندنا يحبون الناعم .. جان ارتاح والله
في ناس والله ناعمين حيل مره رحت عرس وحده يمكن بس حطه حمره لونها احمر و مسويه كات ايز وماسكارا اتينن سمبل وراقي
عاد قلت لو اسوي مثلها عند اهلنا .. يا بووووي بقولون " هذي تعبانه ! " .. ولا " ما تستحي جايه مو كاشخه "
مره دشيت عرس .. حسبالي حفله تنكريه عيل وحده لابسه عدسات تركوآز ولابسه تركوآز والتسريحه 3 ادوار مادري جم اكستنشن حاطه

بس من فتره قصيره وخاصه بعد ما تزوجت صرت اعتمد ستايل السمبل والناعم حيل .. بس الحين موسم العروس سواء من جماعتي و رفيجاتي و دوامي و جيراني ... في ناس لازم اوجبهم واكشخ لهم لانهم صج يستاهلون

مادري احترت مره ثانيه بس بكمل المسيره واجرب للمره الأخيره ليلى هارموني او منيره الفرج .. لانهم حيل بخاطري هذول

وشعليج من اللي عندكم !! @@
مالج شغل يحبون والا ما يحبون ولا لج شغل باللي يقولونه !! @@

الناعم البسيط أحلى وأرقى وأذرب مالهم حق يتكلمون هاذا ستايلج وهاذا اللي يناسبج @@

حطي مكياجج بنفسج مسكرا وحمره وبلاشر وشايني وآيلاينر وخطي حواجبج وبس وسوي تسريحتج بالصالون ( التسريحه واللبس مع المكياج الناعم يكفي ! )

رايي

 

[فديت روؤحي]

من رآأيي دشي دوورهـ وتعلمي تحطين لنفسج احسن لج ,,

 

[فررصة]

وانا بعد وياكم
هم انا مكياج الصالون يخلي شكلي كأني
وحدة متزوجة وعندها عيال يكبرني عشر سنييييييين
عووووووووووووووع والله لما احط مكياج حق نفسي الكل
يسألني اي صالون رايحة
مع ان مرات احط ناعم ومرات ثقيل بس مو حيل
بس سبحان الله يطلع احلى لما تعرفين حق نفسج احلى بكثير من الصالونات
فقمت اسوي شعري بالصالون واحط مكياجي بنفسي

 

[شماااليه]

رد : { منو نفسـي ؟! مكيـاج الصـالون ما يطلع حلو علي ... تجربتي مع الصالونات }

انا عن نفسي كرهت اسوي مكياج بالمشااغل لانه يدمر ملامحي ويطلعني شييييينه اسويه بروحي وانا مقتنعه احلى