منو من اعيالها صار فيه (عجنجز)؟؟

[Miss 3asal]

بنتى عمرها 2 سنتين و صار فيها جيكن بوكس(حدري الماي) بس للحين ما اشوف يحكها....عادى ولا لا؟ و متى تبلش الحك؟بليييييز قولو لى؟

 

[F.A]

هلا والله أختى لا تحاتين الحكه تصير معاها بالأخير لمن تنشف الجروح السوداء وتبدأ تطيح مثل الخريف عاد ديري بالج اهني تبدأ تنشر العدوي بس أحسن لها قبل ما تدخل المدرسه
ما تشوف شر

 

[احلى كويتيه]

من تخف الحراره وتبدا الحبوب تنشف اهني عاد الحكه وديها الامراض الساريه يعطونج مضاد ودهان لها للحكه

انا ما وديتهم الامراض الساريه وديتهم خاص والحمد الله بس وحده تمدح الساريه

 

[ام كتكوت]

ياعمري عليها ماتشوف شر يارب ويحفظها لج ويخليها
والله مادري حبوبه
بس ماتجيبين بنتج يم عيالي تعديهم؟؟ :eh_s(1):
والله ودي يصير فيهم الحين وافتك!!!!!!
وااااااااااااايد احاتي
ان يصير فيهم وهم كبار الله لايقوله
صعبه

 

[om_omar]

ولدي عمره سنتين ونص وماحاشه الجدري الماي للحين بس وين المشكله ؟؟؟؟؟؟؟؟؟
شرايج انا امه ماحاشني
وانا الحين حامل واحاتي هالنقطه الله يستر

 

[Miss 3asal]

من تخف الحراره وتبدا الحبوب تنشف اهني عاد الحكه وديها الامراض الساريه يعطونج مضاد ودهان لها للحكه

انا ما وديتهم الامراض الساريه وديتهم خاص والحمد الله بس وحده تمدح الساريه

وديتها الخاص و عطاها مثل ما قلتى بس قاعدة احاتى الحكة ...حرام ما تستحمل و خاصة مع الحفاضة

 

[Miss 3asal]

ما قصرتوا خواتى الحبيبات على الردود.....يعطيكم الف عافية...و الشر ما ييكم انشالله لا من جريب و لا من بعيد

 

[اخت فروحه]

يالغالية ماتشوف شر بنتج
العجنجز درجات بعض اليهال يكون قوي حيل وبعضهم متوسط وبعضهم خفيف ويمكن حبتين بس وما يعورهم
انا بناتي جالهم العجنجز مرتين انصدمت سألت الدكتور جان يقولي عادي في بعض الحالات يجي مرتين بس الثانية يكون خفيف ولله الحمد

 

[Miss_Tiger79]

ترى عادي انا بنتي قامت اتحك اول شي لما كان احمر والحين لما نشف ما قامت تحك
وولدي من اول شي ماكان يحك ولما نشف قام يحك على حسب الجسم يمكن

بس لا تحاتين عادي

 

[Miss 3asal]

مشكوريين على الردود ....والحمدالله الحين نشف بس اشوا ما حكها كلش بس باجى الاثر والحمدالله افتكت.

 

[PuPa^^SWeeT]

اذا ما حكها اشوا


انا حاشهم ثنتينهم

الكبيرة حاشها واهيا سنة

والثانية حاشها واهيا سنتين


اللي حاشها عمرها سنة ماحست فيه وراح بعد اسبوعين

الثانية اللي توها حاشها عمرها سنتين مسكييينة كانت شتى شهر 12


بررررررررد

ويحكها
يقولوولي ماي البحر يوخره

الحيين شتا وين اوديها بحر

جان اييبلي ريلي جركل عبااااه ماي بحر

ويبناه البيت و نقعناها


يومين الا كل الحبووووب راحو و راحت الحكة

 

[Q8_QT]

آنا ولدي ياله خفيف بس ماأذكر ان كان يحك عادي يعني
بس الحبوب ساعات تترك أثر ماتروح

 

[•Brown•Sugar•]

انا بنتي حاشها عقنقز واهي عمرها شهرين
حياتي مع انها ماحكت ويها لانها ماتقدر فوق كل هذا طبع اثاره ع جسمها
والمشكله وحده ع خدها صار فيه حفره صغيرونه

 

[مرايــــــــم]

انا بنتي الحين فيها عنقز عمرها سنه و8 شهور
وحيل يحكها وطول اليوم وهي تبجي
وديتها مستشفى الامراض الساريه
وعطوها مضاد ةلقيته بالصيدليه بـ13 ومايعطونه الا بوصف طبيه
وعطوها زيرتك وادول

والدكتور قالي اهم شي الدوا الابيض اللي يعطونكم المستوصف لا تستخدمينه
لانه مضاره اكثر من منافعه

وسبحيها مرتين باليوم