منو مدخل عياله مدرسة الرؤيه ؟

[Om.MeMe]

السلام عليكم ..

يعطيكم العافيه بنات .. بغيت اسألكم عن مدرسة الرؤيه انا عرفت انه ادارتها تعليمية اسلاميه و هل االمدرسه للدكتور طارق سويدان ؟؟

و مشكورين مقدما بنات​

 

[sweet]

هلا والله اي اهيه تعليمية اسلامية للدكتورة نسيبة المطوع وروعة المدرسة

 

[om Fouz]

مدرسة وايد زينه بس وايد غالية وروض الصالحين نفس المستوى بس أرخص بوايد يعني الفرق للثانوي 750 دينار والمراحل الإبتدائي والمتوسط تقريبا 300 دينار

انا محتارة بين الرؤية وروض الصالحين

 

[اي اسم]

انا عندي موقع الرؤية احسن مية مرة من روض الصالحين

المصافط متوفرة على طول (مصافط المدرسة زائد البراحة اللي يمها )

ميزة المدرسة تحفيظ القران والتجويد والدين ( الطالب يحفظ جزء من القران كل سنه مع الشرح المبسط لمعاني الايات - شرح التجويد حسب المرحلة الدراسية للطالب بطريقة سلسة ومبسطة- عمل نشاطات تشجع على الصلاة والالتزام فيها)

في تدريب سباحة شهر من كل سنه دراسية ابتداء من الصف الثالث الابتدائي

اما عيوبها ضعف اللغة الانجليزية ( الى الان بعض الطلبة بالصف الرابع لا يعرفون القراءة والنطق السليم للكلمات بالانجليزي - ضعف برنامج القراءة الخارجية باللغة الانجليزية- مدرسات الانجليزي عرب )
وكثرة غياب المدرسات (بالنسبة لتجربتي مع ولدي - رابع ابتدائي - تجربتي للسنه الحالية فقط)
قلة الانشطة الترفيهية والرحلات عيب اخر
8 حصص باليوم وفرصتين الاولى للاكل واللعب والثانية للصلاة ( في مدارس خاصة اخرى يكون فيها 7 حصص فقط - والفرص تكون اطول) احس انه اليوم طويل ومتعب بسبب عدد الحصص وقصر وقت الفرص - يعني وقت الراحة للطالب اقصر

 

[Om.MeMe]

اها اووكي انزين و بنات ايهي مدرسة طارق سويدان ؟؟ و مدرسه روض الصالحين بس بحولي مالها فرع ثاني ؟؟؟ و انا عندي بنتي عمرها سنتين و 8 شهور ابي ادخلها مدرسه اسلاميه و فيها حضانه بنفس الوقت ؟ الي اتعرف تقولنا يزاها الله خير ​

 

[قوطي نيدو]

ما أعرف امدرسة

 

[سيدة الكويت]

ليش اللغه الأنجليزيه ضعيفه؟؟جم حصه باليوم ؟؟وشنو كتبهم

 

[اي اسم]

كتبهم هاركورت تروفيز
يدرسون كتب الصف الثالث الابتدائي لطلبة الرابع ابتدائي
والمشكلة اتوقع في مستوى المدرسات وعدم وجود برنامج قراءة جيد اضافي غير دروس هاركورت لتقوية مستوى الانجليزي عند الطلبة

 

[سيدة الكويت]

يعنى مكتوب على الكتاب انهم ملوت ثالثه ؟؟

 

[بنات الكون]

مدرسه طارق السويدان الابداع بحولي بس قالوا لنا انه طلع منها وصارت من بعده موشي

 

[اي اسم]

يعنى مكتوب على الكتاب انهم ملوت ثالثه ؟؟

كتاب القراءة مو مكتوب عليه بس لما فتحت على موقع هاركورت تروفيز الالكتروني لقيت انه تبع جريد 3
اما الورك بوك مكتوب عليه جريد 3

 

[سيدة الكويت]

مشكوره ممكن سايت هاكرت؟؟

 

[بيبي-الحلوه]

مدرسه طارق السويدان الابداع بحولي بس قالوا لنا انه طلع منها وصارت من بعده موشي

طارق سويدان باع المدرسه من زمان
اللحين عندهم حضانه الفصحى اهو وزوجته بثينه الابراهيم .

 

[كـلا كـلا]

وعندهم بعد حضانة مرتقى مكانها بالروضة
تابعة حق طارق السويدان

 

[SOFTY^LADY]

بليز بنات الي تعرف جم رسوم حضانة المرتقى ؟؟؟
وايد امدحولي هالحضانة

 

[بيبي-الحلوه]

بالنسبه حق المدرسات ليش مافي اجانب وايد .
لان المدرسه ماتوظف الا المسلمات ..لان المدرسه مثل ماتعرفون وقف تابع للهيئه الخيريه الاسلاميه العالميه .
ومافي ناس اجانب ذوي شهادات مسلمات الا قله.

 

[منااير@]

انا ولد اختي بالرؤيه وااايد صراااحه من روض الصالحين

 

[منااير@]

وااايد افضل من روض الصالحين

 

[الـــريـــم]

انا سمعت ان المدرسه مركزه اكثر شي عالدين والقران
وهامله باقي المواد من انجليزي وعلوم وغيرها

 

[تراثي]

مدرسه الرؤيه وايد زينه و انصحكم فيها