منو مجربه الكتروزان

[السيده ام عبيد]

انا ماخذه تلفزيون بلازما وكان سعره 299اعتقد ولي سنه ونص كان اوكي--بعدها بدى ينقطع الصوت ودقينا عليهم وييو خذوه وظل عندهم فتره وكل ماندق يقولون ليلحين ماصلحناه لين صلحوه لنا ب35 دينار--يعني بعد ماتنتهي الكفاله تبدي الخرابات بس انا اقولج اخذي ماركه معروفه اضمن--

 

[الصعيريه]

كل شغل الالكترونياات اللي بشقتي من الكتروزان لانه زوجي حاطهم من جهاز العرس والحين بدخل السنتين وكل شي مثل ماهوو ماشالله شغلهم حلووو..
شووفي شنو كان جايب منهم:
-التلفزيون الكبير..
-الغساله
-الثلاجه
-الجوله
-على قولتهم صانعة القهوه
-غلاية المااي
-مقلى كهربائيه
-ميكرويف
-فرن صغير..
وتو من فتره خذيت منهم دي في دي محمول لبنتي
بصراااحه شغلهم حلوووو واسعارهم منااسبه

 

[deshe1]

مشكورين حبايبي على المشاركه يعطيكم العافيه

 

[برونزيه شقرا]

[B]يا طويلت العمر شوفي
أخذت منهم 4 آي بود mp4يهبلوووون مافيهم شي
وأخذت منهم تلفون ب1و900 كاهو مافيه شي بس ولدي الله يحفظه أرقعه بالأرض وكسره ماقصر
وأخذت منهم لاب توب توشيبا كاني قاعده أراسلج منه الحمد الله
أخذت ثلاجه حق الدوام صغيره
مافيها شي باااااارده تهبل
وأخذت منهم LCDنوع أكاي 42بوصه هم مافيه ولاشي تبارك الرحمن
وأخذت منهم واااايد أشياء وخاصة العروض اللي يحطونهم بسلال كل مابغيت الكترونيات أروح على طول عندهم والحمد الله أتوفق ونسيت بعد أقولج
الوالد الله يطول بعمره ماخذ منهم وحدات تبريد حق الإستراحه بجبد ولاا التوصيل والتركيب لييييي منطقة جبد تبارك الله بارديييين حييييييييل
ودام إنج تحطين كفاله لاتحاتين وبعدين أي ماركه مع الإستخدام السئ تنعدم شي طبيعي وبعدين الواحد يفكر قبل لا يشتري إلكترونيات لأنه كل 6شهور يصير تحديث للأجهزه ويتحسف إذا شاريها بذيييج القيمه مثلا الحين البلازما طلع عقبها الLCDوالحين طلع لنا LCD+فتحه للمومري كارد علشان تعرضين إي كاميرات فيديو أو فوتوغراف بس تشيلين المومري وتركبينه بال LCDويشتغل على طول من غير تمديديات و +بلوتوث تخيلي بلازما مع بلوتوث تطوووور على طول من موبايلج ليييين البلازما وبعد وبعد وبعد
عموما إستخيري ربج وتوكلي على الله
[/B]

 

[قلبي تركواز]

ابتعدي عن الغااانم لانهم موشئ ونصابين

 

[deshe1]

مشكورين على الرد بنات بنتضار المزيد من الردود

 

[شانيل نمبر 5]

وايد ناس تمدحه

 

[قلـــ طفلة ـــب]

ماأدري احنا من الغانم

 

[deshe1]

مشكورين بنات

 

[غالية زمانها]

بالنسب لي انا عندي منهم خلاط وميكروويف
ماشاء الله للحين عندي وصار لهم 3 سنين ولا اشتكيت منهم
وحماي عنده تلفزيون بلازما ب 300 دينار وصار له سنتين
ماعمره اشتكى منه
حبيت افيدج حبيبتي

 

[om fares]

انا شفت اجهزتهم وايد خفيفهوصناعتهم رديئه وتشترين اجهزه صغيره معقوله بس تكييف وغيره لا ليش اشتري وبعد سنه اقطهم

 

[السفيرة عزيزه]

أخذنا منهم غسالتين وحده حق أمي ووحده حق إختي كلش ما توفقوا فيهم وبعد حاطين الكفاله 3 سنوات بس كلش مو شي مقلب ـ أخذت منهم البخار حق الكوي مال السفر زين ماشي حاله ماعليه استعمال غير في السفر وين ووين

 

[deshe1]

مشكورين على المشاركه بنات والله حيرتوني ناس تقول زينه وناس تقول شينه!!!!!!!!!!!

 

[ام دودو المزيونه]

اهما عندهم ماركات مثل توشيبا وجني شفت تلفزيونات سوني بس وخري عن الماركات الي مو معروفه ابصراحه الشيئ الوحيد الي شريته منهم اهو استشوار اصغير وردي باناسونيك لبنتي الصغيره لونه روعه والحمدالله كاهي كل استشور فيه
وانا ابصراحه اول مره ادخله علشان خدامتي بتسافر وتبي تشتري شرت منهم ثلاجه وغسالتين وفرن اصغير بس انا كنت وراها واعطيها النصايح انها ما تاخذ شيئ مو معروف وتتاكد ان في كفاله وله وكيل بسيلان وتري ياخذون علي التوصيل مو بلاش يعني اذا شفت فرق سعر عند يوريكا او الغانم وهذيل ارخص لأن الغانم ويوريكا حاسبين التوصيل مع قيمة البضاعه
بس كان عندهم بضاعة ديزني تلفزيونات البلازما والعاديه والساعات ملوت ديزني الأصليه بس الخدمه الله بالخير وانا ابصراحه افضل يوريكا وبعدهم الغانم وما افكر اخذ من الكتروزان
ونسيت اقولج اختي طاحت كل تشتري منهم بس شغلات اصغيره مثل خلاط ولا اوتي ولا مسجل للأمان شهر وبشري خاربين لأنها تغتر بسعرهم والصناعه اي كلام

 

[deshe1]

مشكور اختي يعطيج العافيه على المشاركه

 

[moody-q8]

انا شريت منهم جوله وفرن كهربائي بصراحه روعه صار لهم اربع سنين شحلوهم
وخدمة الصيانه عندهم بسرعه يجون اذا اتصلتي

 

[ربو3ةة]

انا توني ماخذه منهم تلفزيون بلازما ال جي ونافوره الكاكاو وجهاز البخار لللملابس الصغير اليدوي
والله معاملتهم حلوه وكل شي تمام ووصلو لاغراض بالوقت
بس التركيب اخذو عليه عموله ب5 دنانير راكب جاهز
بالتوفيق

 

[deshe1]

مشكورين بنات على المشاركه

 

[F.A]

خواتى عندهم بالاقساط نفس الغانم؟

 

[deshe1]

اي اختي انا مره شفت اعلانهم عندهم اقساط بالتعاون مع البنك الوطني مادري اذا في جهات اخرى ولالا