منو مثلي يايه من الفضاء !!

[EviL^^GirL]

انا ماحب اقرى جدام الناس
احب يكون ظلمه واقرى على نور الاباجوره
وتكون الغرفه بررررد واتلحف واقرى
جذي الجو يساعد انج تندمجين بس لو مكان عام مراح اقدر اركز

 

[**Bella**]

أنا أحب أقرى في السيارة..لما أكون رايحة أو رادة من المدرسة...

 

[وهج الحب]

السلام:
انا ما اعرف اطلع ابدا بدون كتاب ابدا ولو ثقل الشنطة احطة بالسيارة ..والحين عشان اخلص اكبر عدد ممكن احط كتاب صغير بالشنطة ..وبصراحة انا ابد ما اشوف حد غيري حتى الاجانب اللي ببلادهم لازم يقرون ما اشوفهم عندنا يقرون ..
ومن الاستهزاءات اللي اسمعها واكثر من الشباب ..عاد كلش مثقفة ..يا شين القليد على الانجليز ..ووو...او انهم يضحكون باستهزاء ...اما النسوان من اطلع كتاب لازم يبدي الحش ...
بس انا طناش ما اهتم ابدا لاحد هذا متعتي وهذا شئ احبه ..وما يهمني رأيي احد فيني .. مدام ما اغضب الله بشئ ..
بس مرة وحدة قالت لي وانا مودية عيال اختي للالعاب ..انا احسدك صج رزة من قعدتي ..صحيح تستغلين وقتج بشئ مفيد ..بس هذي اللي امدحتني بحياتي كلها ..

 

[AnnaLina]

تصدقين انا ماعرف اقرا بالاماكن العامه ابدااااااا !! والسبب ان القراءة عندي لها وضعية خاصة..يعني ماعرف اقرا الا اذا كنت منسدحة لول غير جذي ماعرف اندمج بالكتاب ..يعني لو كنت منسدحة وقاعده اقرا والجو حواليني هدووء احس اني اعيش اجواء الكتاب وكل حواسي مع الكتاب اما في الضجة وانا قاعده ويمي ناس واقرا ؟ يمكن اصرخ على الناس اقولهم اوووووووووووووووووش واخذ راحتي وانسدح واقرا :dddds:

 

[khawla&tito]

انا اذا شافوني يتطنزون علي ويقولون مسويه روحها مثقفه المسيكينة

 

[lailosh]

حتى انا جذي اذكر مره كنت ماخذه روايتي الكليه واقراها ما على ايي ادكتور ولا وحده اعرفها انا تقعد يمي سلمت ورديت عليها جان ارد اكمل الي قريته ولا تتفحص الكتاب زين ماشقته بعيونها شدعوة ترى كلها كتاب مو شي غريب

ومشكوره

 

[Blue BerrYa]

لووووول بالعكس والله ياحلوها من نظره يمكن نكون سبب في موضه يديده ومفيده خو احنا اهل موضات وهبات باجر الكل يقلد وان شاءالله تصير شي متمسكين فيه




انا الحمدلله من توظفت ولازم يكون معاي كتاب اقراه واذا ما عندي نزلت المكتبة شريت في البدايه الكل قام يخزني ومنصدمين حدهم وفي ناس يطلعون وحتى مرات يسألوني شتقرين بس جذي فضوووولاا لا اكثر وعادي كنت ارد عليهم بصدر رحب :d


بعد فتره صرت اشوف جم وحده فيهم اتييب معاها كتب وتقرا صج حدي استانست والله وصرنا نتناقش مرات على كتب معينه



يعني لا تحاتون ويضيق خلقكم بالعكس والله هالنظره اتييننن خل تشبع فضولهم وصدقوني راح يتعودون عليها اذا شافونا كلنا نطلع ومعانه كتبنا

 

[ريوف2]

نفس الحالة
عاد انا دايما كتاب بجنطتي
وانا لما اقرى اندمج ومانتبه حواليني
بس مرات الاحظ الخز

اذكر مرة رايحة الطبيب ويوم قعدت انطر طلعت كتابي
وكان في وحدة قاعدة جبالي كل مارفعت راسي الاقيها تخز فيني
جني مسوية شي غلط :eh_s(14):

 

[.]

انا مانتبه ع ردة فعل اللي حولي ..

بس اقرا بكل مكان دوام - سياره -سوق..

اللي بالدوام لي خلصت القصه احازيهم فيها خخ..

مشكوره اختي..

 

[((SAFIRA***Q8YA))]

هاذا " و احنا من أمه أقرأ " ايطالعون جذي؟؟؟

 

[F.a.r.a.7]

امبي اكره هالنظام امسك الكتاب واقرى جدام الاوادم مو سالفت ان اتحاشى يعلقون لا :\ !

بس ماراح اركز بولا كلمه .! ,, لان لازم يكون هدوء عشان اعرف اقرا اذا وقفت عالازعاج الي بالمجمع او الكافيه او وانا امشي بالسياره ماراح استوعب شي ! ,, حتى على ايام المدرسه لما قبل اروح امتحانات الفاينل ماكنت اعرف اقرى شي من المراجعات الي مسويتها ماقدر استوعب :×

 

[شهرزاد الحكاية]

زميلتكم فضائية بعد ...هههههههه
انا ماقدر اروح مكان الا معاي كتاب (احتيا ط ) بالسيارة بالدوام ...حق الصالون والطبيب و الزحمة والانتظار وطبعا طبعا بالطيارة ...
طبعا التعليق الاكثر تداولا ..والله فاضية ...هههههههههه
اي فاضية شعندي احسن من الحجي الفاضي

 

[العـذوب]

وأنا بعد فضائية


يا سلااااااااااااام .. احنا اللي بنعلي شأن الكتب

 

[الله يخليني]

انا من عمري ودايماً معاي كتاب <<< اللي يسمعني يقول عمرها 100 سنة ما جنها توها بنت أمس
في كل مكان بالطبيب بالبيت والكوفي حتى عند الإشارة اقرأ ...
ولأني اندمج بالقراءة فما أدري عن اللي حواليني ....
تهقون صرت مثلكم يايه من الفضاء ؟؟!!!

 

[smily*]

وااااااااااااااااو زين مو بس انا حبيبتي ماعليج احنا امة ( اقرا )

مااتوقع احد بمثل معاناتي انا الوحيدة في البيت الي احب القراءة من صغر وتخيلوا حاطة المكتبة بداري لان محد يبي يشووف الكتب وكل مررة اخواني يقولون الي خلصتي منه قطيه ليش هالزحمة تخيلو ؟؟؟؟؟؟؟؟؟؟؟؟
مع اني احب اقرا بالتاريخ والسير الذاتية والروايات العالمية لكن كل شي عندهم خرابيط

 

[لولو البحرين]

يوم كنت في الجامعة لازم في شنطتي كتاب حتى صديقاتي يتحلطمون علي اني هادة كتب الدراسة ومتفرغة اقرا كتاب الحين تحطون مقارنة بين كتاب ممتع واندمج فيه وبين كتب الجامعة اللي تلوع الجبد..يسموني المثقفة لاني الوحيدة اللي اقرا كتب بس ما اذاكر ما ادري شلون تخرجت وهم طول الوقت مذاكرة ما ادري شلون يستحملون؟

اكثر وقت استغله في القراءة هو وقت اني انيم اولادي لانهم متعودين ينامون على رجولي واهزهم فعلشان لا اتملل خصوصا اذا اخذوا وقت طويل اكون خلصت جم 100 صفحة:dddds:

ساعات اودي الكتب وياي بيت اهلي او بيت اهل زوجي وماحد يستغرب منهم لانهم تعودوا ولانهم يقرأون مثلي فالوضع طبيعي ...بس مرة كنت في الجامعة اقرا كتاب وكان اسمه تعاليم لافوضوية لحياة لامنطقية عاد لو تشوفون نظرات الاستغراب تحسين فعلا اني جاية من الفضاء ههههه بسبة عنوان الكتاب.

 

[عيون منوعه]

لا الصراحه عآدي

انا ساعات احط روايه في جنطتي و ساعات اشيلها احسها تسوي الجنطه ثقيله

و انا نفسج اروح الكوفي اقرا كتب و عيووون الناس كلها علي

 

[وردة الصحراء]

هلا ومرحبا انا جايه من القمر فارشه فوق سطحه بساط واذا زهقت اقعد فوق غيمه وافتر اشوى اتمشى بين النجوم !!!




يقول



لاصرت صح ووقتك اغلااااااااط بغلاااااط ليه اتعذب به وتشقى


رح للقمر افرش على سطحه بساااط وخل الحثال ان كان به خير يرقى ...





نحن في مجتمع يفتقر للقراءه ولا يعترف فيها هذا جانب



وانا استغل وقتي في الانتظار في القراءه واشوف الناس اطالعني بنظرة ياشيب عيني يعنني اقرا كتاب ماعندها ماعند جدتي


ولكن هذا الوضع خلاني احول الكتب ملاحظات في تلفوني واقراهم حتى اكون بمظهر اني اطقطق بموبايل ويصير وضعي

طبيعي بنظرهم



<<<< اشرايج يالتعبير ههههههههههههههه عايشه الدووور اجاوب



بس والله هالموضوع اللي طرحتيه طااااح هههههههههههه لا اتغشمر قصدي الموضوع اللي طرحتيه مشكله يعانون منها اللي يحبون القرايه شرووااااج الطيب وشرووواى


فنتظار مواضيعج الجايه



: )

 

[HAD.Lavender]

يعني انا ياية من الفضاء لوووووووووووووول
الكتاب على طول معاي بالجنطة و بعض الاوقات كتابين و جناطي راحوا فيها من الثقل لووووول
و صج كلامكم صح مادري ليش الناس جذي و اذا تبون الصج الناس هني بكل الحالات خز بخز يعني عادي طنشوا و سووا اللي يريحكم مادام القرءاة شي مفيد و مو عيب

 

[وهج الحب]

هلا ومرحبا انا جايه من القمر فارشه فوق سطحه بساط واذا زهقت اقعد فوق غيمه وافتر اشوى اتمشى بين النجوم !!!




يقول



لاصرت صح ووقتك اغلااااااااط بغلاااااط ليه اتعذب به وتشقى


رح للقمر افرش على سطحه بساااط وخل الحثال ان كان به خير يرقى ...





نحن في مجتمع يفتقر للقراءه ولا يعترف فيها هذا جانب



وانا استغل وقتي في الانتظار في القراءه واشوف الناس اطالعني بنظرة ياشيب عيني يعنني اقرا كتاب ماعندها ماعند جدتي


ولكن هذا الوضع خلاني احول الكتب ملاحظات في تلفوني واقراهم حتى اكون بمظهر اني اطقطق بموبايل ويصير وضعي

طبيعي بنظرهم



<<<< اشرايج يالتعبير ههههههههههههههه عايشه الدووور اجاوب



بس والله هالموضوع اللي طرحتيه طااااح هههههههههههه لا اتغشمر قصدي الموضوع اللي طرحتيه مشكله يعانون منها اللي يحبون القرايه شرووااااج الطيب وشرووواى


فنتظار مواضيعج الجايه



: )

السلام:
بيت الشعر اللي حطيتية ولا اروع انا احيانا ما ادخل الموضوع اقرأ من البريد ..بس من قريت شعرك عجبني خلاني ادخل وكتبته عشان احفظة وايد عجبني ..
بس ليش الاحباط ليش خليتي الغلط هو اللي ينتصر بالنهاية لانك ما اصريت واخذتي كتابك واياك وبطيتي عينهم وانتي تقرين ..
وهل بالتظنين انك لما بالطقطقين بالتلفون بيخلونك بعد بيتكلمون وبيقولون ..عاد ان عندها اصدقاء واهل يدزون لها الرسايل ..او انها بنت لعبية ادز البلتوث وتستقبل ...الناس ما ترحم ..
انا من اسبوعين مودية عيال اختي الالعاب الا فيه واحد طوال اليوم يدور علي ومتسمر جدامي وقسم بالله ما عرفت سالفته الى الحين ..وعطيته ظهري وكملت القراية الا واحدة باكستانية اطل اشكرة بوجهي وصرخت عليها ايش يبي ..وخلتني لا وقفت اطالعني ...بس ما اهتميت صج الازعاج ما خلاني اقرأ والقصة مش ممتعة بس ما هديت كتابي تحدي لهم الى ان جو عيال اختي رحمة من الله خليته ...