منو مثلي يايه من الفضاء !!

[:: Diva ::]

السلام عليكم











شرايكم بالعنوان ؟

:dddds::dddds:











صج حسسوني اني من الفضاء
خواتي انا لي صار عندي موعد طبيب او بروح مكان لازم في كتاب بجنطتي
لااااااازم يعني لاااازم !
اقرا بدال الخز و التلفت


بس المشكله اني اذا طلعت كتابي ابي اقرا اشوف عيون الناس !
يه
حتى لو رحت كوفي و الي يروحون ياكثرهم يشبكون ولا يقرون بس هم تلاقين نظرات تعجب و استغراب
فصرت احاول كثر ما اقدر اودي معاي كتاب انقلش علشان هالمتطفلين الي يخزووونج جنج مسويه مصيبه ولا يايه من الفضاء
لما اقرا انقلش اشكرا اسمع تعلقياتهم لوووووووووووووول
و اطنش



ابي اعرف منو مثلي ؟
تستغل الانتظار بالقراءه ؟
او تاخذ معاها كتاب بالكوفي ؟
او بالدوام ؟



و شلون نظرة الناس لها ؟!​

 

[الدقمة]

لووووووووووول
عنوانج حده عجييييييب :dddds:
أنا عن نفسي لازم الرواية بجنطتي أينما ذهبت :eh_s(6):
اما بالنسبة لنظرات الناس اممممممم
والله مو كلهم يعني في ناس اطالعج جنج مسويه شي غلط :eh_s(1): ؟؟!!!
وفي بعضهم لا مالهم شغل بأحد مجرد فضول يطلوون يطالعون إنتي شتقرين بعدين يكملون طريجهم ،،،
عاااااااااااادي صار شي عااادي أول شي كنت أتضايق شفيهم يطالعون يعني حتى بالكلية يطالعون
و إذا لقوها رواية تنحووا هههههههه أحسهمم يقولون أحنا مو مفتكين من كتب المقررات علشان تييبن بعد روايات :dddds:
عموما كل واحد على راحته يعني إذا احنا من الفضاء على قولتج ،،،، شنسوى :eh_s(6): ؟؟!!!

تقبلي مشاركتي :tek: ,,,

الدقـمــــــــــــــــــــــة ،،،​

 

[7neaN]

خخخخخ أنا أعشق القراءه واخذ معاي كتب مثلا إذا طلعت الشاليه
أو رحت نمت برا البيت وحسيت إنه ممكن أشعر بالملل بس لما أطلع أروح كافيه أو شي جذي
ما أقدر لأن يصير لويه مع أهلي وبعدين أنا أحب أقعد بروحي لما أقرا ..

بس أقولج ليش يطالعونج <<< خنقولج حبيبتي تفسيري الخطير ..:P_03BA:
يطالعونج لأنهم ما يقرون لأن هذا دليل على الجهل وعدم الثقافه و لا شنو الغريب بأني أمسك كتاب و أقعد
أقرا بس لأنه القراءه عندنا شي قليل و نادر .. مع إنه في ناس يحبون القراءه ..

خنقولج عيل موقفي أنا ..
كنت رايحه الأفنيوز بعدين مريت تروفاليو جان أشتري كتب شكثيييييييييييير
كان فيني فقر كتب لأن أنا أروح أشتري من فتره لي فتره .. , المهم ..
جان شوي ولا يمر صبيين انجليزيين يعني أجانب عاد شافوني ولا يقعدون يتنحون بويهي ويطالعوني
عاد أنا مو مصدقه شفيهم ولا ألتفت ع إختي ولا هم جذي إهيا مستغربه هذول شفيهم بس أنا فسرت
إن أهم استغربو إن في وحده كويتيه تقرا و إهتمامها القراءه بشكل كبيييير ...
لأن معتقدين إن إحنا مو متطورين ..
بس إختي تقولي قاعد يخوزرون فيج من الكتب الي بيدج ألف كتاب شايله بس ما أدري ما اعتقدت اعتقادها ..:0bee2e8d89:

والله مثل ما قتلج مالج شغل فيهم انتي مو قاعده تسوين شي غريب عجيب أحسن من مجابل
النت 24 ساعه ...:eh_s(6):
و سوري ع الإطاله توبكج حلو ...[/I]​

 

[روحي رياضية]

آنا مثلج تماما .. هذي نظرتي ما احب الخز .. استفيد من وقتي ..

بالقراءه بالسياره بالكافيه قبل الكلاسات .. وفعلا خز الناس عجيب ..

بس ما علي منهم .. اهم شيء اسوي شيء صح ..

ونخليها ظاهره صحيه ..

 

[Little_Queen]

والله


ان كانت القراءة جريمة ... فليشهد التاريخ اني اعشق الاجرام ! لووووووووووول جني حرفت المثل ؟


كيفهم الي يبي يخوزز فيني خل يخوزز .. يمكن يقلدني يا فرحتي والله ان قلدوني " حتى لو من باب الظهور بشكل انه احنا مثقفين و نقرا "

مره مرتين بيتظاهرون بالقراءة .. بعدين بينشدون لها


صج ان صرنا مجتمع قراء .... واااااااااو ! بنصير ... وايد اشياء حلوة رح تصير في مجتمعنا

كافي انه رح نفتك من الخز و الحش و فراغة الشباب الي قاعده توديهم و تودي الي حواليهم في ستين داهيه !


......


احلم ان نكون قراء ....

 

[Eng.shosha]

هههههههههههه

لا بالعكس زيين تسووين .. مرات ودي أسويها
بس الجنطه تصير ثقيله فأهون .. بس أحسن عن الملل اذا كنتي
تنطرين ولا شي ..
ما عليج منهم كل واحد حر بتصرفاته

 

[princesse X]

انا دايما يا اما يكوم معاي كتاب او ابرة الكروشية او المكوك مو المكوك الفضائي مكوك التاتنج وفعلا احسن من ما قعد اطالع الرايح والياي

 

[butterscotch]

اي والله صاجة
انا بعد الكتاب دايما معاي بالجنطة وخصوا بالدوام لما يكون ماكو شغل
وانا اتوقع ان هاذول يكونون مستغربين ان لي الحين في ناس تقرا
على بالهم ان مع تطور التكنولوجيا خلاص القراءة انقرضت*

 

[فراشه]

ماشاء الله زين تسون ان شاء الله اصير مثلكم
وعن نفسي لمن اشوف احد جذي يرتفع من عيني احب هالمنظر

 

[أحب بابا جابر]

هههههه
امبيه العنوان يضحك
حبي انا نفسج
بس الكوفي مو دايما الأغلب اني اخذ جريدة <<<<<<<< احب اقراها
ولا المجلات اللي بالكوفي نفسه
وبالجامعة كنت اخذ معاي مرات مو وايد بس اكثر شي لما اكون مودية امي مكان وبقعد بالسيارة
اخلي الكتاب يمي واقعد اقرا
وأحلى اندماج اذا كان اموديني السايق اقعد اقرا طول الطريج
وبسيارتي حاطه ورا جيس كله كتب ها هاها ها ها
بس المشكلة لما اكون قاعده انطر في دور الاسنان <<<<<<<<<<<< مأسأاااااااااااااااااة
الناس ما تخلينيي امبيه حتى لما اقرا الجريدة جني سابتهم
لدرجة اني قمت ما اقرا الا لما اكون بسيارتي وناطرة احد
عشان لا احد ايخزني من فوق لي تحت
بس بنات انا اشوف ان غالبية الكويتيين قاعد يتجهون للقراءة <<<<<<<<<<<<< ليش محد نفسي

 

[WHO CARES!]

انا جذي دايما كتاب صغير او روايه بجنطتي في ناس فضول في ناااس عادي وفي ناس يشجعووون بس في ناس مليقين يعلقووون اصلا لمن اقرا اروح عالم ثاني فما شفت وايدناس متطفلين لانه غالبا ما انتبه لهم

 

[rawona]

LoooooooooooooooOOOOOOOOOOOOOOOoooooooooOOOOOOoooooooooOooooL


واي ديفا ضحكني العنوان والموقف اكثر!!


اي ماماتي انا بعد يايه مثلج من الفضاء .. هم انا جذي الكتاب بجنطتي على طول وين مااروح .. طبيب .. بالسياره(اذا ما اسوق) ..بالشاليه.. بالبر لووول بكل مكان ..


لدرجة انه مره زاروا بيت حمولتي ناس وانا ييت ادخل الكتاب في جنطتي والا ماشاءالله عليها وحده القطته وقالت لي "تدرسين" ؟؟ لووووووووول


جنه الكتاب بس للدراسه مو للثقافه والتسلية وتضييع الوقت بشيء مفيد!


وملايهمونج يا زميلتي الفضائية و استمري بارسال ذبذباتج اللي تسبب الذهول و"الثول" لابناء الكره الارضيه في الجزء "الشرق اوسطي" :eh_s(6):


​

 

[brat]

لول اي والله جنه يايين من الفضاء!

ما يبط جبدي إلا اللي عباله إن احنا (نسوي روحنا) نقرى مو للمتعة، بس عشان التفلسف

آنا مُدرسة فلما أقعد أقرى وأندمج يقولون ويييه شخباري اللي يقرون، انتي توج fresh توج متخرجه باجر تنسين الكتب!

ومن قالهم إني بديت قراءة من دشيت الكلية؟

وأذكر مره بشهر العسل واحنا واقفين عشان ندش الطيارة في رواية ما قدرت أهدها (وعلى وصف ريلي كنت متسندة عالهاند باق) ومندمجة حدي والناس يطالعون بفضول

ولازم أييب معاي كاب حى بالصالون. وما همني نظرة الناس

 

[Anastasia]

هههههههههههههه
.
واي يشووق العنوان ههههه ...
.
انا نفسج بس تصدقين ولا عمري انتبهت للنظرات ! لأني من أبطل الرواية استغرق فيها وأغيب عن اعالم
ويمكن انا نوعي مانتبه او ماهتم ,. على قولتهم "أنت حر مالم تضر "
.
ماعليه لاتلومينهم ديفا .. عيال الكويت اسم الله عليهم الله يفظهم ماتعودوا عالثقافة .. قعداتهم يا خز يا حش يا تطنز يا نت يا مسجات
اتيين أنتي وتشذين عن القاعدة مايصير
.
ياحليل لندن والله بالشوارع واهم ماشي بيدهم كتب ريولهم حافظة الطريج!!! موقادرين يصبرون لين يستقرون على كرسي
.

أبشرج سكان الفضاء محتلين الأرض هاليومين .. سيري واحنا وراج

 

[#LuLy#]

حجيه انا اوخيتج .. حدي من الفضاء خو انتي عارفتني بالثانوي قبل كله قصصي بالجنطه بدال لا احط الكتب الرئيسيه خخخخخ
و بالجامعه وربي احس اني بوكيمون ..

لدرجه ان يتني جم بنت وتقولي امبيه ابنيه اشلون تقرين كتاب عربي ؟؟؟؟

بغيت اصكها كف اسنعها خخخخخخ

 

[PO PO22]

انا في المدرسه كان علينا احتياط فكنت يايبه معاي كتاب عشان مابي انشغل بتفاهات سوالف البنات اللي كلها حش ومااستفيد منها شي تخيلو البنات عادي عندهم شافوني منو اللي استغرب مني المدرسه امبيييييييه لما شفتها شلون امبطله حلجها واتطالع فيني انا مومسويه جريمه ترى ههههههههههههههههه
والحمدلله ع هالنعمه
ومشكووره ع الموضوع

 

[rawona]

انا في المدرسه كان علينا احتياط فكنت يايبه معاي كتاب عشان مابي انشغل بتفاهات سوالف البنات اللي كلها حش ومااستفيد منها شي تخيلو البنات عادي عندهم شافوني منو اللي استغرب مني المدرسه امبيييييييه لما شفتها شلون امبطله حلجها واتطالع فيني انا مومسويه جريمه ترى ههههههههههههههههه
والحمدلله ع هالنعمه
ومشكووره ع الموضوع

لوووووووووول


انا اشكثر اسويها بعد قبل طبعا ايام الدراسه وبالجامعه ساعات الدكاتره حدهم مليقين وماعندهم سالفه اكشت بمحاضراتهم واقعد اقرا


وهم لما اروح اسوي مساج << رايحه استرخاء المفروض ذهني وجسدي الاخت ماخذه كتابها معاها هههه


وحتى اذا بصالون والا شي لازم كتابي معاي وانا مثل جوجو والله ماعمري انتبت حق النظرات الا لما رحت مره عيادة دكتور ريلي بيسوي عملية ليزك وانا انطره بره قاعده اقرا احس صار هدوووووووووووووء مو طبيعي رفعت راسي والا الحريم قاعدين يخزوني لوووووووول


​

 

[m!ss Cute]

ههههههههههههههههههه روونه ساعات في حريم مو صاحين !!
الحمدالله على سلامه ريلج

انا اكثر شي احب اقرا لما اكون مسافرة تقريبا كل سفراتي دول اوربيه عكسنا تماما بعد يمكن يخزون اللي مو ماسك كتاب هههههههههههههههههههههههه لا بس تحسين انج طبيعية لما امسك كتاب هني احس ان الكل يخز وانا من النوع اللي اهتم براي الناس وهذا من سلبياتي بس اتضايق من نظرات الناس

بس في ناس تخز يمكن تبي تعرف شنو تقرين يمكن يحبون يقرون وودهم يشوفون وفي ناس لا جذي لقافة

مشكورة على الموضوع الحلو حبيبتي

 

[منيرة خالد]

لوووووووووووووووووول

أنا بالبيت الكتاب ما يطيح من ايدي واذا طلعت ما اخذ معاي كتاب مالي خلق احد يخز فيني وبلاغة شف إلا يشوفون الكتاب اللي بيدج ليش تقرينة ................... مره بالمطار شريت كتاب وقلت بقراه لي موعد الطياره ............. ما قعد احد ما طل بوجهي اخر شي زوجي قال صكري الكتاب علشان محد يحس بوجودنا صاج .....................ودي اصير مثل الانجليز اقرى بكل مكان ههههههههههه

 

[Gothygeekah]

لووول وانا بعد يايه من الفضاء ...... يس المشكله اكبر لما تكونين تقرين انقليزي ... امبيه جني قاعده اقر عبري وانا مادري!