منو مثلي قرب العيد وهيا مو مبسوطة ولاتحس بطعم الفرحة...

[ايام وردية]

لا تيأسين من رحمة ربج

ربج كريم يبدل الحال

حبيبتي

عيشي حياتك واستانسي الحمدلله إنت بصحة وعافية وربي رازقج بزوج يستاهلج إن شاءالله

محد مثلي تغربل من زواجات وطلاق وكلام ناس ونظرة شفقة

لكن عمري ما يأست من رحمة ربي وكنت واثقة إن ربي بيرزقني

وتزوجت الثالث وسويت علاجات الدنيا وماجابت نتيجة

وحمدت ربي والحمدلله رزقني ربي بوليد يهبل وأنا مادري والله ولا حسبت له

عطية من ربي والحمدلله رب العالمين
مابعد الضيق إلا الفرج ياقلبي

لاتكدرين روحج

وربي بجيتيني

ياعمري الحمدللة ربي عوضك خير عسا ربي يفرحك فية طول العمر ويرزق باخوان له

ربي كريم ان شاءاللة بيرزقنا

ربي يسمع منك ان شاءاللة تفرج قريب

 

[أمونـه الحمادي]

حبيبتي الله يسلمج المشكله في زوجي عنده عيب خلقي ماعنده القنوات اللي توصل الحيوانات المنويه
وانا الحمدلله مافيني شي علشان جذي سويت العمليه .. الحمدلله على كل حال ..

 

[منال66]

بنااااااات ليش ما تسوون اطفال انابيب

 

[رماد وظل]

توكلي على الله وخلي ثقتك فيه كبيره وربي ماينسى أحد ..

حبيبتي اصبري .. " إنما يوفى الصابرون أجرهم بغير حساب "

ربي يرزقني ويرزقك يارب بالذريه الصالحه المعافاة ..

 

[زين ودلال]

حبيبتي ان شاء الله يااااااااااااااااااااارب يا كريم مثل ما فرحني بحمالي يفرحج ويفرح كل محرومه بالذريه الصالحه يااااااااااااااااااااااااااااااااااااارب عاجلا غير اجلا يا كريم

 

[ايام وردية]

ياقلبي بنات عسا ربي يفرح قلب كل وحدة دعت لي ودعت لغيري

الا على فكرة


الانابيب هو نفسة الحقن المجهري ومنو افضل

 

[جنون الهوى]

( ان الله مع الصابرين )

حاولي انتي تذكرينه وتحمسينه للعلاج يمكن اهو حاس بفقدان الامل
>>ونصيحه اذا يدخن خليه يترك الدخاان

​

والله يرزقك ويرزق كل محرومه بالذرية الصالحه​

 

[كـلـي أمـل]

يـــــــــآقلبي ترا كل تـأخيرهـ فيها خيـرهـ
وعسى الله يفرحني ويفرحج ويفرح كل محرومه عاجلا غير آجلا ياااااربي ياحبيبي

 

[محلى منطوقي]

الحمدالله على كل حال الله راح يرزقناااااااااااا كلــــــنا ان شاء الله وهذا ابتلاء وربي يبينا نتقررررررب منه اكثر
يارحيم يا رحيم يارحيم يارحيم ارزقها وارزقني وكل متاخره بالحمل يارب

 

[طيبة الطيبات]

اولا احب أقولك من خلال تجاربي اذا تبين السعاده أبحثي عنها فهي لن تبحث عنك وهذي حطيتها قاعده أساسيه بحياتي وهذي عيد ربي مايجوز انك تبكين او تضايقين اضغطي علي نفسك مايخالف كلنا مرينا بهاالامور والله يعينا ومن ناحية زوجك لاترتكبين نفس اللى الغلط اللى سويته كان الضعف شديد من زوجي وكنت اسوي العمليات لين صار هو صفر وانا خلص انتاج البويضات وآخر عمليتين شديت عليه وشلت اغراضي قلت خلاص راح اروح لاهلي قال خلاص وبدا يعالج بس عقب شنو واختي استانسي بالعيد وطنشي كلام الناس بس بعد العيد لازم تاخذين موقف وتصيرين جديه شوفي الرجال مايهمه يروح ويجي بس المره قاعده بالبيت وهي اللى تحس واعذريني على الاطاله

 

[ايام وردية]

جزاكم الله خير بنات

 

[هيراس]

احنا في شهر كريم وايام فضيله العشر الاواخر ادعي ربك ومن دعاه ماخاب
واحمدي ربك ع النعمه اللي انتي فيها انتي احسن من غيرك تاكلين وتشربين
والحمد الله مافيك اي امراض ولا اعاقه وهذي اكبر نعمه صحيح تجيك افكار
وتبين اطفال بس هذا الشي بيد رب العالمين اصبري والله راح يعوضك خير
لاتشتكين لاحد ولاتتذمرين (الشكوي لغير الله مذله)ومثل ماقالوا لك خيره
في وحده اعرفه ظلت 4او5 سنين ماحملت والله كتب لها تحمل وولدته وظلت
شهرين طلعت من النفاس ومات ولدها بدون اي سبب ولاجابته بعمليه
شوفي شلون تعذبت وفي النهايه مات احمدي ربك واشكري (ولان شكرتم لازيدنكم)
(واذا سئلك عبادي عني فاني قريب اجيبو دعودت الداعي اذا دعان فليستجيبوا لي وليؤمنوا )
(وقلت استغفروا ربكم يرسل السماء عليكم مدرارا ويمددكم باموال وبنين)

 

[هيبة ملك]

هاااا

شلون النفسية ألحين؟؟؟

 

[LeeMa q8]

آنا توني سويت مأساه وبجي ودموع تدرين ليش

بس كنت قاعده مع زوجي وهو يلعب بفونه وانا زهقت من كثر ما افر بالتي في فجآه سمعت بجي ولد حماتي طرآ ببالي لو عندي بيبي اللحين جآن انا لاهيه في ومستانسه فيه وابوه مجابلني ومجابله مو جنه القنفه قاعد سايلنت وجوده مثل عدمه

تمنيت اشتري له بدله وجوتي وكبوس وشباصات لو بنت

تمنيت البس واشتري عطر وارتبه اول ايام العيد تمنيت اليوم اسبحه عشان باجر العيد

بس الله كريم ماينسانا ان شاءالله

 

[هيبة ملك]

آنا توني سويت مأساه وبجي ودموع تدرين ليش

بس كنت قاعده مع زوجي وهو يلعب بفونه وانا زهقت من كثر ما افر بالتي في فجآه سمعت بجي ولد حماتي طرآ ببالي لو عندي بيبي اللحين جآن انا لاهيه في ومستانسه فيه وابوه مجابلني ومجابله مو جنه القنفه قاعد سايلنت وجوده مثل عدمه

تمنيت اشتري له بدله وجوتي وكبوس وشباصات لو بنت

تمنيت البس واشتري عطر وارتبه اول ايام العيد تمنيت اليوم اسبحه عشان باجر العيد

بس الله كريم ماينسانا ان شاءالله

تعوذي من ابليس قلبي

 

[boliana_q8]

امممممممممممم
انزين ممكن تتخيلين معاي شوي
تخيلي ان انتي الي فيج المرض هذا وانتي فيج ضعف
قوليلي شنو راح يكون احساسج وانتي تجسين ان زوجك يبي عيال الحين ومايبي يصبر
ويمكن قاعد يدور عليج حرمة ثانية
شنو راح يكون شعورج
لو قالج حبيبتي اهم شي ان احنا مع بعض
وانا راح اصبر معاج العمر كله
ويا ابي الضنا منج ولا ما ابيه من غيرج

شفتي الفرق؟

 

[ايام وردية]

فديتكم بنات ربي يرزقنا

مالومك ياللي تحسين بالوحدة هم انا بعدك ربي يصبرنا

 

[ثنايا الورد]

ايام ورديه حالج مثل حالي بالضبط بس انا راح اصبرعلى زوجي او بمعنى اصح راح اصبر معاه واشجعه
لاني لو الف الدنيا ماراح القى مثله فديته واليهال زينة الحياة الدنيا صحيح لكن لازم من الصبر
دام اسباب النجاح والتوفيق متوفرة اهم شي مانيأس ونمكن وساوس الشيطان من انفسنا وتفكيرنا
ويصور لنا ان حياتنا مالها معنى بدون يهال وعجبتني وحدة من البنات اللي قالت ياما ناس عندها يهال
ولا هي مرتاحة وسبب شقاها وتعاستها اعيالها وطبعا انا اتمنى لي ولكم الذرية الصالحه البارة اللي تسعدنا ماتشقينا
نبي ربي يعطينا على قد نيتنا وعلى طول صبرنا واملنا وثقتنا برب العالمين راح يعطينا
خواتي ربي يسعدكم بطاعته وباليهال ومن غير يهال اهم شي الرضا والقناعه
وعساكم من عوادة​

 

[حساويه1406]

شلونكم خواتنا الكويتيات شوفو الرجل مايتعوض وعليكم بالادعيةوالله يرزقكم
تدرون انا وانا اجهزللعيد كلماشفت شي يخص الجاهلا اقول هذا ان شالله لجات بنتى بشتري لها هالثوب وشفت صندل اطفال جنيت عليه وشفت وشفت وشفت بسلجيتمن السوق اقعد من الغيبوبةالى انا فيها
انا خاطري ببنتين يشبهوني حيل شعرهم اصفر وطويل ومكربج اسميهم زينب وزهراء أعلمهم كل شي زين اعلمهم الاخلاق الزينه اعلمهم شلون يحترمون ابوهم ويحترموني اعلمهم يلبسون الحجاب اعلمهم الصلاة اعلمهم واعلمهم واعلمهم ننزل انا وابوهم لاقاربنا بالعيد لجدهم وجدتهم يعيدون ابهم وكل هذي احلام بس عندى احساس كبير انها بتتحقق شني اشوفها يمي
سمعت عن الحجامةوفائدتها قريت عنها كثير وبجربها لمدة سنه وانا شالله تجيب نتيجه
قريت هنا عن فيتامين e ببداء اخذه هاليومين وان شالله الله كريم

 

[ايام وردية]

ثنايا الورد صدقتي والله حرام اظلمة طيب وحنون واذا انا عصبت علية هو ببلعها ومايزعلني بس التفكير ذابحني


حساوية فديتك يارب تجيبن بنتين وتسمينهم زينب وزهراء موعلى الله شي كبير