انا بقول لكم شغلة
طبعا الكلام للجميع
مو دايما الانقطاع يولد الشوق لدى الزوج
بمعنى الفكر الغالب
من تثقل الوحدة بالحمال
يابتروح بيت اهلها وحتى الصبغات وقصات ماتسوي
على اساس نيو لوك
ماراح اروح الصالون بنطر اولد علشان اصبغ
بنطر اولد علشان اشتري
بنطر اولد علشان اتسبح
وبالنفاس بعد مو لازم الانقطاع الكلي التام
يعني ممكن تصير شغلات كثيرة
الزبدة خاصة مع الزوج اللي مايعرف طريق الحرام ولا يحبه
ساعديه على العفاف حتى بالحمال والنفاس
لأن كثرة الانقطاع عن بعض
تولد الجفا والزوج يتعود على جذي
وفي عوامل ثانية
مثل البيبي الجديد والاحساس بالمسؤولية
انت اللي عليج حاولي تعدلين نومة البيبي
بحيث تكون نومته الطويلة نفس حزة نومج انت وزوجج
شي حلو ومفيد نومتكم تكون بنفس الحزة
يبيلها وقت بس الوحدة تتحمل
انت افتحي مواضيع وسولفي وفرفشي
لا تصيرين نكدية وانته متغير وانته اشفيك
سولفيله عن البيبي
لما سبحتيه
وعن مواقف حلوة
ان شاء الله مع الوقت بيرد طبيعي
