منو مثلي ؟؟؟

[يا حلاة العافية]

شلونكم بنات؟

انا وحدة اعاني من موضوع صارله معاي الحين سنة .


الموضوع . اني انا اخاف من الموت وافكر فيه 24 ساعة ما يروح عن بالي بقعدتي بقومتي . لما انام ناطرة الموت بكل لحظة .

ادري الاعمار بيد الله وما حد مخلد بالدنيا هذي . بس مسألة انك تارك هالمسألة على الله شىء وانك تفكر فيها دايما شىء ثاني؟ قصدي عذاب مو طبيعي .

تخيلوا اني وصلت لمرحلة اني ما ابي اطلع وما ابي اروح لاي مكان . واقول بنفسي شحقة؟ انا راح اموت ويني ووين الوناسة . اطالع عيالي واتخيل حياتهم من دوني . اطالع بيتي واقول شحقه ازينه راح يصير لغيري! هذي بعض الافكار اللي تطري ببالي . في اليوم مية مرة . بالمدرسة . ( انا مدرسة ) محبوبة ولله الحمد من الطالبات . فأقول بيني وبين نفسي اكيد راح يفقدوني اذا مت . اكيد راح يقولون تأبين بالاذاعة شراح يكون موقف الطالبات . عشان جذي ما احب احد منهم يتعلق فيني.
اكيد تعرفون اني حولت حياةزوجي لجحيم من هالسالفة. ما أدري شسوي .؟ رحت الحداد وارتحت فترة عنده. بس شهر تقريبا وردت الحالة مرة ثانية كآبة موووووووووووو طبيعية. فكرت بالطب النفسي بس خايفة انه اذا رحت لهم تزيد الحالة أو يطلعون شغلات ثانية مني؟؟؟؟

ساااااااااااااااااااااااااااااااااااااااااااااااااااااعدوني واحتسبوا الاجر . شاركوني تجاربكم . او اذا سامعين بأحد نفس حالتي ؟

يا ليت تفيدوني ومشكوووووووووووورين مقدما

 

[Eng.shosha]

وايد سمعت ناس بنفس حالتج ..
الله يعينج والله

 

[منورة الكويتية]

الله يشافيج ويرفع عنج
ارقي نفسج بنفسج وبيتج وعيالج
وتعوذي من ابليس
وفكري بايجابية اكثر

 

[وردة غلا]

زين الواحد يفكرفي الموت بس عاد على طول صعبه
وانتي الحين عندج عيال وزوج بلعكس خلي تفكيرج بشي حلو
وقولي ان شاءالله اشوف عيالي وهم معاريس ترى هذه بليس يوسوس لج
انا اول قبل ماتزوج كنت نفسج كأني خبله بس يجي الليل اخاف احس ابكئاب
وخاف اموت في الليل وتخيل القبر ووشلون بيصرالحالي في القبر
ولا بعد قبل مانام عيال خواني صغارايلس ابوسهم اقول في نفسي يمكن اموت
والله تعبت بس ماقولج مو على طول بس في الليل الي تييني الحاله والحين الحمدالله
مافكروايد...واسفه على الاطاله ياختي والله يشافيج ويخليج

 

[صوت الكويت]

إذا وصل الموضوع للمشايخ ، وأنج مو قادره تسيطرين على أفكارج
شغلي على طول القرآن في بيتج لأن هالأفكار ما تجي الا من الوسواس الخناس
أطرديه من بيتج ومن جسمج وخلي القرآن والأذكار درع يحميج ، لأن إذا ما ساعدتي
نفسج ما أحد راح يقدر يساعدج ، ترى الشيطان ما يتسلط إلا على الإنسان الضعيف

وتذكري بينج وبين نفسج شنو اللي يخلي الشيطان يغلبها على طبعج ، يمكن وانت صغيره
مريتي بضرف موت إنسان عزيز عليج وما أستوعبها عقلج وتكيفتي مع الوضع ، أو إحتمال
خايفه من ذنب وانت صغيره وبالتالي خايفه من عقاب الله وسكرات الموت.....!

هدي نفسج وقولي الموت علينا حق ، كلنا بهالطريج مافي أحد ياخذ أكثر من اللي مقدر له
سواء طلعتي من البيت ولا ما طلعتي إذا هو مكتوب راح يجي لنا ولا يطق الباااااااااب

راح أقولج على سالفه مرت على سيدنا سليمان دخل عليه ضيف غريب وقعد يمه وكان مجتمع
مع ضيوفه ، وبعد ما طلع الضيف القريب سأله أحد الضيوف منو هذا الضيف الغريب شكله يخرع
وكان ينظرلي طول الوقت نظره مرعبه وغريبه ، قاله هذا ملك الموت ، خاف الرجل وقاله تكفى
أبيك تنفيني لآخر جزيره على الأرض (الهند )وبسرعه ( معروف عن سيدنا سليمان أنه يسخر الجن بكل شي )
ففعل ما قاله الضيف بعد ساعه رد هذا الضيف الغريب الى سيدنا سليمان وجلس جنبه قاله سيدنا سليمان
لما كنت تنظر الى ضيفي طول الوقت ، قال له ملك الموت كنت أنظر اليه وأنا مستغرب لقد كتب الله
أن يموت في جزيرة الهند بعد ساعه فوجدته جالس عندك ، قال وهل زهقت روحه قال نعم فقد مات ...!

الموت حق أخيتي ......أذكري الله..........ومادايم الا وجه سبحانه​

 

[Miss.6Mo7]

أنا كنت جذي وصدقيني أنا كنت أكثر منج لدرجه إني 3 او 4 الفير أبوي يوديني المستشفىآ من كثر البجي اللي ابجيه وآخر شي الدكتور يحلف ويقول البنت والله مافيها شي !! .. وطبعاً يتلي هالحاله من عقب وفآة يدتي الله يرحمهآ .. بس أقسم بالله العلي العظيم من قرىآ علي عمي فديت روحه أنا .. وأنا لي يومج هذا رديت طبيعيه الحمدلله .. فـ شوفي احد يقرىآ عليج وبترتاحين وتقربي أكثر من الله فديتج

 

[دلع روز]

يحتاجلج قرايه باستمرار
داومي عليها وارقي نفسج

 

[شوشو الشقيه]

يسلمو اختي ربي يهديج يا رب
اختي سمعيني الموت قضاء وقدر اذا ربي كاتب لج الموت لا احد يمسكه
لكن الانسان يعمل لباكر
والله في ناس يدخلون المستشفي يقولون لهم تراكم اقصي موعد لكم يمكن شهر
ولكن ربي يكتب لهم عمر طويل ويكبرون يعيشون حياه عاديه
بعد كم شهر باذن الرب يكونوا معافين تماما
شوفي رحمت الرب كيف حق عباده
في ناس سبحان الله تشوفينهم قدامك في كامل صحتهم ويكلمونك
انتي تروحي عنهم ساعه الا تسمعين خبر وفاتهم
الموت والحياه كلها باذن الرب

ثانيا اعملي الي يمليه عليج ضميرك اعلمي لدنيا واخرتك وخلي باقي على ربك
بصراحه استغرب انك معلمه في مدرسه
المفروض تكوني اكبروعي وايمان برب
بعد نقول المدرس اولا واخرا انسان كاي انسان اخر له مشاعر وله احاسيس
لازم يكون ايمانج بربك قوي
وانتي ليش خايفه من موت
في ناس يخافون من المرض فيصابون بخوف من الموت
او انهم فيهم مرض معين متاكدين انهم راح يتوفون
ما دام انتي انسان مصليه وتخافين ربك خلاص خلي الباقي على ربك
وعيشي حياتك عاديه كاي انسانه
لان مجرد تفكير انك راح تموتي يعرقل سعادتك
وسعادة غيرك
تخلقين لنفسك جو من الحزن وكابه
خلي ايمانك بربك كبير
شوفي الانسا ن المعاقين في مستشفيات وغيرهااااااااااااااااااااااااااا
والله العظيم تبكي العيون لما تشوفيهم لكن على مرضهم وحالتهم تشوفين الابتسامه على وجهم
ليش مكدره نفسك ومكدره الي يعيشون معاكي
عيشي حياتك والله الدنيا حلوه
اذا شفتيها حلوه والدنيا قبيحه اذا شفتيها بنظره قبح
بصراحه حتى انا يوم قريت موضوعك صرت حزينه ههههههههههههههههههههههههههههههههه
كدرتي خاطري بصراحه
من اختج شوشو
والدنيا حلوه بس انتي اصنعي دنياكي بنفسج
خليها حلوه بعينك
واجعلي غيرك يحس بحلاوتها من تصرفاتك وجمال روحك
بصراحه انصحك تاخذين دوره مكثفه في الايمان بالرب والقضاء والقدر

لا تروحين حق مجانين= دكاتره النفسين هذلين تراهم بروحهم مجانين بجننونك اكثر ههههههههههههه

والله ما في احسن من علاج القراءن وتروحين حق شيخ يقراء عليكي
تدخلين دوره مكثفه بتقويه الايمان بالرب والقضاء والقدر
تره مو عيب الانسان يتعالج او انه يروح يتعلم شيء بالدين الاسلامي حتى لو كان هذه الشيء يعرفه
متمكن فيه
عجل ليش الطبيب لما يمرض يروح حق طبيب اخر ليشخصه
هذا الطبيب يعرف كل شيء عن المرض
لكن الانسان ساعات يحتاج احد يساعده او يشخص مرضه انسان اخر
من اختج شوشو الشقيه

 

[بنت عطا]

انتي نفسي صار معاي هالشي من سنين بس زاد الفتره الاخيره

كله افكر شلووون حال عيالي بدوووووني بكل لحظه احس بموووووووت واني مختنقه ويزيد علي الشي اذا كنت طالعه والا بالدوام والا عندي ناس احس الدنيا اتسود بعيني خلاص....
كرهت الجمعات والطلعات

اما اذا كنت بروحي تخف بس اوسوس حيل بعيالي وافكر فيهم وزوجي حيل افكر بحياتهم بدوني

بس انا اقوووولج انا اذا التزمت بالذكر والقرأن متواصل .....تختفي الحاله وماتجيني الا نادرا

بوقت الدوره واذا انشغلت بدراسه والا شي تزيد علي

 

[viva la glam]

تعوذي من ابليس واقري قرآن وهذي الدنيا كلنا رايحين ويالله حسن الخاتمه ..

 

[الاسطورية]

انا مثلج ويتلي فتره ماشوف في الدنيا شي حلوووووبسبب تفكيري هذا والحين انا احسن من اول ماقول تخلصت منه بس عالاقل مو24 ساعه تييني فترات افكر جذي
لدرجه لاياني خبر حلو حيل رفجتي تفرح اكثر مني وانا جني معطيني طراق موخبر حلو اقول شالفايده دنيا مؤقته دنيا قصيره كل شي مؤقت وكله له نهايه

بس صدقيني الحل اهو قوه الايمان خلاص الي ايمانه قوي يتقبل اي شي وباي وقت واهو يضحك قوي ايمانج بالله عيشي حياتج اذا كنتي قريبه من ربج ماراح تخافين من الموت وطاريه لانج مومقصره

حاولي تتعوين من ابليس دايما

انصحج بدورات الطاقه وايد وايد تغير التفكير وغيرت حياه ناس وايد وايد للاحسن تعلمج شلون تتخلصين من افكارج وتبدلينها بافكار احسن


الحمدالله انتي مافيج شي انا ياني هالتفكير بسبب مرض القولون العصبي الي غير حياتي استانسي وونسي عمرج وعيشي ايامج وايل يصير يصير تقبلي كل شي من الله حياه الله وقولي الحمدالله لاتشغلين نفسج بباجر وعيشي الحاظر

 

[faith1]

الله يشافيك ياقلبي

 

[الحنونهـ]

حبيبيتي الله يصبرك ويشفيك ويخليك للعيالك وزوجك...انا جتني الحاله بعد ما ولدت بنتي بس الحمدالله كنت اتعوذ من ابليس ...
واقول: لأنفسي انا استودعت عيالي وزوجي لله سبحانه وتعالى والله بيحفظهم من كل مكروه.....وانتي حاولي تلهين نفسك بقراءة القران او شغليه بسياره او بالبيت ... وطلعي عيالك ونيسهم....واذا فكرت بالموت قولي:" لنفسك الموت حق " وتعوذي من ابليس...

 

[نورهـ]

هذا يسمونه قل ايمان حافظي على صلااتج وعليج بالدعاء واذكار الصباح والمساء والموت حق لاامفر منه شي طبيعي وصدقيني اذا حطيتي في بالج ان فيه حياه عقب الموت وحساب بالعكس ماراح تخافين يمكن تستانسين بعد لاانج بتاخذين اجر اعمالج الخيره انشالله وحاولي تشغلين نفسج ولااتقعدين فاضيه واذا صار وقت فراغ قضيه بالصلااه والدعاء والله ينور دربج يارب