منو متأذي من المجلس الطبي مثلي؟؟

[Ashjaan]

انتي قلتيها طيحها بدكتور مو دكتوره ، المشكله بالحريم مادري ليش كل شي بالنسبالهم عادي

 

[MzMzq8]

سوي تقرير طبي يوضح حالتج من اي دكتور خاص

وارفقيه باوراق اللجنه واشرحي حالتج وان شالله يوافقون

بس اهم شي صحتج اخذي طبيات

 

[محتاره بدنيتي]

حبوبه انا لمن رحت عطوني موعد بعد اسبوعين ولمن دخلت على الدكتوره عطتني اسبوعين كانت دكتوره هندية وغثيثه تنرفزت وانا اصلا كنت امسويه حادث وحوضي مكسور وبالحمل اصلا كل شي يتفاقم عندي مو عوار بالحوض وبالظهر وينزل على ريولي وبعدها رحت عطوني بعد اسبوع يعني خذيت إجازه من المستشفى وبعدها دخلت على دكتور ثاني مصري حسيته زين عطاني بس شهر ااااااااه بس الحمدلله على كل حال وانا الحين داشه الثامن يعطون اللي مافيهم شي لين الولاده احنا يعطونا بالاسبوعين وباليالله شهر

 

[بنك شوقر]

نبي نعرف شلون طريقه المجلس الطبي لاني مداوم كله طبيات بالحمل وفوق هذا خصم فياليت احد يعلمنا شلون ألطريقه بالضبط

 

[zargona99]

شلون طريقه المجلس الطبي انا مدرسه وقريب ادش الثامن واذا ما وافقو على المجلس شلون يخصمون من معاشي؟؟

 

[cute00]

اول مره اسمع ان المجلس الطبي جذي صعب. عاد كل اللي اعرف. ماخذين مجلس طبي ولا مره اشتكوو ولا مره سمعت ان صعب الموافقه عليه وللاامانه كلهم ياخذونه ومافيهم الا العافيه المفروض المجلس الطبي للي تستحق وبس

 

[Melazlaza]

ااااااه بس ااه ذكرتيني
ارجع لموضوعج بالقريب العاجل

 

[Melazlaza]

باك

شوفي حبيبتي مو بس المجلس الطبي كل مكاااان بديرتنا واااسطة
وانا كنت اقول واسطتي ربي وادعي ان يعطوني لان وضعي الطبي حزتها خطر ودوامي هلاك بس ولا جنه جدامهم تقارير طبية ملف متروس تقارير مايعطوني حتى يوم واحد راحة!!
لا وبعد دكتور مصري مرة شقاللي لج شهرين اجازة من هالتاريخ طبعاً فرحت وقعدت بالبيت رحت استلم النتيجة والا ولااااااااا يوم واحد!!
وخصومات وحالتي حالة
اخرتها قلت خيولون مالنا الا المستشفيات الخلصة اخذي الاجازة بفلوسج وقزريها مرات مستوصف
والله ان دكاترة المستوصفات ارحم من المجلس الطبي

الزبدة انتي حامل ومو زينلج تتعب نفسيتج خيولوووون
بيخصمون خل يخصمووون منتي واقفة عليهم كلش ولا راحتج
كافي شعور المذلة وانتي واقفة عندهم واهما يطالعونج من ورا نظاراتهم جنه نطر منهم مو حق من حقوقنا
لو النظام ماشي عالكل مااااافيها زعل
بس الصاحية يعطونها بالاشهر وتروح تسافر وتهيص
والتعبانة يخلونها تكرف ليش ماعندها واسطة!!

 

[nunu_q8]

أنا الحمد له الله سخر لي الدكاترة إللي باللجنة وعطوني إجازة لأن صارت لي مشاكل خلال الحمل.

بس حبيت أقول للي تسأل عن المرضيات
طلبي من دوامج إنهم يعطونج كتاب علشان يحولون مرضياتج للمجلس الطبي
ودي الكتاب المجلس وراح يدخلونه اللجنة وإن شاء الله ماراح تنحسب عليج وراح يردون لج الخصم
​

 

[Ashjaan]

اليوم رحت المجلس الطبي للمره الخامسه عشان استلم الكتاب للدوام والا مدخليني لجنه للمره السادسه للاجازات الطويله وعطوني كتاب للرازي عشان ادش لجنه فيها لانه دكتور الرازي بسلامته مو راضي يحضر و٣ مرات يعتذر وانا اليوم ماوصلت من لويتهم الا قمت اصبح من عوار ظهري حرام عليهم مو مجلس طبي هذا مجلس عذابي وغير الوقفه بالمجلس ومشي علي ريولي لاني سافطه بقلعه وادرين مايقولون ناس حمل وتعابه ومن رديت البيت وانا مو قادره اتحوك من لويه اليوم ادعواي الله يهونها علي واخلص عقب باجر ادش الثامن والله تعبت والله لو اقدر اداوم جان داومت ولا هالعذاب

 

[Ashjaan]

للرفع للرفع

 

[Ashjaan]

للرقع للرفع

 

[أم حمني المزيون]

؛ رحت اليوم الصباح كان موعدي للجنه الطبية بعد انتظار للموعد شهر ونص الى شهرين تقريباً وقبلها اجراءات الدوام ودخلت على دكاتره حريم كويتيات واسئله ونفس اللهم ياكافي ؛؛ ويقولون لي عادي امشي وتحركي !!! المشيمة نازله ومصنفه انها متقدمة وبينها وبين عنق الرحم 2 سم بس !! يقولون عادي امشي وطلعي موزين على نفسيتج ومو مهم الراحه والسدحه!!!تقولي تبين تييج جلطه بالريل والا الرئه !! خافي على نفسج اكثر من الجنين!!! انا اهنيه فجيت حلجي شهالحجي !!!!! للعلم عندي 4 اجهاضات سابقه وآخذ مثبتات وآخذ علاج ضغط 3 مرات باليوم ومورمه من الضغط وخشمي على طووول ينزف اذا ارتفع ضغطي ؛وطبعاً تقلصات اسفل البطن والظهر من حللت لي الحين المهم وااايد تضايقت منهم حسسوني ان مافيني الا العافيه ليش!! لان يايه بدون واسطه الزبدة عطوني بس 6 اسابيع !! مع ان دكتوري يقول بيعطونج لي الولاده لان حالتج تستحق كافي ال4 اجهاضات !!!وطبعاً ناس اعرفهم حمالهم عااادي وياخذون لي الولاده بس الواحد شيقول غير حسبنا الله ونعم الوكيل لأن واسطتي كانت رب العالمين فاللهم لك الحمد والشكر على كل حال

 

[وهــايب]

مع اللي قالت يبيلهم لسان يلعلع

 

[نووووف الكويت]

الله يعين عليهم انا ماقدمت ع المجلس الطبي ادري بتطلع روحي مايعطوني لان احنا من فئة الموظفين المغضوب عليهم
((الممرضين )) طبعا والله يستر ع هالشغل طول اليوم وزحمة المرضى حاسه ان حمالي ماراح يثبت بس الله يستر
حتى ع الطبيه يوم واحد يذلج الدكتور ويقولج انتم ممرضين ممنوعين من الطبيات !!!! ليش ياربي مو اوادم ؟

 

[أبكاني ذنبي]

انا راكضت بالمجلس الطبي مع واسطه بس بسرعه عطووني موعد عشان

ريلي يعرف مدير المستشفى وضبط كل اموورنا وزوجته استشاريه حمل وولاده وعطوني شهر

والله يعين الحين واجدد لان احس زوجته نفسها شينه بس ما علي منها ريلها يضغط عليها

احنا واسطه ومع هذا تعبت وعبااله والله يسهلها يذلووونا ذل على هالمجلس

 

[je t'adore]

الله يارب يسخر حق كل حامل تعبانة دكاترة زينين يحسون فيها

 

[Ashjaan]

عقب مالعلعت وطلعت الساني خذيت اجازه الي الوضع ، بس ساكته ويايبه تقارير ماينفع بس الحمدلله طلعت حقي منهم ويبت واسطه بعد ومشا الحال الحمدلله الفال لكم خواتي​

 

[ام فطوووم]

لازم واسطه والا انسي الموضوع

 

[معزوفه حنين]

الله يعين

والله ياخذ الواسطات