منو ماخذ عند د.ايمان بكر ؟ مدخل علم احياء و طبيعة ؟ تعالوا هني

[vanillaq8]

سلااااااام عليكم :eh_s(7):


بناات شرايكم بالدكتورة ؟


اي شي تعرفونه عنها كتبوه هني

و اكون شاكره لكم :*

لا تنشوني :eh_s(2):

 

[آخـر إْلـعنقود]

وعليكم السلام

آب لـعنونج

وان شاء الله ما ينشـونج

 

[vanillaq8]

ان شاء الله :$

ثانكيوو اخر العنقووود :*

 

[vanillaq8]

ابـــــــــــ

بنات هيلب مي

 

[sweet-angela]

الدكتورة خووووش وحدة تفهمج المقرر عدل انا توني مخلصة من مادة مدخل الى علم الطبيعة و على فكرة كنا احنا اول شعبة تدرس الكتاب اليديد من هذا المقرر,, لاسوولهم كتاب يديد بريطاني مترجم عربي و حتى الكتاب حلو و يشوق للدراسة,,بس طبعا يبيلج تدرسين عدل و اتابعين معاها اول بأول و اهي كل اسبوع تعطي كويزات و هالشي ووااايد فادنه و بعض الاحيان الكويز تقدرين تحتفظين فيه عشان تعرفين اخطائج,, و ترى تحاسب عالغيابات.. و بس..

 

[vanillaq8]

يعطيييييييييييييج العافية ما قصرتي حبووووبة :*

و الله يوفقج يااااااا رب (f)

 

[sweet-angela]

الله يسلمج حبيبتي,,,عاد بغيت اسألج انا كتبت موضوع عن الدكتورة فدوى صالح ابوسيدو اهي بقسم البيولوجيا ابي اعرف اذا اهي زينة ولا لأ؟ لأن ابي اخذ عندها مادة بيولوجيا انسان و كتبت هالموضوع بهالقسم و قسم طالبات كويتيات بس للأسف محد رد علي!!!!!!
فا انا محتاجة هالمساعدة كون اني محتاجة مواد زيادة و ابي ارفع معدلي لأن حالتي وووااايد متدهورة!!!

 

[vanillaq8]

اي اعرفها فدوى بو سيدو بس ما اخذت عندها لي الحين بس رفيجاتي نصحوني فيها

و هذا التقييم مالها




التقييم ملاحظات الطلبة
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: بيلوجيا إنسان التاريخ: 2010-08-14
الطالب: Al-Qahtani رقم التقييم: 21575
دكتورة فدوى تتميز بعدة مميزات تميزها عن أي دكتور في القسم العلمي .. وهي على النحو التالي :

1- الشرح :

- تعطي المادة حقها وزيادة + تشرح معلومات خارجية أحياناً لكي تفيد الطالب.

2- الامتحانات :

تعطيا الدكتورة ثلاث امتحانات : الاول والثاني عليهم 25 درجة لكل منهما .. والأسئلة موضوعية + تعطي الدكتورة ما بين 3 إلى 4 درجات بونص .. والامتحان عبارة عن 50 سؤال ولكل سؤال نصف درجة فوقهم أسئلة البونص.

والامتحان الاخير عبارة عن 45 درجة ونفس النظام السابق.

والامتحانات ليست تراكمية .. فلكل امتحان كميته الخاصة.

3- الغياب :

الغياب عليه 5 درجات .. وعادي أن يدخل الطالب بعد دخول الدكتورة .. والغياب لا يقبل من قبل الدكتورة إذا الطالب ( مصخهاااا ) !!


يعطيها الف عافيه دكتورة فدوى .. أسئلتها البونص، والمباشرة في الامتحان، وشرحها الوافي للمادة .. كلها عوامل ساعدت على تميزنا بالكلاس.


شكرا جزيلا دكتورة فدوى أبو سيدو

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: بيلوجيا الإنسان التاريخ: 2009-08-20
الطالب: amano رقم التقييم: 18646
الدكتورة فدوى من ارووووع الدكاترة إلي مروا علي .. تعطي من قلبها و تحاول تسهل علينا كثر ما تقدر ! المقرر صعب بس اهي تحاول كثر ما تقدر تسهل ! بكل إمتحان يمكن من 5 - 10 أسئلة بونس عشان تساعدنا و ترفعنا و تحط وااااااااااااااااااايد أسئلة بعدين تقسم الدرجات عشان بدال ما تصير الغلطة بدرجة تصير بربع مثلا ! و الفاينل كلنا ساعدتنا و رفعتنا ! امتحاناتها مو صعبه كلش بس شاااملة لكل شيء انتوا درسوا بتركيز و الباجي سهالات .. انتوا ساعدوا نفسكم و اهي حيل بتساعدكم .. أنصح فيها حيل و الله يعطيها العافيه

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: بيولوجيا 112 التاريخ: 2009-02-21
الطالب: جامعية رقم التقييم: 16824
الدكتووورة روعة ..

نظامها امتحانين سهليين .. وتاخذ حضووور وغياب بس تعذر

وتقسم الكمية .. الي يدش بالمتيرم ما يدش بالفاينل ..


رووووووووووعة الدكتورة ..

- النجوم:
- المستوى: سهل جدا
- الشرح: شرح ممتاز
- حصلت على: B
ننصح به
المـادة: بيولوجيا الانسان التاريخ: 2008-02-09
الطالب: ابتسامة رقم التقييم: 13215
دكتورة ممتازة جدا .. استفدنا منها واااااااااااااااايد لانها تعطي معلومات حلوووووة من برة المنهج للافاده بس ما تدش الاختبار .. و تكثر من الاسئله في الاختبار و هذا اللي افادنا واااااايد لان في الاخير ناخذ درجات ما كنا نتوقعها .. و الاسئله منوعه في الاختبار في السهل حيييل اللي بدون دراسه تقدر تحلها و في الاسئله الصعبه بعد ، و ما تطلب منكم في هالمقرر حفظ التعاريف لان الاختبار تقريبا موضوعي و اذا في اسئله مقاليه تكون مثل المقارنات ، يعني اهم شي الفهم ..


و باختصار انصحكم فيها
و المادة ترا اختياريه بس دسمة شوي اتوقع في مواد اسهل !


و تحياتي

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: بيولوجيا الإنسان التاريخ: 2008-01-29
الطالب: عاشقة الجنة رقم التقييم: 12994
الدكتورة وايد حبوبة و بالها طويل وتعلمج أشياء تستفيدين منها بحياتج..باختصار روعة

- النجوم:
- المستوى: صعب
- الشرح: شرح متوسط
- حصلت على: C
ننصح به
المـادة: بيولوجيا الإنسـان التاريخ: 2008-01-22
الطالب: SaMoOoRaH رقم التقييم: 12721
والله دكتوره حبوبه و زينه و تشرح من قلب ..,
و تحاول قد ماتقدر تفهنا ..,
بس المشكله إن المقرر صعب حده , و بالذات للأدبي
حييييل حييييل صعب ..,
و يبيله مجابل و دراسه..,

عندها مدتيرمين كل واحد عليه 25 درجه ((يصير على الاثنين 50 ))
و 5 حضور و غياب
وفاينال 45

أحسن شي انها تحط اسئله شكثر و بعدين تقسم ليما توصله لل 45 و امتحاناتها شامله كل شي بالمقرر..,

و عندها أسئلة بونس بالفاينال ..,

أنا خذيت C بس شديت حيلي شوي بلفاينال ..,


** شكراا دكتوره فدوى و يعطيج العافية..,

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: 103 التاريخ: 2006-08-31
الطالب: فرس الليل رقم التقييم: 6886
دكتورة ممتازة متفهمة وأسلوبها في الشرح رائع تحليه بمعلومات مفيده وصبورة وتتقبل الرأي بكل صدر رحب وتهتم بدرجات الطلبة وتحفز على المطالعة .. وتراعي الطلبة وتاخذ الغياب ..
دكتورة مميزة ومتفانية.

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: بيولوجيا الانسان التاريخ: 2006-06-22
الطالب: HM رقم التقييم: 5365
wayed zaina .. mo7tarama etfahem 3adel o men galb.. 7aresa 3ala el 7`6oor o mat7eb eta2`7eer.. 7abooba o ta36ee bonus bel final as2elat'ha mo sa3ba wala sahla wayed .. bs akeed ansa7 feeha

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: 103 التاريخ: 2005-12-19
الطالب: بدون رقم التقييم: 1668
ممتازة ..... تحط سؤال بونص بالفاينل لكن بدون كيرف واسئلتها تحتاج فهم. المختبر ماتطلب فيه pointer فيكون اسهل من غيره

قواها الله!
- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: 103 بيولوجي 3 التاريخ: 2005-12-13
الطالب: الطالب المثابر وبقوة رقم التقييم: 1529
ممتاااااااااااااااااااااااااااااااازة
ويعطيها العافية هذي الدكتورة
بس المقرر صعب نوعا ما

 

[vanillaq8]

وعلى فكره اذا تبين معدلج يرتع و يتعدل عيدي المواد اللي ماخذة فيهم f d c

و بيتعدل باذن الله


و اي سؤال لا يردج الا كيبوردج :*

 

[sweet-angela]

مشكوووورة يا قلبي ما قصرتي

 

[vanillaq8]

العفو حبووبة :*