منو كانت بمذركير السالميه عقب المغرب وشافت شصار؟؟؟؟

[q8y-moon]

انا ما اتوقع اهي مسوية شي بسيط
واتوقع عقوبتهم لها من جنس عملها

يمكن هي سببت لهم شغله خلتهم يحسون روحهم بفضيحة الله يستر علينا وعليهم

فتلاقون من حرتهم ما صدقوا شافوها سحبوها سحب
و اذا عالاتصال

احنا بالكويت بس نتحلطم رياجيلنا وحريمنا


بس وقت الفعل محد يتحرك

يعني اختهم ما رحموها بيرحمون الي بيتدخل

كلن يقول نفسي نفسي

الله يرحم حالها الا اذا كانت هي مجرمة بحق اهلها

نقول الله يستر عليها لأنه اتوقع بيصير فيها ذبح


وهذي مو همجية هذا دم حار ورياجيل ومسألة شرف :/
مو لعب و غشمرة

و في ناس يفجرون بيوت عشان الشرف

هذي الرجولة وان خالفني البعض الراي

ياختي انتي صاجه الرجوله ان الواحد يحامي عن شرفه بس وين الرجوله وانا اسحب اختي واطلع سيقانها وشعرها عند الي يسوا والي ما يسوا
وين الرجوله وانا جارها جنها خروف يعني انا قوي ما اقدر يمكن في ناس يعرفونهم والفضيحه تصير فضيحتين
صدقيني لو شخصيتهم قويه جان البنت انجعمت ومشت معاهم بهدوء
انا وحده من الناس لو اكون بقمه الغضب خزه وحده من ابوي جنج حاطه سجين برقبي

وفي احتمال بنات ثاني يمكن اهم حاولو ياخذونها بهدوء بس اي قامت تصارخ عشان الاس تفكها واضطرو اخوانها يسحبونها سحب

بصراحه مانقدر نحكم لان مانعرف السالفه
بس الله يستر علينا وعليهم

 

[هدولى]

مسكينه الله يرحم حالها هذا مو اسلوب تعامل مهما كان قطعتى قلبى .

 

[شغـــف]

اللهـ يستر عليهااااا ويهووون عليهااااا

دنيـــا تخــوف ...!

 

[جنين القمح]

بنات انتبهوا لايمكن الي اسحبوها اخوانه لان لو اخوانها جان خافت مشت معاهم بودون فضايح لكنالحين الخطف بها الطريقه اذا بغوا البنت طقوها واسحبوها علشان يوهمون الناس انهم اهلها محد يتعرض لهم يعني اهلها ويربونها بس البنت المسكينه تصيح وتصرخ محد يسمع لها لو في نشمى وقفهم لين تجي الشرطه على الاقل يعرفونانهم اهلها ولا مو اهلها لو كل مره يصير جذيه جان محد تجرا يتهجم على البنات والله اكثر البنات المظلومات وانا احساسي انها مخطوفه والله يفرجلها ويفرج لكل البنات المظلومات بس هم غلطة البنت الى تمشي اببروحها احترسوا يابنات من الشباب الي اذا حط باله وحه مايخليها عليكم بالدعاء والذكر عسا الله يحفظكم

 

[q8y-moon]

ذكرتيني قبل 7 سنين صارت سالفه دجدامي بالتجاري سبحان الله هالسوالف تنحفر بالذاكره
توني طالعه من التجاري الظهر ولا بنت لابسه تنوره قصيره ومعاها ثنتين بنات منقبات مو النقاب العادي لا الكااامل الي ما يبين شي كلي
ماسكين البنت ومودينها معاهم والبنت جنها سكرنه مو مستوعبه تقولهم مابي هدوني
وحده منهم اطقها لي راسها
يوم طلعو عند البوابه يوو ريايل 2 اسحبوهااهي لمن شافتهم جنها الي استوعبت وصحت قااامت تصيييييح وتقط نفسهاا بالقااع
وتبجي وتقوول ماعرفهم دقوو علي الشرطه
موخواني
والناس بس اتفرج
الا واحد راحلهم ركضضضضضض بس دزه واحده منهم ومادري شقاله جان يرفع ايده ويقول اسف اسف ويمشي
وكفخو البنت وراحوو فيها والله اعلم شصار فيها
ادري سالفتي مالها شغل بس طرت ععلي وصج ضاااااااااااق خلقي من هالبلاوي الي تصيير

 

[R i M]

رد : منو كانت بمذركير السالميه عقب المغرب وشافت شصار؟؟؟؟

مهما سوت لو شنو مايسسون جذي

احنا ماندري شمسويه بس مو جذي اشكرا جدام الناس
حرامم عليهم عذبووها جذي

وليش محد دق ع الشررطة المفروض يتحركون

الله يصبرها ويحفظها من كل شر يآآرب

 

[قطوة@@]

رد : منو كانت بمذركير السالميه عقب المغرب وشافت شصار؟؟؟؟

اااي الله يعينج على الموقف

و الله ماراح تنسينه

واااي الله يعين البنت جدام الناس سواا جذيه بالبيت شنو بسوون فيها !!!

 

[مهوسة بالزين]

رد : منو كانت بمذركير السالميه عقب المغرب وشافت شصار؟؟؟؟

الله يستر علينا وعليها

انا مره كنت بمجمع جان اسمع صراخ وحدة سحبينها شباب اثنين ويقولون اختنا تخيلوا شنو طلعت شفوها بالمجمع اعجبتهم وخذوها والله يابنات صديق اخوى بالشرطة يقول من صيحها شاكين طاردوا السيارة اخر شي قطوها من السيارة واهى تمشي انتبه هذه حركة جديدة للشباب والبنت ماقالت دقوا على الشرطة الا في شي بس للاسف الناس يتفرجون النخوة ضاعت

 

[đeɱɛɼɑ™]

ابيه شهالناس ؟!!
انزين انتي تقولين محد دق جان انتي رفعتي التلفون ودقيتي
ليييش جذي الاوادم صارت تخاف
بالله موووو اخوآنهآ !! بالله يبون يذبحوونهآ
حتى لو اختهم شنو الدنيآ ما فيها قانون وين عايشين بغابة !!
و شلون يخلون اختهم جذي تتكششف جدام الله وخلقه . !! هذي الغارية بنظرهم !!

اذكر قبل خمس سنين تقريبا صار جذي عالبحر
بس البنت كانت مع امها وخواتها الصغار و مرة عودة يمكن يدتها
الظاهر الام والابو مطلقيين والظاهر اهي طالعه مع امها بدون علم ابووها
واييييلها والله واهي ما تدري مسكينة كانت قاعده تلعب مع اختها الصغيرة بالرمل
ويعطييها ذااك الكف اللي صرخت صرخة ابييه عووورت قلبي
وايرهااااااااا جدااام العالم والناس انزين هذي واهي مع امها واختها لو مع واحد جان شسويت
حسبي يالله على جذي اواادم ما في قلوبهم رحمة ولا انسآنية

الله يكافي هالبنت شرهم ويحميهآ وينصرها عليهم

 

[درة أهل الطولات]

رد : منو كانت بمذركير السالميه عقب المغرب وشافت شصار؟؟؟؟

الله يستر عليهااااااااااااااااااااا

 

[عيش و مرق]

واااااااى مسكينه

زين جان دقيتى على الشرطه وبلغتى عادى مالج شغل بس شي شفتى وبلغتى عنه

 

[الدميـــرة]

رد : منو كانت بمذركير السالميه عقب المغرب وشافت شصار؟؟؟؟

استغفر الله
الدنيا مشاكل
و الله العالم بكل مافي الناس

 

[bdora]

واذا بليتوا فاستتروا<<<< وهذولا صلعوهاااا عدل
لاحول ولاقوة الا بالله

 

[الأميرة جوري]

رد : منو كانت بمذركير السالميه عقب المغرب وشافت شصار؟؟؟؟

امبييييييييييييييييه ماخافوا من التصوير والبلوتوث ينفضحون اكثررررررررررررر الرسول صلي الله عليه وسلم قال ((اذا ابتليتوا فاستتروا)),,,,,

 

[الأميرة جوري]

رد : منو كانت بمذركير السالميه عقب المغرب وشافت شصار؟؟؟؟

زززززززززززززين مادقيتي لان راح يسحبوووووووونج يا حلوه معاهم بقولون لج علاقه معاها ابعد عن الشر وغنيييييييلووووه

 

[Abrary]

رد : منو كانت بمذركير السالميه عقب المغرب وشافت شصار؟؟؟؟

الله يستر عليها وعلي اهلها ان شاء الله

 

[أسيرة_أحزاني]

رد : منو كانت بمذركير السالميه عقب المغرب وشافت شصار؟؟؟؟

لا حول ولا قوة الا بالله

حسبي الله ونعم الوكيل فيهم عسى الله لايسلم ضلع ببليسهم ويستر عليها بالدنيا والاخره اللهم آمين

 

[الأميرة جوري]

رد : منو كانت بمذركير السالميه عقب المغرب وشافت شصار؟؟؟؟

لو مو اخوانها جان قااااااااااالت وصررررررخت باعلى صوتها انهم مو اخوانها والكل بيووووووووقف معاها

 

[MyLittleBerry]

رد : منو كانت بمذركير السالميه عقب المغرب وشافت شصار؟؟؟؟

والله لو انا جان داقه علشرطه مانطرت

وصج البيوت اسرار

 

[وعد2006]

لاحول ولاقوه الا بالله