منو قطوتها فيها نفس الاعراض

[rosemary777]

شلونكم بنات


منو قطوتها فيها نفس الاعراض؟ وشنو الحل ؟


قطوتي تعاني من صعوبه بالتنفس واشوف بطنا يصعد وينزل ومرات تكحه جنها تبي ترجع بس ماترجع ولا حظت ريحة حلجها ونفسها مو شي مثل واحد مريض بلاعيمه شنو الحل الدكاتره ما يعرفون شي ماعندهم غير الابر والدوا

 

[ابي قطوة ميوووو]

الله العاالم والله يشفيها ان شااء الله
خيتو ترى عندنا بالمواضيع المثبتا عيادة بيطرية تسالين والدكتورة تجاوب

 

[Aboosah]

والله ماعرف شي الله يشفيهاا انشالله

 

[عود ومسك]

ايه الادويه والابر هي الشي المفيد
واخبر قبل من زمااااااان يعني صار بقطوة اختي جذي كانت غاصه بأكل فا اخاف غاص بعظم والا شي ويبي يرجع مو قادر؟

 

[سكارف.فوشي]

يمكن ديدان بس مو متأكده لازم تنفحص اعراض قطوتج غريبه نطري لوجين وسكر يمكن ماره عليهم هالحاله وماتشوف شر حبيبتي

 

[ســكــّر]

تقريبا كلام سكارف صح ممكن يكون ديدان لانه ريحه الفم الكريهه تدل على الديدان
بخصوص انها تحاول ترجع وصعوبه التنفس


انا اقول ممكن كلت ماده غريبه او شي غير مهضوم او لعقت شي سام

وياليت تفتحين حلجها وتشوفين في شي عالق ولالا


والله واعلم


بس لازم تذكرين لنا شنو تعطينها من الاكل !
وهل اول مره يصير فيها ولالا
وهل لاحظتي اعراض قبل عليها

 

[بــدويه]

حياتي ما تشوف شر والله ..

يمكن فيها مشكله بالتنفس مـآدري انا ماعرف هالحاله كلش البنات فيهم البركه ما يقصروون ..

لوجين إن شاءءالله عندها الحل .

 

[lojeeen]

ما تشوفون شر ان شاء الله ^^

الأعراض اللي قلتيها احتمال انها تعاني من الجير بأسنانها حاولي تفتحين حلجها و تطلين على لثتها لو ملتهبه و منبت الأسنان عليها طبقه صفره
أتذكر كان عندي قطوه فيها مثل هل حاله و لما وديتها الدهماء عند الدكتور جوزيف أخذ كماشه و قعد يفتت الجير من الأسنان الشغله كانت مريحه لقطوه حتى ما احتاجت مخدر

و لو تعاني من الديدان شوفي خروجها و انتي بالكرامه لو عباره عن اسهال ماي و ريحته كريهه معناها انها صج فيها دود

و لو في عضم مغروز في بلاعيمها بتشوفينها كلا تتغصص و تحرك إيدها على حلجها كأنها تبي تطلع شي من حلجها و تغمض حيل و ترجع للخلف تحاول ترجع

بس الأكيد انه لثتها ملتهبه من الجير شوفي اسنانها و قولي لنا اشصار معاج

 

[rosemary777]

مافيها اسهال


وصارلها على هالجاله يمكن اسبوع ريحه بحاجها تشبه ريحة البلاعيم وتبي ترجع وماتقدر

انا شاكه تكون ماكله عظم انا مرات اعطيها دياي من البيت ومرات البسكوت دراي فود

 

[ســكــّر]

اذا كانت تاكل العظام هذي مشكله وتسبب لها انسداد و تهتك فى جدار الامعاء

 

[a7la-86wa]

يمكن كره شعر!!
ريحه الحلج موجوده بكل القطاوى الا اذا انتي تفرشين اسنانها

 

[مــنـيره]

الله يشافيها انشالله
جسمي يحكني من طاري اي حيوان وانتو بكرامه
ماشاءالله عليكم

 

[3w!Shni]

ماتشوف شر ياقلبي

 

[rosemary777]

يمكن كره شعر!!
ريحه الحلج موجوده بكل القطاوى الا اذا انتي تفرشين اسنانها

لا مافيها ريحه قبل

 

[rosemary777]

اذا كانت تاكل العظام هذي مشكله وتسبب لها انسداد و تهتك فى جدار الامعاء

شدعوه لا تقولين جذيه شدعوه تهتك بجدار المعده انا امس شفت بطنها في شي مثل الكوره مادري عظم مادري تاكل شعرها وصار كوره ببطنها بس قبل اذا اكلت شعرها ترجعه بعد جم يوم !!

 

[rosemary777]

الله يشافيها انشالله
جسمي يحكني من طاري اي حيوان وانتو بكرامه
ماشاءالله عليكم

الظاهر داشه القسم بالغلط؟؟؟؟؟؟؟؟؟:jumpon::jumpon: