منو قالولها بنت 100٪ و يابت ولد؟؟؟؟

[eva-deva]

انا بنت عمي قالوا لها بنت الى التاسع .. وشرت جهاز كامل وردي .. بس قبل الولاده باسبوعين .. الدكتوررررره ناهده قالت لها هذا ولد 100% .. بس هام ما صدقتها .. لما ولدت طلع ولد

وفي حالات العكس يشوفون الحبل السري بين الريل يعتقدون ولد .. وتطلع بنت ..

 

[المـاسة]

واناااا مثلكم ببجري جهزت وردي ع انه بنوته من اول الرابع والدكتوره قالت لي بنت لانه دكتوري كاان مساافر مؤتمر بس لما رجع كنت بالشهر السااادس وبدش بالسابع قالي مو بااين لانه مسكر الرجوول المهم قبل لا اولد بأسبووع شككني الدكتوور وقالي انه ولد بس انااا ما اخذت بكلامه ضحكت انااا وزوجي والحمدلله ولدت ووجبت احلى ولد بالدنيا فديته



والبنت الولد نعمه من ربي

 

[شذوووونه]

انا بحملي ببنتي باخر الثالث سويت سونار وطلع بنت وبولدي نفس الحكايه وعلى قولتها ولي العهد وببنتي الثانيه قالت لي بنت على حسب شطاره الدكتوره بولدي قالت لي ولد بجهاز السونار العادي وباخر بناتي قالت لي بنت بالسونار الرباعي
والله ينولك الي فبالك ياااااااااااارب

 

[++The DuchesS++]

انا سمعت هالقصص بالمنتدى
وتصير مرات انه يغلط السونار
الله يرزقج البيبي السليم المعافى يارب

 

[الليدي فراوله]

بنت ولد اهم شي السلامة

 

[Om-Alkatkot]

انا أختي قالولها ان فيج بنت آخر شي يابت ولد
سبحان الله ماتدرين شالصالح
وكلهم حلويين البنت والولد

 

[nezgha.85]

السونار مو كل مره يكون صح انا الحمدلله بعيالي الاثنين قالولي ولد ويطلع ولد بس مرت عمي طول ما اهي حامل قالولها ولد ولما ولدت يابت بنت والله يرزق اللي تبي البنت ويرزق اللي تبي الولد

 

[غلاتي غلا]

اختي لما كانت حامل قالولها بنت وتجهيزها كله سكري ووردي يعني بناتي بححححححححت وبحزة الولاده لما صحت جابولها ولد
صارت تقنعهم جذي

وتقولهم لا انا بنت مو ولد
ف السستر تخرعت

وقامت تقنعها انها ولد واختي منصدمه هههههههه يعني مو شرط يصدف صح

 

[ام فويزان]

انه حماتي لي التاسع و الدكتور يقول بنت على ضمانتي و اخر شي يابت ولد

 

[توته سعوديه]

يا حلوكم الله يعطيكم اللي تتمنون اهم شي توته احساسج يمكن تايون واللا مجربته من قبل

هههههههههههه
:fun22::fun22: والله هذاا اول حمل لي ههههه فجايز ان احساسي ماعنده سالفه

 

[من حقي أغير]

اب اب

 

[buffy]

انا في عيالي كلهم ضبط السونار من اول مره اسوي سونار ويقولولي ولد ويطلع ولد صح
اما في حماتي هذي كله يقولولي ولد بس من الشهر الثامن قالولي انها بنت واكدوا انها بنت والله اعلم
وان شاء الله تطلع بنت

 

[_Pure_]

المشكلة اذا جذي حسافه عالتجهيز لووووول
يالله اهم شي الصحة و العافية

 

[مها 2009]

رفع

 

["GloRia"]

اب اب اب

 

[Great-Chef]

عادي انا بالاسبوع ال13 قالولي احتمال ولد الشهر اللي وراه قالولي اكيد بنت وطلعت احلى بنتوتة والحمدلله

 

[bint_looda]

حلاته التجهيز للياهل اوف وايد وفستقي وهالالوان الهاديه لووول تلوق عالبنت والولد واهم شي السلامه والصلاح

 

[Miss Golden]

أمي لما كانت حامل بأخوي قالولها بنت ولااا سميناها خلاص لوول بالاخير طلع ولد

 

[_Pure_]

سمعت حالة وحدة من ٣ سنوات تقريبا عندها الاكثريه اولاد و ودها في بنت و قالولها بنت بس يابت ولد و كان تجهيزها وردي و والبيبي ملبسينه وردي بالمستشفى

 

[ام زاكي]

انا باخر واحد من عيالي قلو لي في الخامس احتمال ولد وفي السابع بنت اكييييد وفي التاسع قالو ولد بس ماصدقت

وجهزت وردي ويوم ولدت تفاجئت بالولد ولبسته بعد عمري وردي

وهالمره قالو ولد وقالو بنت واربع مرات مسكر رجوله بس احس انه ولد وقاعده اجهز ولادي وشكلي هالمره بجيب بنوته

والبسها ازرق عكس المره الي طافت لوووووول