منو قالها الدكتور خالد العنزي مثلي

[عيالي...حياتي...]

السلام عليكم ورحمة الله وبركاته

خواتي انا كان عندي موعد مقابله عند الدكتور خالد
قبل جم يوم
المهم لما شافني قال انتي سمنه بالمرحله الثانيه وقعد يسالني اذا كنت اعاني من سكر او ضغط او مشاكل بالحمل بسبب السمنه فقلت له لاااا
المهم قالس انا للاسف ماراح اسوي لج العمليه لسبب انج مو سمنه تستدعي العمليه ولانج ما تشكين من امراض تخليني اسوي العمليه
فقلت له دكتور انا مرتاحه لك من تجارب الناس وانا سالت عنك كثير وقالوا لي انك الافضل بفضل الله تعالى
المهم قالي في ناس مثلج وانا اطلب تقرير من دكتور عظام يقول لي انج تعانين من مشاكل صحيه بالعظام بسبب السمنه
اذا قال انج تعانين من تعب في العظام راح يصير خير واشوف



الحين بسالكم احد مثلي صار معاها جذي مع الدكتور خالد؟؟؟؟؟؟
عفيه بنات والله حدي متازمه مادري وين اروح وشقول لدكاترة العظام!!!



منو صار معاها جذي عفيه ردي علي

 

[MissChoco]

حبيبتي على حسب انتي جم وزنج؟

 

[ii DareeN ii]

الدكتور لو مو امين جان سواها لج التكميم ماتتسوى الا حق كتلة معينه او كتلة معينه اقل اذا كان المريض يعاني من السكر والضغط او مشاكل عضام

 

[أأأميرة الورد]

جم وزنج انتي؟؟؟؟؟

 

[عيالي...حياتي...]

انا وزني
٩٤ وطولي ١٥٦
والله متينه وانا ثقيله مو مثل اول قومتي صعبه ولما امشي اتعب حيل ووالله صج عظام ركبتي تعورني وجنبي يعورني
بس انا كمراجعه للعظام ماراجعت
ولا سويت اشاعه
بنات احد صارها مثلي مع الدكتور خالد!!!

 

[ii DareeN ii]

الي بوزنج يسون لهم العملية روحي طبيب عظام وخلي يعطيج تقرير واذا مارضى غيره يسويها شوفي الصانع برويال حياة وباسل السميط وايد شطار

 

[عيالي...حياتي...]

الي بوزنج يسون لهم العملية روحي طبيب عظام وخلي يعطيج تقرير واذا مارضى غيره يسويها شوفي الصانع برويال حياة وباسل السميط وايد شطار

انا شاكره لج تفاعلج معاي

حبيبتي شسوي مالي الا يوم الاحد اروح ان شاء الله الرازي واشوف يعطوني تقرير
يااااااااربي
وبرد اروح للدكتور خالد وع الله يرضى

 

[_ظل الياسمين _]

.


ذكرتيتي بوحده الله يذكرها بالخير
راحت له وقال لها وزنج مو مال عمليه
قامت تاكل تاكل ليما انبطت عدل وسوالها
وهم كان وزنها بالتسعينات غريبه ليش مارضي
يسويلج

 

[انوار87]

الله يحبج صراحه العمليه مو حل وزنج مو واييد ترى تقدرين تنزلين بالرجيم والرياضه و طبعا هالشيين افايدلج
لاتسوين عمليه الا اذا حاولتي وااايد بالرجيمات

 

[** رش رش **]

اي اعرف نفس حالتج
زوج اختي ما رضا يسويله العملية و قاله انت كتلتك اقل من المطلوب للعملية و راح للهيفي و سواها له
و اختي بعد نفس الحاله ما رضا بالبداية بس اختي زودت وزنها ليما وصلت 90 و سواها لها و هي نفس طولج تقريبا

 

[Maryam]

أحمد الشرهان يسوي لج اياها

 

[كلـــــي غنج]

غريبة !!!

رفض يسويلج

اعرف ناس بنفس كتلة جسمج

ونفس طولج ووزنج وسووها ..

يمكن اهو جذي طبعه مايسوي للي كتلة جسمهم مثلج

روحي جيبي تقرير ورجعيله واذا مارضى روحي للهيفي ترا شاطر

ومثل مستوى الدكتور خالد بالشطارة

ولانزكي على الله احد

موفقه خير

 

[عيالي...حياتي...]

دقيت عالهيفي
وباجر ان شاءالله بروح له وراح ابلغكم باللي يصير
تكفون ادعو لي
تتيسر بخير اموري
وربي نفسيتي تعبانه
وجسمي هو سبب نفسيتي اللي تعبانه
كلا مالي خلق
ولا قمت اطلع مع زوجي
ولاقمت اروح عند الناس
حتى رمضان والله والله ماشريت ولاجهزت له ولا شي
وادري راح تزورنا ناس يسلمون وربي مافكرت اشتري حتى دراعه وحده
بس قاعده ادعي ربس اني اسوي العمليه قبل رمضان وكلا افكر ان برمضان راح اكون نازله جم كيلو وماتتخيلون فرحتي بالحلم والرشاقه اللي عايشتها بخيالي
استغفر الله
استغفر الله
استغفر الله
مادري شفيني اخربط بالحجي

 

[كلـــــي غنج]

الله يكتبلج الخير والصالح وييسرلج امورج

اكثري من الاستغفار وترديد حسبي الله ونعم الوكيل

وربي بييسرلج ان شاء الله

طمنينا عليج

 

[yam_yam]

الشرهان يسويها لج

 

[شندوخه]

والله هالدكتور مو مادي ولا تهمه الماده كثر صحه المريض
والعمليه مو سهاله والله حاولي تسوين رجيم شدي على نفسج سنه ولا سنتين وان شاءالله راح تنزلين

 

[عيالي...حياتي...]

الحمدلله رحت للهيفي
والرجل ان شاءالله انه فيه الخير والبركه
ويارب تتيسر امور ع خير
بنات ادعو لي والله خايفه
وفي شي انصدمت منه
ان ماشاءالله
كل يوم يجي عنده ناس
٣٥ مراجع يوميا او٣٠
طبعا انا انصدمت اللي جايه حق تكميم
واللي جايه حق تحزيم
واللي تبي تحط بالون
زززززززحمه بشكل غريب عجيب