منو فيكم شافت رؤيا تبشرها بالزواج وبعدها تزوجت ؟؟

[موت وميلاد]

والله انا حلمت حلم بس مااذكره بس المهم ان تفسيره ان بتزوج وفعلا تزوجت من طليقي

وعساني انا وياج نحلم ذاك الحلم السنع ونتزوج انا وياج وكل العزوبيات يارب

اميييييييييييييييييييييييييييييييييييييييييييييييييييييين يارب ياقادر ياكريم

 

[موت وميلاد]

بعد نبي اكثر الله يجزاكم خيرر

بنات بقولكم انا حلمت وقالولي اقري سوره البقره وتنخطبين وش رايكم اقرها انصحوني تبعانه وطفشانه مليت من الوحده ابي اتزوج انجرحت لين قلت بس خلاااااااص

ولاتنسوني من دعواتكم

والله نفس الحاله

مشايخ يقولون يجوز تقرين البقره بنية زواج ومشايخ يقولون مايجوز

شوفي هالرابط
http://q8yat.net/showthread.php?t=530825

بس ان شاءالله ربي يرزقنا الزوج الصالح وننخطب قبل نهاية السنه اميييين يارب يالله على بابك ولا خاب طلابك

 

[توتا111]

موت ميلاد اشكرك الله يفرج همك

 

[برميت]

انا افلام مو احلام مشاءالله

حلمت ان داري مصبوغه صبغ ماادري اشلون صاير و كبتي مافيه هدوم بس فوط و كفرات و كفري غير شكله ..و ماعجبني كلش ..و قلت حق امي انتي و اختي كل وحده تدفع 150 و تغيرون صبغ الغرفه ...و سبحان الله خطبني واحد لما شفته مافيه شي بس ما بلعته و لما سألوا عنه و مافيه شي بعد انا رفضته ماادري ليش ماابيه و امي و ابوي زف فيني علشان اوافق لاني وايد ارفض ...المهم رحت داري و بجيت و بجيت و الصبح امي تدق الباب و تقولي في واحد ثاني اخطبج و هذا اهو ريلي بعد عمري بعد طوايف اهلي

و حلمت اني لابسه نفوف عرس وواقفه جدام الدوام و قلت حق رفيجتي وصليني مكان و بالسياره دليتها المكان و لما ييت بنزل من السياره قالت لي منو بيته هذا ؟؟ قلت لها هذا بيت ريلي ..ولما وصلت عند الباب افتحت لي خالتي ام ريلي الباب و رحبت فيني " طبعا الترحيب بس بالحلم لوول " و قامت و ارفعت نفنوفي ..وشفت اني لابسه تكرمين جوتي ابيض لايق على النفنوف و جوتي برتقالي ..و قالت لي وين الطبجه الثانيه قلت لها ماادري ضاعت ..و نزلت نفنوفي و قالت عادي عادي مايبين و دخلتني بيتها ..

و هالحلم حلمت فيه اكثر من مره اني قاعده بمكان و في حصن وايد يركضون دار مداري ..و اخر مره حلمت فيه كان بينهم ثور يركض ...و قالولي هذا ريل لووول بعد عمري ريلي محشوم بعد شبدي والله

و حلمت اني ماخذه صينيه حلو اختي وكان فيها حلو و اقولها زيديه ..هالحلم يخرع لانه تطبق بالكلمه و بالحرف ..يوم الاحد اخطبوا اختي و يوم الاثنين اخطبوني و نفس صينيه الحلو مالت اختي رحت محل واو و زدتها حق خطاطيبي لووول

و حلمت قبل لا اتزوج اني حاطه علبه كاكاو و يت بنت خالتي و كلت منها
و تزوجت بنت خالتي عقبي بجم شهر


وحلمت اني اوكل ريلي الي ماشفته لوول ...و طاح العيش و قعت ألقطه ...و قالولي بتطلع خالتج شديده ...و انا ما اهتميت بهالحلم بس الحين قاعده تطبقه علي الله يهديها و يصلحها

 

[برميت]

تعالوا بنات الي تبي تتزوج زوج يحبها و يموت فيها
بكل سجده تقول اللهم اتنا بالدنيا حسنه و بالاخره حسنه و قنا عذاب النار 3 مرات
سحر والله مثل السحر

 

[توتا111]

ماشاء الله

 

[hazar]

انا حلمت اني حطيت حنه وصبفه مع شعري اشويه من الحنه واشويه وغسلتها

شنو معناته؟؟؟ اناغير مرتبطه

 

[توتا111]

نبغى زياده

 

[㋡..PRINCESS..㋡]

ما شاءالله اينن الموضوووع الله يرزقنا و يرزق بنات المسلمين بالازواج الصالحين و يوفق المتزوجاااات ان شاءالله

 

[سكينة 66]

السلام عليكم بنات فيه موقع روعه للتفسير الاحلام مدري يصير احط اسمه او ممنوع ارجو الرد

 

[أزهار الربيع]

رفع

 

[أزهار الربيع]

حلو الموضوع


انا تحلمت لما كنت اجهز لزواجي بفترة خطوبتي اني رايحه محل واخترت فستان الزواج وبعدين مدري وش اللي خلاني اطلع من المحل ولما رجعت للمحل علشان اخذ الفستان لقيت المحل امسكرينه للصلاة وسبحان الله بعدها بفتر تطلقت


ادعولي بنات ان الله يعوضني خير ولكم بالمثل ان شاء الله

 

[ماما فله]

أنا الله يسلمج حلمت أكثر من حلم
مره حلمت أنا ورفيجاتي كل وحده بيدها تفاحه حمرا قاعدين ناكلها وأنا الوحيده اللي خلصتها
ومره حلمت اني قاعده آكل رطب لذيذ لدرجة اني قعدت من النوم وحسيت بطعمه للحين بحلجي
ومره حلمت بسمك بسله كانت كميته كبيره
والحمدلله تزوجت والله رزقني عيال
يارب الله يرزق كل بنت صالحه الزوج الصالح واللي متزوجه الله يرزقها الذريه الصالحه

 

[أزهار الربيع]

للرفع

 

[ضمر الخصور]

انا كنت قبلها مخطوبه لولد خالي صار لي سنه ونص والملكه ماتحددت وكل ماتحددت جاء شي وتتاجل (الحمدلله خيره)

المهم اني قبلها باسبوعين او ثلاث اسابيع حلمت اني لابسه خاتم يلمع مرره كنت لابسته في يدي اليسار وبس انتهت الرؤيه

وبعدها عرفت ان الملكه تحددت

والحمدلله امس في تاريخ 14\12 كانت ملكتي وخطوبتي

وقولو ماشاءالله تبارك الله والله يتمم علينا

 

[توتا111]

يب يب

 

[white**angel]

اب

اب

اب

 

[توتا111]

يب يب يب

 

[موت وميلاد]

حلو الموضوع


انا تحلمت لما كنت اجهز لزواجي بفترة خطوبتي اني رايحه محل واخترت فستان الزواج وبعدين مدري وش اللي خلاني اطلع من المحل ولما رجعت للمحل علشان اخذ الفستان لقيت المحل امسكرينه للصلاة وسبحان الله بعدها بفتر تطلقت


ادعولي بنات ان الله يعوضني خير ولكم بالمثل ان شاء الله

الله يعوضج خير انشاءالله​

 

[لهفة غرام]

الله يرزقك ويرزق كل بنات المسلمين يارب عاجلا يارحمن يارحيم لكل من اراد الزواج الان