منو فيكم راحت لمصر بالشتاء؟ زوجي بوديني لها بعز الشتاء آآه

[ديرتي الغاليه]

قوه :

واللي يعافيكم شنو رايكم بمصر بعز الشتاء يعني عالعطله القصيره بروح لها اسبوع ومحتاره لانه اكيد برد اشلون بتمشي والبس وتكشخ وتدلع وضروسي راح طقطق برد:krkrkr: .........اللي راحت شلون كانت يومياتها ومتى راحت وشنو احسن شيء بالطلعه وياليت تعطوني شقق فندقيه رخيصه وحلوه لان زوجي رافض الفنادق يقول وسخه ......................:0bee2e8d89:

 

[غلاي غير]

اصلا حلاة مصر بالشتا

 

[ديرتي الغاليه]

انزين بشنو يمكن تقنعيني والله مدوخته وكله اقوله ما ابي اسافر واهو مطنقر علي يقول معقده وكثير تدقيقاتج مصر اهي مصر شنو بيتغير .اهى اهى

 

[um_hind]

توكلي على الله.... ولبسي الجاكيتات خلاص... خاطري اسير مصر بالشتاء.. يا سلام على جمالج يا مصر

 

[جوري الحلوة]

شوفي في ناس يستانسون ويحبون مصر وفي ناس لأ

انا وحدة الصراحة توووووووووووووووبه اروح مصر رحت شهر 11 / 2007
قعدت بفندق جراند حياة حده ويييييييييييييييييييييييييييييع مو نظيف ترتيبهم كلش مو زين وحتى اغراضهم
والسيرفس يلوع الجبد اصلا اخر يوم تهاوشت معاهم ماقدرت
والتكاسي مو نظيفة واي مكان تروحين زحمة انا اللي رحت معاهم استانسوا بس انا لااااااااااااااااااااااااااااااا
كل دولة فيها الزين والشين بس هذي ماعجبتني كلش وسوري على صراحتي
كذا شغلة نرفزتني منهم
لو يقولون تروحين ببلاش مااروح

 

[شيوم]

امبيه من صججججججججججججججك مصر تونسسسسسسسسسسسس عجيبه وبعد بالشتاااااااااااا لاخياااااااااااااااااال الا روحي واستااااااااااااااانسي بعد حد الوناسه صج انها بارده حيل بس وناسه والله روحو الكافيهات اللي بشارع جامعة الدول شغل عدل ولا روحو سهرو بالليل الاماكن وايد واذا علي التكاسي الوصخه في هناك ياجرون سيايير نظيفه مثل شفر لومنيا طلبي من اي فندق عليج بالعافيه حبيبتي جان زين اقدر اروح لها بالشتا

 

[ديرتي الغاليه]

مشكورين شجعتوني .اروح لها ........

 

[ديرتي الغاليه]

لرفع ..........

 

[الاسطورية]

مصر حلاتها بالشتا بالصيف تلوع الجبد حر وغاز وبق

 

[ديرتي الغاليه]

انزين اشلون صاير اكلهم اكثر ما اسمع انه وسخ ومو حلو ؟

 

[ام عمار]

ممكن تروحو الاقصر واسوان وفي القاهرة وايد اماكن حلوة

 

[ღام عمر ღ]

هلا بك اختي ورحله موفقه مقدما
انا رحت لها بشهر 8 بس اذا اول مره تزورينها رح تتفاجئي بالزحمه حييييييل كل وقت زحمه الصباح الضهر بالليل الفجر
بس انصحك روحي مدينة الانتاج الاعلامي حلووووه مررره بس روحي لها بدري في النهار لانها تقفل على 11 بالليل فيها ملاهي وفيها سينما وفيها اماكن تصوير المسلسلات شفت قصر حماده عزو وساره حق حنان ترك وفلة حسين فهمي في الشارد كل المسلسلات اللي نشوفها بالتلفزيون يمثلونها هناك مسويين لك الاسكندريه والشرم وكمان فيها غابه حلوه مرررره وكمان غابة الدينصورات والنهر السريع لوما صورنا طالعه بالفديو كان وريتك صورها وبعدين رخيصه حيل رسوم الدخول 40 جنيه للفرد وبس تدخلين جوى اغل الالعاب من حساب تذكرة الدخول وتركبون عربه زي القطار تفر فيكم بالمدينه
وفي كمان قريب منها دريم لاند مدينة العاب حلوووه
وكمان أكوا بارك الالعاب المائيه
تروحين لها على طريق مصر الإسماعيلية الصحراوي .. يعني حوالي 20 كيلو خارج القاهره

واذا على الاكل انا صراحه ماناسبني شي غير مطعم حضر موت في مصر الجديده يسوي مندي وكبسات واكل خليجي رووووعه طعمه انصحك اذا رحتي طلبي من عندهم ويوصولونلك بالفندق ولهم كذا فرع بالقاهره

وفي مووول حلو مررره اسمه سيتي ستار روووووعه كبير مررره في محلات ماركات وفيه قسم كامل اسمه خان الخليلي تلاقين فيه التحف الشرقيه والنحاسيات وبدل الرقص واشياء حلووووه مره وكمان فيه سينما ومقاهي ومطاعم رووعه وعنوانه في مدينة نصر مصر الجديده
وفي سوق ميدان روكسي حلو والاهرامات طبعا لازم تروحين لها بس تراهم هناك نصابين حيل انتبهو منهم فاصلونهم بالسعر
اذا استأجرتم عربه ( الكرته_ حنطور ) لا تدفعون اكثر من 100 جنيه حنا طلبو منا اول شي 400 وطنشناهم ورحنا وضلو يركضو ورانا يابيه يابيه خخخخخخخخخ لما اخذناهم ب100 وكمان هذا مو سعرهم اقل بكثير
وفي عندك القناطر حلووه تاخذين لك فسحه في النيل تستأجرون مركب لحالكم لمدة ساعتين او 3 ساعات وتطلبون اكل وشاي بالنعاع خطير مررره ويوروكم فلل الفنانين كلهم ويوريكم مصنع العسل واللي وتسوي الفطير المشلتت تشوفينها وهي تصنع الفطير
واذا تبي الظجه والناس والفله روحي كبري قصر النيل هناك الناس ما تنام اغلب الخليجيين هناك بس مدري في الشتا كيف في سهر اولا

ورحت كمان للحارات القديمه زي الحسين والسيده زينب وخان الخليلي بس زحمه حيل وصلينا في جامع الازهر
وفيهم اسواق شعبيه واشياء تذكاريه

وكمان في حديقة الميرلاند في مصر الجديده حلوه للاطفال والعوائل فيها عروض للاسماك والحوت والدولفين وحلوووه مره



هذا اللي اتذكره وان شاء تكوني استفدتي مني واي شي تبيه ابشري ورحله موفقه ان شاء الله
على فكره اذا تبي اسماء الفنادق والاماكن السياحيه روحي مـنـتـدى الـعـرب الـمـسافـرون > الدول العربية والإسلامية > بوابة السفر إلى مصر Egypt تلاقي كل شي بالتفصيل الملل

بالتوفيق

 

[تمر حنا]

بالعكس مصر تونس واصلن مو بارده حيل الكويت ابرد بووااايد لاتحاتين روحي وستانسي لاتعقدين الاموور

 

[اميرة الغيد]

عزيزتي
انا رحت لها شهر 12 المفروض بعز البرد بس والله كنت البس صيفي الشمس حاره وقويه مو مثل شتانا احنا جونا صحراوي ما عندنا حل وسط ، بس بالليل كنت البس جاكيت احيانا ، ماشفت فيها زحمه عادي الشوارع عاديه يمكن بالصيف تكون زحمه من السياح الخليجيين بس انا مارحت لها بالصيف ، ومثل ماقالت الاخت ناس يحبونها وناس ماتعجبهم يمكن تصلح للي يسهرون ويروحون للحفلات بالليل ، أغلب مطاعمهم ما اعجبتني بس عندج مطعم ابو شقره حلو ، والمطاعم اللي بالسفن السياحيه على النيل حلوه، الاهرامات تونس بس مومثل ماتوقعت .
اتمنى لج رحله سعيده

 

[جمانه الحب]

مصر فيها اماكن كتير حلوة يا بنات بس اختاروا انتوا صح

انا من مصر صح ليكم حق انكم تقولوا فى مساوىء كتير فيها بس اكيد بردو فيه الحلو

ويا قمرات التاكسيات فى تاكسيات سياحيه وحلوة جدا ونضيفه فعلالا

بس انتوا اطلبوها متروحوش لآى حاجه وخلاص لان خدوا بالكم التاكسيات البسيطه مشاويرها قليله وللاشغال بس مش للفسسح

يارب تشرفونا

اللى راح فيكم الازهر بارك بيتهيألى هيرجع يقول شفنا قطعه من الجنه فى مصر

رأى اى حد شافها انها جميله جمال يذهل العين

 

[ديرتي الغاليه]

مشكورين وخصوصا اختى ام عمر ولا يهونون الباجين

 

[عدسات ملونة]

لاتنسين تروحين مطعم فرحات بميدان لبنان بالمهندسين عنده الحمام المحشي والكفتة لذيييييييييييييييذة

 

[وردة النرجس]

روحي أنا العام رحت شهر 1 وكان حده وناسة وماكو زحمة مثل الصيف

وبس جاكيتج معاج والظهر كنت أحتر واقطه

ومن ناحية الشقق مادري أنا قعدت بشوبارد زوين كان

ومن ناحية الأكل لا روحي مجمع ستي ستار أكشخ مجمع عندهم

وكلا كنا ناكل فاست فوود بيتزا وهارديز ومكدونالد

بس كشري بوطارق أنصحج فيه روحي وأستانسوا عليكم بالعافية

 

[باونتى]

أنا خبرى بمصر من سنين .ز آخر مره رحت لها بالشتا .. بس تهبل بالشتا غيررررررررر مو مثل الصيف بالشتا هدووء مافيه خليجين كله اجانب .. وقعدت فى فندق سمير اميس .. والمطاعم كنا نروح ماكدونالدز , بيتزا هت , دجاج تكا .. انا رحت لها بشهر واحد كان برد واااااااااايد بس حلووووووووووووه

 

[versace]

واااي اشدعوة تموتين من البرد انتي شكلج مو حابتها ترا مصر حلوة وراح تستانسين فيها وبعدين ترا مو أبرد من الكويت على الاقل برها ما يدخل العظم وان شالله تستانسين فيها وتروحين بالسلامه