منو فيكم راحت الخُبر و شرت بدلة سهرة ؟

[سنابل]

السلام عليكم

سمعت ان بدلات السهرة بالخبر ارخص من الكويت

صج هالكلام ؟

و وحدة راحت و شافت بعينها و شرت ؟؟؟

 

[احساس طفلهـ]

هلا حبيبتى انا مارحت والله

بس بنات عمى وعمتى يترون مناك بدل كشخه حيل حيل

وربى تعطينها اقل شئ 400 دينار وهم شارينها والله ماوصلت يمكن 250 دينار شوفى الفرق

وتو بنت عمتى شاريه بدله روعه شوى عليها بالالف وخمسميه يعنى اقل من ميه وخميسن

والله بصراحه تستاهل العنوه انا مفكره بعرس اخوانى اشتري من الخبر اذا الله راد

 

[سنابل]

اختي ممكن اسم المحل اللي توه بنت عمتج شاريه منه بالتحديد ؟؟؟و بأي شارع بالضبط ؟؟؟

مابي اتعنى عالفاضي

 

[rayaan]

وانا بعد ودي أعرف أسماء المحلات اللي تبيع بدل السهرة

 

[سلطـ زمانها ــانة]

تدرين بنت خالي ماخذه بدلتها البيضه من الخبر

ولبسه اولى ولها وكااانت حدهاااااااا حلووووووه

بحد ال600 @@

ودايما يشترون من اهناك

صج صج ترى حلوووووووين وروعه واسعارهم زينه

انا مادري من وين

بس روحي مجمع فينيسيا كله بدلات سهره

ناوين بعرس اختي انشاءالله ناخذ من هناك

 

[سنابل]

600 ريال ؟؟

 

[mooomooo]

اي تلقين بدل راقية حيل شيفونات

عند عبدالواحد بمجمع الراشد


ترى انا شريت بدلت عرس اخوي من بوتيك فؤاد سركيس

والله ثم والله شفتها هناك بمحل عاااااااااااااااااااااااادي جدا ولونين بعد ذهبي ورصاصي

تخيلوا ماخذتها اب 250 ولقيتها اهناك اب 1600 ريال بس

ونفس المحل بعد لقيت بدل الامييييييره على 1200 ريال وانا شايفه نفس البدله وكنت باخذها من الاميره اب 250 دينار

 

[هنـــد]

الخبر روووعه

احنا رحنا عشان الملافع

بس لما شفنا ملابس السهره شي مو طبيعي ورخاص فرق عن الكويت

بمجمع جمعه سنتر

 

[لمعة الماسة]

أنصحكم بمجمع فينسيا ........الدور الأرضي ...يمين البوابة الرئيسية ...
محلات العبد الواحد وصبا في مجمع الراشد والظهران ....
مشغل أرياف مصممة ...تعرض بدلات سهرة من تصميمها ..مرررة حلوة ..هذا موجود بالدمام الشارع الأول ...
مجمع الجمعه سنتر بالخبر ....
محلات موجودة بشارع البيبسي .....بالخبر .....
محل ..كوست عنده بدل ناعمة وأفتر شوك.....موجود بمجمع الظهران..........
وانشالله اكون ساعدتكم

 

[ديمــــا]

يا هلا والله أختي



أنا بالشوووووفة وان احتجتي أي شي ما يردج إلا لسانج



بالفعل فساتين السهرة عندنا حلوووووووة وايد وبأسعااااار ما تتوقعينها



ومثل ما قالولج الخوات مجمع جمعة سنتر وفينيسيا والراشد بالخبر ومارينا مول بالدمام


تحصلين كل اللي تبينه


وكان عندنا محل بفؤاد سنتر عنده فساتين السهرة خيالية



ومو موجوده بالمحلات يعني مميزززززززززززززة



اسمه " آرتبل " بس يقولون انه صك وراح مجمع ثاني



بتأكد لج وأعطيج خبر



بس نصيحتي اذا بغيتي تشترين فساتين سهره تاخذينها من السعودية



لأني شفت فساتين السهرة بالكويت وقارنتها غااااااااااااااااااااااااااالية جداً




وحياج الله بين أهلج وحبايبج

 

[النبيطة]

هلا حبيتي
فعلا ملابس السهرة اغلى في الكويت لن اقاربي شافوها بحوالي الضعف في السعر ف الكويت
عموما في الرياض اشوف اماراتين وقطرين كثير في محلات ملابس السهرة
واحيانا يدلون اماكن استغرب شلون اعرفوها
طبعا النت الله لايخلينا ان شاء الله
بس فيه محلات متكررة البضاعه فيها قارني بين اسعارهم وبعضهم بضاعتهم خاصة فيهم
ولايغرك الغالي مو شرط يكون متميز لأنها عموما مو غاليه

 

[اميرة الغيد]

انا من خلال خبرتي بالخبر اقول انها حلوه باسواقها وشغلها
يعني عندج نفانيف السهره حلوين واسعارهم احلى ، وشي يستاهل يعني مو اي شي
بس احلى شي برايي عندهم اللي بمحلات الخام يركبون النفنوف وانتي تكملينه اسعارهم من 120 الى 180 دينار بس روعه الالوان والخامات ماشفت مثلهم بالكويت صج حركات راقيه وحلوه
والجاهز احلى وسعره ارخص

 

[كويتية _ بكل فخر]

مشكوين بنات استفدت وايد من الموضوع

ويسلمو صاحبة الموضوع

 

[سنابل]

وي بعد قلبي و الله ما تقصرووووووووووووون

بس لأن اهلي مو فاضين و صعبة يودوني فقلت خل اريحهم و اشتري من هني ، و شريتها بمبلغ يعور القلب

بس تدورن ، لو نحسب تكاليف السفرة نفسها ، يمكن تعادل سعرة بدلة هني

ان شاء الله المرة الياية اقول لهم نروح على رواءه و نآخذ لنا بدل سهرة

 

[شهدQ]

فنسيا بالخبر

ومارينا مول بالدمام

شي مو طبيعي ورخاص وقمه بالاناقه