منو فيكم تكشخ اذا راحت المطار

[Shai5at ElGirls]

مممممممممممممممم

على حسب وين رايحه و شنو المده الي بقعدها بالطياره
يعني لو دبي او البحرين او مكان قريب اكشخ و يمكن البس كعب واطي و مكياج خفيف
اما لو مكان بعيد لازم اكيد يكون لبسي انيق و مرتب بس هم لازم يكون مريح ويا جوتي فلات او سبورت
وانا وحده احب البساطه ماحب الخبه و الاوفر

 

[قـہۈه فـرنسيـہ™]

اذا السفره طووووويله ...ألبس sport وما أحط ميك آب ...بس كحل قلم

أما اذا سفره بو ساعه لازم أكشخ ...جني مسيره ...

بس في الحالتين لازم يكون شكلي مرتب ...

 

[الجــادل]

رد : منو فيكم تكشخ اذا راحت المطار

بحكم اني منقبه

لبسي معروف

لكن اذا طياره مسافه طويله تكون عباتي ساده وخامتها ما تتعفس وكذلك الشيله

والبس جوتي فلات ميليسا او تودز او ال في لان حدهم عمليين

وجنطتي المفضله مسميتها جنطه المطار ال في تريفي جي ام


اما مسافه قريبه البس عباه في شغل ناعم والبس كعب
واكشخ جني مسيره

 

[موزة ام فارس]

بسيط وذرب واهم شي يكون مريح

 

[الملح زايد]

والله انا كنت مسافره اول يوم العيد وطلعت بكشخه العيد المطار ونص كعب بس تحسسسسسسسسسسسسفت

ريلي نصحني بس ماسمعت النصيحه

احس الاجانب يطالعوني حدي تفشلت ,,, حلاته لبس مريح وفلات وميكب ناعم لان بتقعدين ساعتين بالمطار

حتى لوقعدتي بالكافيه او تمشيتي بالسوق اصلا ماوج تشترين شي لانج مزهبه كل شي

 

[cdef377]

One day a blonde comes home from a day

FIRE! FIRE!One day a blonde comes home from a day of shopping and she notices her house is on fire. She calls 9-1-1 and the operator says "What is the nature of your emergency?" the blonde says "My house is on fire!!" "Okay," Chicago Cubs jerseysChicago Cubs apparelChicago Cubs shirtssays the operator "where do you live?" to which the blonde replies " in a house you silly billy" the operator is getting frustrated "how do we get there?" he asks, the blonde replies "DUH! Big Red Truck!"

 

[العنود 99]

اذا كانت طياره الليل والسفره طويله اكشخ بس ما احط مكياج وقبل ما نوصل الديره بساعه اقوم اغسل ويهي واتعدل
بس اذا كانت السفره قصيره دبي ولا مصر لازم نتعدل ونكشخ لووول

 

[بناتي زينة حياتي]

أكشخ بنتي بالنيابة عني ,,,, أما أنا عبايتي عالراس وراسي مرفووووع ,,,

اذكر مره بالمطار لسفرتنا للبنان وحده فري مو متحجبه تخزني من فوق لتحت وتكركر مع إلي معاها وتضحك ,,,<< الاخت ناقده على لبسي للعباية

اللهم يامقلب القلوب ثبت قلوبنا على دينك ,,,

 

[بوسيcat]

خل تولي عمى بعينها مع اني ما البس عباة ترى بس ماعليج منها انتي اللي صح وزين والله انج متمسكه بالعباة الله يثبتج ويهدينا يارب

 

[أم أنور]

انا سفرتي طويله وحاطه في بالي البس تريننق اريح لي

 

[..فروحه..]

انا كل مره لبسي ناعم وخفيف يعني موذابحه عمري بالكشخه
بس هالمره شكلي بغير والبس تريننق

 

[زيـטּ عَبْس]

>>> سفر يعني لبس وشراا جديد

لاازم


هههههههههههههه

ونااسه حلووو السفرر

ونكشخ اكيد بالروحه والرده

وكشختي عمليه ومريحه

 

[عيش و مرق]

شى مرتب ومريح احب البساطه ماحب التكلف كنى مو شايفه خير

 

[miss-pink]

لازم يكون اللبس يديد
وأكيد مريح وعملي وناعم مع فلات او جوتي رياضه
وما احب البس كعب بالسفر لاني احب اخ راحتي

 

[جبنة بيضة]

مرتب و بس

 

[مساء مونترو]

اصلا الواجهة هي المطار ...
فلازم تكونين بكامل اناقتج ..
اقصد بكلامي تكونين ذربة مو خبة وشغل ...

 

[Pissy Missy]

موضوع نااايس

بشكل عام احب يكون لبسي مريح وانيق بنفس الوقت يعني مثل ما نقول يجمع بين الspor chic و الcasual

وبالرحلات الطويله يعني ام 14 ساعة طيران دايركت احب اخذ معاي فلات مال البيت بس ذرب وكشخه حق الطياره عشان اخذ راحتي

احاول كثر ما اقدر اني ابتعد عن الجينز لان ما ارتاح فيه كلش

احب البطلونات الخام الخفيف والمريح...ملوت زارا وايد مريحين

لما نروح امريكا حتى المضيفات يبدلون ملابسهم ويلبسون مثل الScrub مال المستشفى حده مريح ويصير شفتات الي يروحون يرتاحون

وبعدين يردون يلبسون لبسهم العادي

يعني الراحه مطلوبه باللبس خصوصا بالرحلات الطويله وبنفس الوقت لازم يكون شي ذرب مو بهدلة

 

[أم لطووف]

موضوعج يونس
أنا لبسي حده كشخه..
عباتي على راسي ومسكره مايبين شي وملفعي ونقابي وسلامتج وتعيشين>>هههههههههههههههه شرايج ؛)..
يعني لو ألبس شنو تحت مايبين بس على العموم أحرص إن يكون مريح جينز وبلوزه كافي وفلات مريح حق المشي وبس..أعتقد لازم لبس مريح وعملي يساعدج بالحركه خصوصا إذا فترة سفر طويله..

 

[الزيـــــنــــة]

البس شي عملي ومرتب واحط مكياج خفيف لان بصراحه السفر والمطارات مو مال كشخه يبيله شي عمري

 

[3so0ola_94]

انا افضل البس العملي ماله دااعي الكعب والكشخه حلاته تلبسين ترينغ وجوتي رياضة وجنطة كروووس