منو فيكم تكشخ اذا راحت المطار

[مخططة]

خواتي شلونكم :dddds:منو فيكم تكشخ اذا راحت المطاريعني نبي سوالف شلون تكشخون اذا رحتوا المطار انا عن نفسي احب لبسي يكون كاجوال ومريح وانتم يلا كل وحدة تسولف عن لبسها بالمطار

 

[ريماس77]

انا اكشخ بس نفس ماقلتي كاجوال ومريح وخاصه الدول البعيده يبيله لبس مريح بالطياره

 

[ام ريونتي]

انا بصراحه احب اكون مرتاحه بالطياره اي شي خفيف وموشرط كشخه اذا بالشتاء البس تريننج مخمل
واذا صيف قميص خفيف من زارا وبنطرون

 

[حنانك سر حبي]

انا اكشخ بالمطار بالروحه والرجعه ولبسي يكون في شي من الاناقه وكعب

بس لم اطب الديره المعنيه اخذ راحتي بفلات حق التمشي ولبس انيق

ماحب البس تريننقات سوت جني رايحه ممشى او نادي او جنه وحده مالها خلق تلبس او مو يايبه وياها ملابس

البس كأني طالعه طلعه بس اغير بالجوتي البس واطي مرتب وكشخه لان جدامنا مشيه ورحلات

 

[meera15]

موضوعك ظريف

انا عن نفسي اختب حق المطار لازم البس يديد
من يوم احنا صغار وامي تكشخنا حق السفر
عشان شذي تعودت
ودايما البس كعب حتى لو عورني ظهري
وبس

 

[meera15]

موضوعك ظريف

انا عن نفسي اختب حق المطار لازم البس يديد
من يوم احنا صغار وامي تكشخنا حق السفر
عشان شذي تعودت
ودايما البس كعب حتى لو عورني ظهري
وبس

 

[reem.q8]

اذا بالمطار حق الروحه مااكشخ يكون لبسي مريح ,, اما وانا راده الكويت لا اكشخ

 

[مدرسة طفشانة]

انا احب البس شي مريح وحلو في نفس الوقت
وتلقيني اجهز اللبس قبله بفترة من الوناسة
بس هالمرة اذا الله اراد ورحت الصين راح البس تريننغ عشان الرحلة بالطيارة حيل متعبة
يعني 14 ساعة طيران ما تنفع معاها الكشخة بس اخذت تريننغ انا وبنوتي الله يشافيها نفس الشي يعني بنكون طقم ان شاء الله

 

[الدلال]

احب البس لبس مريح وانيق وذرب بنفس الوقت

 

[هنـــد]

اي من صجج لازم الكشخه

اقعد قبل السفره ساعتين عشان اكشخ لووول

 

[bnt_7waa]

مادري ليش من نسمع مطار بدله يديده وكشخه من يوم كنا صغاار جذي

 

[davidoff]

خوش موضوع ايونس

انا عن نفسي اذا سفرتنا باخر الليل احب البس تريننق ماادري ليش من زمان هذا طبعي وعودت عيالى على هالشي جنى رايحين ننام بفراشنا

اما اذا السفر بالنهار لزووووووووم الكشخه من راسي الى ساسي حتى كعب البس بس طبعا لازم يكون كعب مريح

 

[كويتية أصيله]

آنا هالمره طيارتي 3 بالليل إهي إهي .... بلبس لبس أنيق وبنفس الوقت مريييييييييييييييييييييييييييييييييييييح لأني بكون بطيران مدته 20 ساعه وراح نتنقل من مكان لي مكان ومووووووووو ناويه أحط كلش مكياج بس راح ألبس لبس مثل مانقول ذرب أنيق مريح وعيالي بلبسهم ترينغ علشان يكملون نومتهم بالطياره... لووووووووووووووووول والله يسهل عليكم وعلينا

 

[3rosa]

نفس الاغلبية لبس المطار يديد وكشخه من راس الى ريل ولمن تكون الرحله طويله كانت امي تبدل لنا

انا بالنسبه لي انا البس كشخه وبنفس الوقت مريحه

 

[بوسيcat]

يوم رحت لندن بعيد 7 ساعات وسفرتي من صباح الله خير 6 ونص كنت بالمطار لبست جنز وجوتي رياضه بس كنت مرتبه وكاشخه ولبسي مريح بنفس الوقت ولازم المكياج طبعا اما انشالله الحين بروح دبي بلبس جنز بس مع كعب وجذي لان الطيران وقته قصير وانا البس جنزات سنعه وغاليه يعني مو على بو ان جنز حيا الله. لا لازم يكون شكلها انيق.

 

[~اح ــساس~]

لبس مرتب وانيق ونوو ميك اب وبسس

 

[جوري 2007]

شي مريح بس ذرب

جوتي نص كعب

مكياج خفيف

واهم شي انه القميص خانته ماتتعفس من نومة الطيارة

 

[عيون مسقط]

تكفين عاد ومنو ما تكشخ حق المطار ، أو على الأقل تكون مرتبة وشكلها مقبووول ، ماكو غير الينانوة الأوروبيين والأجانب اللي يلبسون أي كلام ، حتى الكشة ما يمشطونهاااا ، لا وبعد يطالعونا بإستغراب شحقة حنا كاشخين لهالدرجة


أحب البساطة والترتيب ، والبنطلون أريحلي ، وجوتي رياضة حق السفرات والتمشي


وسلامتكم :eh_s(6):

 

[brettey]

رد : منو فيكم تكشخ اذا راحت المطار

اهم شي يكون مريح ومرتب

 

[لذوذذه]

والله حلاة الواحد من يسافر بي البساطه كشخه ناعمه

ومكياج هادي وناعم مو بعضهم والله تقول رايحين سهره من شدوا ورسمات عين جدا اوفررر

ولاتنسون تراعون الله يابنات واتقول الفتنه في لبسكم ومكياجكم