منو فيكم اتستقالت من شغلها علشان اعياله وبيتها ؟

[reham123]

نووووووووووووو وييييييييييي ....لو استقيل جم ريلي بيعطيني بما اني وحده احب المصرف احب اكشخ واكشح عيالي ...اعيش بدون خدامة ليش اقعد بالبيت عشان اكررررف حتى لو حق ريلي وعيالي بس وايد علي ماقدر ...شالاميره اللي طايح حظها تغسل وتكرف... الا اذا الله رزقنا بمليون من امه استقييل

 

[Om_Ksha]

انا استقلت وحدي ارتحت بس استقلت وعندي مصدر دخل ثاني يعني لو ماكان عندي كان صعب القرار بصراحه المعاش يعز الوحده وانشالله اذا كبرت بنتي احتمال ارجع بس مو بالتدريس باي وظيفه لانها بصراحه متعبه ومهلكه ومدفنه

 

[لمساتـي]

انا من سنه زوجي طلب منىاستقيل بس ماكنت موافقه تعرفون هبة الموظفه

بس بعد ضغط منه وافقت وبصرااحه حيييل فرق بنتى كانت صغيره وكنت احاتيها
وانا من النوع الحنوون يعنى كل شوى ادق وهالشى تعبنى

بس انا الحين عندى دخل ثانى ولله الحمد تجاره صغنونه على قدى مع الى اخذه من زوجي
يارب لك الحمد

وانصح الى عيالها صغاار لاتفكر الا اذا عندهم جدتهم او عماتهم عالاقل

وثانكس عالموضوووع

 

[احساسي غريب]

انا مو متزوجه ولايعه جبدي من الوظيفه والدوام واذا تزوجت وربي رزقني بعيال اول شي بسويه اقدم استقالتي واقعد اربي عيالي وادير بيتي والرزق على رب العامين محد ميت من الجوع وانا وحده احب التجاره والبزنس يعني اقدر اسوي لي مشروع صغير على قدي يساعدني بلا ازعاج الداوم والمشاكل اللي فيه والحش وعوار الراس والراتب كله يطير على خرابيط وحطات هذي تزوجت حطو لها وهذي ولدت حطو لها وهذي سكنت بيت جديد حطو لها هذا غير البوفيهات كل يوم والثاني قطو فلوس بنسوي بوفيه لفلانه وانتي ماشيه انا اقول فكري واستخيري والله يكتب اللي فيه الخير

 

[فطووومة]

انا تقاعدت ما استقلت عندي بنتين الصغيرة عمرها 7 احس اني حيل تفرغت لها الحين اكثر من ايام الدوام
مع ان الكل يقولي ليش تقاعدتي تو الناس بس وايد ارتحت الحين وافتكتيت من حنه الحريم هههههه

بس لو ايام ما كنت موظفة ما اتوقع اني استقيل الصراحة ما قدر تعودت اني اصرف ويمكن لان ما كان عندي الا بنت وحده ويوم كانت صغيرة عند امي الله يرحمها ويجزيها الثواب الحسن عنا

اذا انتي ممكن تسوين لج مشروع تديرينه من البيت وعندج عيال صغار استقيلي
الله يوفقج ان شالله

 

[نوره في وسط صوره]

انا استقلت لرعايه عيالي بس لما مرت فتره تندمتخاصة لما تطلبين من زوجج المصرف ولا شي بخاطرج وماتقدرين تجيبينه غير الضيقه من البيت والنجره مع الزوج وين رايح ووين راد وليش ماتقعد معاي وليش مخليني بروحي ؟؟؟
شي يغث ويهم الواحد
خاصة اذا عليج مواجيب وراعية سوق وروحه ورده حتى اذا بتسوين شي اتفكرين بميزانيتج الي من زوجج
اقول خلج بدوامج ابرك فلسج يعزج ويظمن حياتج الماديه لج ولعيالج الرجال ماينظمن
نصيييييييييييييييييييييييييحه

 

[x.Lina.x]

استخيري