منو عنده خبره بحوض السمج؟؟

[music_teacher88]

قوووه بنااات

بسألكم عن احواض السمج


من وانا صغيره اشتري السمج الي بالقوطي الشفاف احطهم بعلبه ويموتون ادري طريقه بدائيه بس اموت على السمج
بس مابي يموتون


الحين ابي اشتري حوض صغيرونن بحطه بغرفتي شلون اهتم فيه وماخليه يموت والتنظيف وهالسوالف شلون ؟؟؟لان ماراح اخلي الخدامه تجيسه انا بهتم فيه

صعب الاهتمام فيه ؟؟ الفلتر يغني عن التنظيف؟؟

وجم تقريبا يكلف حوض صغير فيه اعشاب وسمج وفلتر يعني بحدود ال60 معقول


اذكر هني بنيه كانت حاطه ان زوجها عنده محل سمج ياليت تفيدنا


وشكرااااا مقدما

 

[lojeeen]

والله من ناحيه التكلفه فيعتمد على حجم الحوض و انواع السمج اللي خاطرج فيها
أما من ناحيه العنايه أهم شي تبتعدين عن المنظفات مثل الصابون و الديتول و المعقمات و الماي الحار هل أشياء تقضي على السمج
و لازم تدرسين كل نوع من انواع السمج شنو نوع الأكل اللي يحتاجه و كميته و درجه حراره الماي المناسبه له و مع منو يتعايش
هل معلومات تلقينها بالنت بكثره بس ديري بالج من الهندي ترى ما يعرف شي بيقولج كل السمج يبي ماي دافي و كل السمج يعيش مع بعض على شان شذي السمج يموت بسرعه عندنا

 

[AmOoNa-]

اي صح كلام لوجين ديري بالج والاحواض ماتوقع غاليه على حسب الحجم الي تبينه واول ماتيبينه لازم تغسليينه بماي حار وملح اهو والفلتر والهيتر والصخر ولاتحطين في تحف وتماثيل جيريه وخرابيط تره تخرب الماي ولازم تحطين في هذا مال الكلور يوم كامل او يومين جنه قبل لاتخطين السمج مومتاكده بس انتي اشتري الحوض وبطي الشغل والسمج اشتريهم يوم ثاني

 

[music_teacher88]

يسلمووو بنات على الردود ودخلت منتدى بس للسمج خل اتعلم عدل واسوي حوض لان مابي يصير بذمتي ويموتون

 

[فراشة كويتيات]

هلا حياتي شلونج ان شاء الله بخير
حياتي في منتدى اسمه محبي الحيوانات الاليفة وفي قسم خاص للسمج دخلي
هذا رابط المنتدى http://www.ourpetclub.com/vb/

 

[alotroja]

شوفي عيوني
البنات ماقصرو بس احب اقولك انو في سمكه اسمها السمكه المنظفه
هذي تجيبينها مع انواع السمك الثانيه وهذي تنظفلك الحوض
لانها تتغذي علي الفطريات والرواسب الموجوده بالحوض
صراحه كانت عندي وكانت مريحتني ماكنت انظف الحوض الاكل شهرين مره
وطبعا هناك ادويه للاسماك ومضادات حيويه وشغلات كثيره بس ممتعه
اتمني لك حوض سمك مريح ومبهج

 

[music_teacher88]

فراااشه كويتيااات مشكوووره حبيبتي

alotroja يسلمووو قلبي ايي تقصدين السمجه الصغيره الضعييفه؟ اتوقع اسمها اللزاق قريت معلومات وايد عنها ان شاء الله بجمع معلومات وايد قببل لا اشتري حوض لان مابيهم يموتون

 

[فراشة كويتيات]

حياتي عاد اذا شريتي سمج حطي صورهم اوكي
مو تنسين