منو عندها نعمة الادخار حياها الله

[المزيــونه]

السلام عليكم

بالنسبه لي الادخار نعمه

والله يا بنات لما تصير عندي فلوس الحمدالله ماقصر على نفسي وصج بعد فتره كل اللي قطيت عليهم فلوسي فادني او فاد اهلي

بس وين المشكله ماعندي حسن تدبير الفلوس شي اسمه ادخار مو معترفه فيه

يعني ساعات يكون عندي فلوس ومو محتاجتها اصرفها ماقدر ادخرها

يعني اذا صار عندي ازمه او شي مفاجئ ساعات ماتكون عندي فلوس واتحسف اني صرفتهم على شي تافه واني مادخرت لي جم فلس

زبدة الحجي شلون ادخر اوكي افتح لي حساب التوفير اخاف اسحبهم واصرفهم ؟

شلون انتو تتدخرون وتعودون نفسكم عالادخار

ومشكورين

 

[sweet heart]

شوفي انا قريت عن وحده اهني بالمنتدى تقووول اول ماتفكرين تبين تيمعين,,
اول شي حطي هددددددددددف ليش ابي ايمع؟؟ شنو ابي اسوي فيهم,,؟؟
انا اول مو قادره مثلج لين لقيت شي فعلا ابيه وصار هدفي ان ايمع علشان
اخذ اللي ابيه من غير قروض وبلاوي..عرفتي حبوبه؟
وتوكلت على الله ورتبت اموري وبلشت..
والله عن نفسي شريت ارض بره الكويت بعمان ..
فتحت حساب الدانه واحلى شي فيه ان مافيه بطاقه سحب الي يعني ماتقدرين تمدين ايدش على الحساب
الا تروحين تدخلين البنك وتسحبين و طبعا انا وحده حدي اتثيقل..وكل شهر اسوي تحويل بالنت طبعا
حسب التزاماتي اذا ماعندي شي حولت 100 او 200 واذا عندي التزامات 50 دينار
بس ما احول اقل من 50 دينار بس لازم التزم ان احول شي ومايمر علي شهر الا قاطه بهالحساب شي..
وحمدالله مرتاحه..على فكره حلو ان هالحساب انا مخليته سري و مو قايله حتى حق اقرب الناس لي يعني
بالنهايه تحسين انج قاعده تسوين شي مهم وحلو بينج و بين نفسج وانتي ضامنه محد بيحط عينه عليهم لا اهلج ولا ريلج..
لوووووووول .. شرايج؟؟؟

 

[أنوثهـ حتى الثمالهـ]

انا صراااافه مااقدر
اصلا من زود الشفاحه اسحب فلوسي كلها واروح ااتسوق
شكل مالي حل

 

[بنت الاحلام]

شوفي انا اقول لج حل

سوي لج حصاله وجنها قطيه وكل اول شهر حطي فيها مبلغ معين الزايد عنج من راتبج 100 او 200

وخليه ولا تبطلينها الا وقت الحاجه فقط

وبس

سهله السالفه

 

[بطريقة]

http://www.q8yat.net/showthread.php?t=421533


انشالله تستفيدين

 

[وسن 11]

للرفع

 

[alhnan]

افتحي حساب توفير بالبنك الي تبينه
سوي استقطاع شهري من راتبج لحساب التوفير بالمبلغ اللي تقدرين عليه على حسب دخلج وراتبج ومصاريفج
كيفج تبين تاخذين البطاقه او لا... انا عن نفسي عندي البطاقه لاني احتاج و اسحب منه
واذا تقولين ما عندج دافع.. خللي دافعج انج لما تحتاجين ما تذلين نفسج ولا تتبهذلين.. لو قعدتي بالبيت بدون وظيفه هل راح يكون عندج مصدر رزق ثااني؟؟؟ اذا انتي مبحبحه يمكن ما يكون دافعج قوي بس بالنسبه لي لو قعدت بالبيت لاي ظرف.. بموت من الجوع انا على الله و على هالمعاش.. وسلامتج و تعيشين..
بالنسبه شلون راح تتعودين .. طبيعي لما يقص الاستقطاع بتتكيفين مع الباقي اللي بحسابج شهر ورا شهر بتتعودين.. و اكيد بتمرين بظروف وتسحبين من التوفير كلله او جزءه بس خليه للشديد الأوي على قولتهم مو للتسوق و الخربيط..

طولت عليج... تحياتي

 

[CrystalQ8]

انا اقول لج دخلي جمعيه مع ناس ثقه وخليج اخر وحده تستلمها وعلي طول روحي البنك وخليها وديعه هذا نظامي والحمدالله وفرت

 

[مـــــــذهـلـة]

صج حطيلج هدف هذا اهم شيء

وشوي شوي تتعودين لوتقصين من فلوسج بس خمسين وبعدها كل ماتتعودين زيدي خمسين وهكذا

انا عن نفسي ودي ابطل حساب من ورا اهلي عشان مايحطون عيونهم عليه

 

[مـــــــذهـلـة]

سالفه الحصاله مو حلوه بطلي حساب توفير منها ينقص من معاشج مبلغ وقدره ... كل شهر ومنها تستفيدين من الفوايد

اما الحصاله ممكن تضيع ولا تنسرق وقريبه منج يعني بسرعه بتصرفينها

اما ان كانت بالبنك بتجيج فترات اتكيسلين

وللمعلومه قايلها لي شيخ المعاش الي يطير بسرعه مافيه بركه تصدقو لو كل شهر بعشره لبيت زكاه موثوق فيهم لان بعضهم نصابين او تعطونهم ناس محتاجه تعرفونهم احسن منها تدفع البلا عنكم ومنها عشان مايطيرالمعاش ويصير فيه بركه