منو عندها فكره عن عملية البالون لتخفيض الوزن ؟

[دلوله الحلوه]

السلام عليكم بنات جد محتاجة مساعدتكم وانتو فيكم الخير والبركه :ggdw: انا بصراحه ناويه انشالله اسوي عملية البالون إلي 6 اشهر وشيلونها لى بس حبيت اعرف الى مسويتها تفيدني هل زينه ولا لا واذا فيها مضاعفات او الم ، وابي اعرف وين سوتها وبجم؟ ابي مكان مضمون وعند اي دكتور بلييييز بنات ساعدوني:krkrkr:

 

[amani]

أنا خالتي سوته بالمستشفى العسكري بس ما شالوا البالون منها بس الصراحه اضعفت حيل وبعد سنتين ببدت تسمن بس مو مثل أول لأ جسمها متروس بس مو ضعيفه كلش ولا متينه مثل أول بس ما شالوا منها البالون وكانت ترجع يعني تقريبا اعراضها مثل الحلقه وهي أول حاله سووها بالعسكري للتجربه بس بعض المرات تشتكي منها تقول تعور معدتها بس الطبيب قالها هذي حاله نفسيه مو من البالون

 

[دلوله الحلوه]

مشكورة حبيبتي ووايد بس بقيت اسالج يعني اهيا وايد كانت متينه ولا عادي ؟وجم اضعفت وايد جم كيلو ؟ يقولوون انه اول الايام تتعب بس بعدين عادي تتعود المعده يعني بس اول ثلاث ايام صج هالكلام وتقدر تشرب ماي عادي ولا تقص ومشكوره حبي

 

[دلوله الحلوه]

بناااااااات اشدعوا يالله نبي فزعتكم معانا لاني فعلا محتاجه احد ينورني

 

[nono777]

انا بعد مثلج وسألت عنها ودقيت من فتره عند دار الشفا يسونها الأطبا إلي عندهم على 750 مع يومين بالمستشفى وانا ودي اسويها بس متردده وخايفة ما دري ليش؟ وياريت تفيدوني إذا أحمد مسويها؟

 

[دلوله الحلوه]

هلا نونو صباح الورد اقولج الى سمعته عنها انها وااايد سهلا يعني بس العملية 10 دقايق الى نص ساعه ومو جراحه بس بالمنظار وانا شفتها بيوتيوب شكلها مايخرع يعني انشالله امنه ولازم بهالفتره ماتحملين فيها لمده ست اشهر بس انا ابي اعرف اذا في وحده مسويتها تفيدنا يعني تقولنا شنو مضاعفاتها اذافي وعند اي دكتور مسويتها وتعبت بعد العملية ولاعادي ؟

 

[زهقاانه]

يعني اشلووووووون البالون

صرااحه ودي اعرف تفااصيل عنها لاني اول مره اسمع عنهااا

انا اعرف شفط دهون تغير مساار

تكفين فيديني واذا عندج الرابط حق العمليه طرشي على الخاص

 

[oum 5ald]

اشوووه اني دخلت قبل لاتسوينها
انا سويتها
اول شي اقولج لاتسوينها
ثاني شي لاتسوينها
ثالث شي لاتسوينها
رابع شي لاتسوينها

خامس شي لوووووووول
انا سويتها عند موسى خورشيد
طبعا انا سويتها قبل لا اتزوج
وكان وزني حزتها 88
ولمن شلتها كان وزني 89 لووووووووول
والله فاشله فاااشله فااااشله من قلب اقولج اياها
تخيلي اول الايام نزلت لي 80 وتالي ردييييييييييييييييييييييت اللي نزلته وكيلو مجانا" لووووووووول
ما انصح فيها بالمره
واي سؤال حاااضره وبالخدمه

 

[ام عيالها الغاليين]

ليش ماتسوين تغيير مسار وايد أأمن منها

 

[oum 5ald]

وانا بعد انصج بتحويل المسار يهبل حده

 

[كرسبي كريم]

خرعتوني منها لان ودي احط حلقه بس اختي قالت لي البالون اامن وواحسن
الحين شكلي بشيل فكره العمليه من راسي نهائياااا

 

[أم الفهود]

مرت اخوي سوت الحلقة بالعسكرى وفشلللللللللللللللللللللللت

وبعدين شالتها وحطت البالون وفشلللللللللللللت بعد

والحين صايرة شمتنها ونصيحة شوفيلج طريقة غيرهم

 

[دلوله الحلوه]

حبايبي صباح الخير اول شي مشكورين كلكم على اردودكم الحلوه انا بصراحه مو وايد متينه يعني طولى 164ووزني 79 وبصراحه انا رحت امس حق دكتور خالد الشرف وقالى انه احسن عمليه لى اهيا البالون بس لازم معاها رجيم خفيف لانها ماتسوي شي بدون رجيم وانا وايد سويت ريجم بس بس ابي شي مساعد لى اني انزل لانه نزولى واايد صعب وبسالج ام خالد انتي كنتي تاكلين عادي وشلون اول يومين بمن العملية ؟ وابي اعرف ولى عافيج ضروري الفتره الى نزلتي فيها جم وجم خذت عليج؟

 

[دلوله الحلوه]

ام خلوود لاطولين على حبيبتي ابي اعرف شلون طريقتها واشلون قمتي تاكلين عادي لانه الدكتور قالى اتحسين انه ماتقدرين تاكلين صج؟ يعني اتحسين انه منقثه مو قادره تكلمين الاكل بس تاكلين اشوي شلون اتقولين انه رديتي عادي تاكلين ؟ وابي اعرف جم طولج اذا ممكن ؟

 

[oum 5ald]

منو قالج
اول يومين مادري 5 ايام موذاكره بالضبط عزج الله بس ترجعين وصج تتعبين انا كانت امي تنام عندي وكنت من قلب تعبانه

وبعدين عادي قمت آكل كثر ما ابي واي شي ابيه وماحس بشبع ولا احس بشي

كل شي عااادي كان ماصار ولا شي وبعدين شلتها والوضع طبيعي
طولي 156

 

[دلوله الحلوه]

صباح الخير ام خالد ادري يننتج ميخالف سامحيني حبيبتي بس بسالج يعني انتي جم قعدتي بالظبط ست اشهر وشلتيها ووجم الفتره الى ضعفتي فيها؟ وبجم سويتها انا قالولى عند السلام بسويها قالولى ب850 الى 900واشلون اتحسين بشي قريب بالمعدده ويصير اسوي رياضة؟ ولا اتحسين شي داخل معدتج؟ اخاف تنبط وانا اركض ههههههههههههههههههههه انزين اشلون كنتي تاكلين ؟ وتضعفين يعني اكيد اتحسين انه في شي قاثج صح؟

 

[oum 5ald]

صباح الخير ام خالد ادري يننتج ميخالف سامحيني حبيبتي بس بسالج يعني انتي جم قعدتي بالظبط ست اشهر وشلتيها ووجم الفتره الى ضعفتي فيها؟ وبجم سويتها انا قالولى عند السلام بسويها قالولى ب850 الى 900واشلون اتحسين بشي قريب بالمعدده ويصير اسوي رياضة؟ ولا اتحسين شي داخل معدتج؟ اخاف تنبط وانا اركض ههههههههههههههههههههه انزين اشلون كنتي تاكلين ؟ وتضعفين يعني اكيد اتحسين انه في شي قاثج صح؟

لاا عادي شدعوه ماتنلامين
انا سويتها ب1000 عند موسى خورشيد بمستشفى دار الشفا
قعدت اكثر من 6 اشهر لاني كنت خايفه اشيلها
يصير تسوين كل شي وماتحسين فيها
وانا كنت اكل كل شي ما انمنعت عن شي ابدن ابدن
لووووووووول لا متينه ماتنبط مااا ضعفت يوم شلتها ولا زايده كيلو على وزني الاولي
الفتره اللي نزلت 8 كيلو كانت اول اسبوع او 10 ايام اللي بس تشربين سوائل
وكان شرب الماااي عذااااااااااااااااااااااااااااب لانه ثقيل عليج

 

[دلوله الحلوه]

يابعد قلبي يا ام خلوود والله ماقصرتي على الافادة وانا بصراحه ودي اسويها لانها مو واايد غاليه يعني انا مابقى شي ماسويته خبااال مابقى نادي مادخلته مابقى رجيم وماسويته خلينا نجربها شورانا ونسوي معاها رجيم وبقولج شنو يصير معاي انشالله ومشكورة عمري.. ولى عندها اي افاده اتضيفها خواتي لاتقصرون بلييييز اي وحده عندها ناس مجربينهاوانجحت معاهم اتفيدنا حبيباتي

 

[INFINITY]

كنت اتعبث بقوقل و شفت موضوعج ,,
و سجلت بالمنتدى خصوصـــي عشان اقولج ,,لوووول

انا موعدي بهالعملية عقب 18 يوم !!

بس مو بخاص بسويها الـkoc عند دكتور حاتم و وايد زين

على كلام الدكتور يقول..........
العملية عبارة عن منظار بآخره في بالون يتفخونه بماي
اول اسبوعين راح تحسين بلووووعه قوييية و له بس سوائل
و بنفس الوقت مو يعني سويتيه تاكليم اي شي لا لازم يكون عندج ارادة
عالعملية بدون اراده مالها داعي لازم بنفس الوقت تنظمين اكلج...

وانا لما اسويها اقولج شصار معاي

 

[miss_Ba6oOo6a]

فااااااااااااااااااشله ومافي دكاتره يسونها وايد واذا لج خبره مع الدكتره لما اتدشين عندهم ما يحطووون جدامهم غير مجسمات الحلقه والتحويل
واهي تترس المعده بحيث ما تاكلين مجرد ان تنشاااال المعده راح اتكون اكبر من قبل وراح يزيد الوزن و ووايد ما نزلووو علييييييها
دامج داشه عمليه وبنج دشي بشي يسواا ويدوووم معاج مو بالوووووووووون وانتي بالسبعينات وزنج مو 90 وفوق عشاان ترحين للعمليااات
تره كل العمليلت فيهم تعب تعبي علا شي زين اقول نزليهم برجيم ناندي ولا زيرونا ابرك لج