منو عندها فكره عن البنك الدولي!

[MicRoGlittEr]

يعطيكم ألف عافيه ان شاء الله

عفيه منو عندها فكره عن البنك الدولي او سامعه عنه او تعرف احد يشتغل او كان يشتغل فيه تفيدني وبميزان اعمالها ان شاء الله

ومشكورين مقدما ​

 

[MicRoGlittEr]

عفيه اللي عندها اي معلومه لا تبخل علي لان ناويه اقدم يوم الاحد

والله يوفق اللي تفيدنا ويجعله بميزان حسناتها يارب

 

[يوم جديد]

ودي افيدج بس ماعندي فكرة

 

[xQueen]

جنه يعتبر بنك اسلامي .. والتقديم فيه بالنت انا رحت امس وعطوني موقعهم كتبي بقوقل بنك الكويت الدولي وقدمي السي في على العنوان الي كاتبينه بالموقع وترى ماياخذون اي احد يبيلج واسطه قويه

 

[الملااااك]

أهلين ..
انا موظفة في البنك الدولي
الدوام وايد حلووو والمكان بعد
واذا عندج أي استفسار انا موجودة

 

[كلي رومانسية]

أهلين ..
انا موظفة في البنك الدولي
الدوام وايد حلووو والمكان بعد
واذا عندج أي استفسار انا موجودة

يعطيج العافية حبوبه ،، بسأل شنو طبيعة الدوام والمعاش يعني يستاهل أنا قبلوني بالاوسط دوام جزئي وبعد العيد إن شاء الله دوامي ،، ومعاش الاوسط حق الجامعي اعتقد 1300 ،، وعلى فكرة الاوسط بإن الله إسلامي بشكل رسمي 1/1/2010​

 

[Blue_Eyes]

1300 ؟

معقوله ؟؟ .. اللي اعرفه الوطني ما يعطي راتب هالكثر .. الله يوفقج يا رب باللي فيه خير .

 

[كلي رومانسية]

1300 ؟

معقوله ؟؟ .. اللي اعرفه الوطني ما يعطي راتب هالكثر .. الله يوفقج يا رب باللي فيه خير .

مشكورة حبيبتي ،، والله هالكلام سامعته من وحده تشتغل بالاوسط بس يمكن يعتمد على المنصب اللي ماسكته عرفتي ،، وهم سامعه إنه الاوسط وايد يدلع موظفينه يعني إن شاء الله خير . ​

 

[MicRoGlittEr]

والله انا بعد حاسبينها لي وقالو لي ان ما يفرق الراتب بين البنوك لان الجامعي الاساسي ياخذ 500 وشوي + دعم العماله 420+ في بدلات وشغلات صراحه ماعندي فكره عنها بس اعرف ناس بالاوسط ياخذون 1300 و واحد من اهلي يشتغل بالوطني وعنده دبلوم معاشه وصل ال100 ما شاء الله فأتوقع اكيييييد الجامعي اكثر

 

[MicRoGlittEr]

جنه يعتبر بنك اسلامي .. والتقديم فيه بالنت انا رحت امس وعطوني موقعهم كتبي بقوقل بنك الكويت الدولي وقدمي السي في على العنوان الي كاتبينه بالموقع وترى ماياخذون اي احد يبيلج واسطه قويه

مشكوره حبيبتي يعطيج الف عافيه وكل مكان يبي واسطه حتى اردى مكان بالديره محتاج واسطه يعني اللي عنده باكلورياس بهالوقت صار جنه عنده ثانوي والله حاطين هالشهاده وندور على الواسطه!!!! عيل ليش نتعب وندرس ما ادري :0bee2e8d89:

الله يوفقنا يارب

 

[غالية زمانها]

انا اعرف وحده تشتغل اهناك جامعيه
وعندها خبره ببنك التمويل سنتين وبعدها اشتغلت بالبنك الدولي الاسلامي
بس معاشها ماوصل 1300
مابي اضيق خلقج والله

 

[^^ROSE^^]

يعطيج العافية حبوبه ،، بسأل شنو طبيعة الدوام والمعاش يعني يستاهل أنا قبلوني بالاوسط دوام جزئي وبعد العيد إن شاء الله دوامي ،، ومعاش الاوسط حق الجامعي اعتقد 1300 ،، وعلى فكرة الاوسط بإن الله إسلامي بشكل رسمي 1/1/2010​

حبوبة بسألج انتي حطوج كول سنتر ولا فرع بالاوسط؟
لان ودي اروح كول سنتر وبعرف شلون نظام الساعات انا انقي متى اروح ولا هم يحددون؟
برقان يخلون الموظف يحدد متى بيداوم اذا بارت تايم كول سنتر مادري الاوسط جذي ولا غير؟
وكثر تميتي على ماقدمتي واتصلوا وقبلوج؟

 

[Blue_Eyes]

والله انا بعد حاسبينها لي وقالو لي ان ما يفرق الراتب بين البنوك لان الجامعي الاساسي ياخذ 500 وشوي + دعم العماله 420+ في بدلات وشغلات صراحه ماعندي فكره عنها بس اعرف ناس بالاوسط ياخذون 1300 و واحد من اهلي يشتغل بالوطني وعنده دبلوم معاشه وصل ال100 ما شاء الله فأتوقع اكيييييد الجامعي اكثر

بضبط .. عدل كلامج حبيبتي .. بس سالفة الأوسط أول مره اسمع عنها وبصراحه شي غريب شمعنه اهالبنك بالذات راتبهم اعلى ؟ اعتقد الوظيفة هذي بذات فيها مسئولية و شغل اكثر من غيرها .. وبنسبة للدبلوم اللي راتبه وصل الألف لأنه خدمة أعلى + يشغلونهم اكثر من اللي عندهم بكالريوس مثل الفنيين اللي يشتغلون بالنفط رواتبهم اعلى من المهندسين تصوري !

عموما لا تنسين أنه دوام البنوك هم تغير .. من 8 الى 3 مافي دوام عصر .

بنسبة للبنك الدولي هم انا مع اللي قالت انه دوامهم مريح لأني هم سمعت هشي عنهم .. بس ما عندي فكره عن رواتبهم .

موفقه ان شاء الله

 

[كلي رومانسية]

حبوبة بسألج انتي حطوج كول سنتر ولا فرع بالاوسط؟
لان ودي اروح كول سنتر وبعرف شلون نظام الساعات انا انقي متى اروح ولا هم يحددون؟
برقان يخلون الموظف يحدد متى بيداوم اذا بارت تايم كول سنتر مادري الاوسط جذي ولا غير؟
وكثر تميتي على ماقدمتي واتصلوا وقبلوج؟

ليلحين ما أدري راح يدقون علي قبلها ويحددون معاي شنو طبيعة شغلي عرفتي ،، بس خيرتني اذا أبي ادام الصبح ولا العصر وقالت لي أكلمج قبلها اقول لج أي فرع أو أي ادارة وإن شاء الله خير لي ، وعلى سالفة متى قدمت كان على شهر يونيو بس يوم قدمت قالوا لي ماكو بارت تايم بس خلي أوراقج واذا تخرجتي ان شاء الله نتصل فيج على اساس باقي لي بس كورس واحد ، والحمد الله كلمنوا قبل رمضان باسبوعين وقالوا لي في بارت تام تبين ولا لأ عرفتي​

​

 

[كلي رومانسية]

بضبط .. عدل كلامج حبيبتي .. بس سالفة الأوسط أول مره اسمع عنها وبصراحه شي غريب شمعنه اهالبنك بالذات راتبهم اعلى ؟ اعتقد الوظيفة هذي بذات فيها مسئولية و شغل اكثر من غيرها .. وبنسبة للدبلوم اللي راتبه وصل الألف لأنه خدمة أعلى + يشغلونهم اكثر من اللي عندهم بكالريوس مثل الفنيين اللي يشتغلون بالنفط رواتبهم اعلى من المهندسين تصوري !

عموما لا تنسين أنه دوام البنوك هم تغير .. من 8 الى 3 مافي دوام عصر .

بنسبة للبنك الدولي هم انا مع اللي قالت انه دوامهم مريح لأني هم سمعت هشي عنهم .. بس ما عندي فكره عن رواتبهم .

موفقه ان شاء الله

بس اعتقد راتب الجامعي شي طبيعي راح يوصل على الاقل 1000 دينار والسبب المعاش الاساسي 500 + دعم العمالة 420 غير البدلات ، وأنا اعرف وحده اشتغلت في بنك الخليج جامعية قبل فترة قريبة معاشها فوق الالف لا تستغربين ، والله يكتب لنا الخير في كل شي إن شاء الله . ​

 

[MicRoGlittEr]

اب اب فيدونا بنات