بغيت اسالج اذا بروح بلجيكا شلون اروح لنمسا وسويسرا وفرنسا والمانيا اذا عندج فكرة طبعا لانهم قراب يم بعض وادي اخذ شهر7 واوزعه بين هالدول لاني ااسا بروح بلجيكا شغل وبالمرة امر عليهم بالريت تفيدينييييييييييييييييييييي.
اول شي الي بيستانس بالسفر ما يكثر بالتنقل
يعني تروحين خمس دول بشهر وايد انا اقترح عليج اقتراح عقب ما تخلصين من شغلج في بلجيكا
يا اما تروحين سويسرا وفرنسا او المانيا والنمسا
اذا اخذتي الاقتراح الاول اخذي طياره من بلجيكا لين سويسرا
وطلعي من مطار جنيف من البوابه الفرنسيه المطار له مخرجين فرنسي وسويسري واخذي السياره من يورب كار المخرج الفرنسي لان السعر بيفرق وايد عن المخرج السويسري احنا فرق معنا 350 دينار
اذا خلصتي من اجراءات السياره بيعطونج مفتاح وتمشين جم خطوه ولا البارك تحتج تشغلين الرموت وتعرفين وين سيارتج
وعقب تكوني اولردي مبرمجه الجارمن على مكان الفندق تبين نصيحتي اخذي فنادق الجانب الفرنسي شقتي العام كانت تينن عن بحيره جنيف 10 دقايق ودورين ومكيفه ونظام فندقي ب88 دينار الليله وفي منها احجام طبعا شقتنا كانت اكبر حجم يعني اذا تبين سويت يطلع حول 45 دينار
وهناك تقدرين تطلعين كل يوم الى رحله (( لوزان ايفيان شاتل مونترو انترلكن جنيف وااااايد رحلات ما تحضرني الحين اذا جزمتي اعلمج
وعقب شدي الرحال الى باريس وقعدي فيها اسبوع فريها بالسياره وطبعا باريس اكثر شي شوبنج
الاقتراح الثاني تطلعين من بلجيكا الى ميونخ ومنها الى زيلامسي وسازبورج وانس بورج انا اطلع لهم كلهم من زيلامسي احب اقيم في مكان واحد وانتقل برحلات يومه وارجع بالليل شقتي وايد اريح ما احب الشيل والحط
وعقب ما تمشين بالنمسا ردي المانيا وقعدي يا اما في ميونخ او في جارمش وقعدي اسبوع هم تقدرين تسوين لج خوش برنامج+ الشوبنج بهالاسبوع وانا اساعدج اذا جزمتي
الاختيار الاول يمكن يكون ارقى واونس الي هو فرنسا وسويسرا بس ها اغلى وايد زهبي لج همجه فلوس
_03ba:
الاختيار الثاني طبيعه وهدوء ورمبو وارخص بكثير من الاول واهو اختيري لصيف 2009 ان شاء الله
نصيحتي لاي وحده بتروح اوربا لااااااااااااازم تستأجرون سياره ولا ما تستانسون
