منو صار في اعيالها مثلي

[حرير]

طبعا انا عندي خامس ورابع ابتدائيباقي باجر ونخلص على خير وحسبي الله ونعم الوكيل على اللي سووه بالابتدائي هالسنه
...من امس وانا ادرس اعيالي لاحظت انهم قفلوا يهزون راسهم وبس ويحنون جم الساعه نخلص....بالمختصر الشديد ملووووو
الولد ادرسه ومره يناقز ومره يلعب جمباز...
والبنت نشفت ريجي بالاسئله اللي ما ادري من وين تجيبها....وتتثاوب....وبتنام
....الله يستر ويامدرسات الله يعينكم انتوا بعد.:blueSmCLR:..بس ساعدوهم....لانها بصراحه شي فوق طاقتهم مساكين

 

[حلم الطفولة]

لا حول ولا قوة إلا بالله ,, الله يكون بالعون
جان زين يسوون لجنه مختصه وخبره ويبعثونها بعثات بره : كندا ,, ماليزيا يستفيدون عشان توضع خطط صح للأطفال في المدارس .

 

[on line]

الله يعين انا ادرس رياضيا ت اليوم
ويوم وصلت وحده الاطوال قفل مخي اول مره اسمع شي اسمه ديسمتر
الله يعين يارب ويوفقهم
يعني شفيها الاختبارات الشهريه الا اختبار اخر سنه ومن الوزاره بعد؟
الله يوفقهم يارب

 

[سلطـ زمانها ــانة]

ههههههههههههه الله يعينكم

بس انا اوقف مراقبه على لجان ابيييييييه انصدم فيه طلبه مايعرفووون يكتبون

وبيني وبينكم والله ياكثر ماساااعدت صج يعورون قلبي اكتب لهم الكلمه عالطاوله :$

 

[SWEETY RAIHAM]

اله يستر على اولادنا وينجحون

 

[Turquoiseya]

كل الطلبة قفلت عقولهم
ما ينلامون ملوا من الدراسة
شنو امتحانات هم للحين في سن الطفولة
حرام عليهم نغصوا عيشة هالاطفال

 

[دلالي@]

انا لما درست بنتي الانجليزي والرياضيات حيل تعبتني
....القواعد ركضة ركضة والله مو فاهمة شي ميح

 

[حرير]

احنا قفلنا بعد ....والعام الدراسي هالسنه طويل واربع امتحانات وابتدائي ياناس مو جامعه...الله كريم

 

[المرام]

اااااااااااااااااه ,,عورني قلبي من التدريس ,,انا عيالي في سنه رابعه بنت وولد,,واحمد ربي انهم نفس المنهج والامتحان ,,,الله يعين اللي عندهم مراحل مختلفه ومتقاربه من بعضها ,,,

فعلا اليوم احنا اللي قفلنا وهم بعد ,,,كل اشوي ,,,يمه حمام ,,,يمه جوعان ,,ابي شاي حليب ,,ابي اشوف اسبونج بوب,,,مساكين ما ينلامون

,,شي مو معقول ,,,قسمه ,,,كسور ,,قياسات ,,وهندسه ,,,واللي باط جبدي الشهور ,,,شفتوها اشلون حاشرينها ,,,شكو الشهور !!!!
اتمنى من الله ما يخيب تعبنا وتعبهم ,,والفال حق بنتي اللي بعاشر ,,شر,,شر,, اي والله عاشر شر,,,وسلامتكم

 

[on line]

انا مادرستهم الشهور
الله يستر داشه بالامتحان ولا؟؟
بس انا عيالي من يردون يقولون لي انه المدرسات يغششونهم
كل يوم اقولهم مايصير حرام الغش
الحين اقول يارب اليوم يحصلون احد يساعدهم يارب

 

[أمانيQ8]

اي عندي وعندج خير بنتي بخامس ومتفوقه ماشالله واتصوري احنا خلصنا العلوم بس بقى نراجعه هذا قبل الامتحانات تخيلي اول امس اراجع لها البنت قاااااااااااااااااااااااااافله جنه شي يديد عليها اول مره تسمعه انا اشرح واهي اتثاوب ....وماده البوز اتعبر وبتبجي قلت لها اللي درستج اياه وين راح؟؟؟؟

فاقالت لي بنتي الكبيره يمه نيميها الحين وقعديها الساعه 6المغرب اتصوري نومتها وقعدتها خليتها اتريح وعقب قلت لها روحي حفظي هالمصطلحات...تصوري اقفلت من قلب عدل مو قادره حتى تحفظ الانعكاس الضوئي...انا اقولها سمعي تقول ...هااا...نسيتاخرتها امي دقت وعطتني محاضره تقول ذبحتي اليهال بس الداد لهم ملوا لا اتأذينهم واتأذين عمرج بس يبا ماصارت ...اقولها يمه البنت جنها اول مره تشوف الكتاب وهذا علوم ماينسكت عنه منهجهم مترووووس ودسم قالت بس لا اتأذينها انشالله ماهي ساقطه...وصج اخرتها طقت جبدي قلت لها روووحي نامي بس شسوي فيج ؟؟

والله حرام عليهم بس ما اقول الا حسبي الله ونعم الوكيل

 

[78MariMar78]

أختي حرير
ايه والله الكل قفل
مو عيالج بس
هذا التقفيل صاير حديث الساعة...

الحمدلله عدت على خير

ويارب بالنجاح والتوفيق للجميع

وربي لا يضيع تعب عيالنا ولا تعبنا

 

[أم عبووووود]

والله اماني تسولف عن بنتها بالضبط ولدي بس هو برابع

امس قفل تقفيله مو طبيعية بالرياضيات وهو اسم الله عليه متفوق وربي يحفظه كان حال امتحان التجريبي بدون دراسة وامس شي شي مو هو والله قمت اصارخ بعدين هديت قلت حرام ماينلام من التعب والله

اشدعوه عليهم كلهم ابتدائي

افكر باللي عندها ياهل ضعيف شلون تدرسه ربي يعينها والله مشكلة

الحمد الله يارب افتكينا

كل عام وانتو بخير

 

[هنوف أم سالم]

امبيه انا ولدى سالم عيزت وآنا أدرسه وهو الله يحفظه فى الصف الخامس أول مره مسكين قام ينافز ويطامر وآنا ألبح واتكلم ويوم امتحان الأجتماعيات آخر شئ راسى قام يدور ويوم ادرس للدين بغيت ابكى وآخر أمتحانين قام يطالع شعره بالمنظره ويمشطه كل دقيقه حسبى الله ونعم الكيل بدعوا فينا هالسنه الله اكبر عليهم:0bee2e8d89::0bee2e8d89::0bee2e8d89:​

 

[حرير]

تعتقدون السنه اليايه عقب اللي صار في اليهال والامهات بيكلمون هالنظام الخربوطه
مساكين الامهات المدرسات اللي عندهم اكثر من طالب ويدرسون اعيالهم ويراقبون بالامتحانات ويصلحون....الله يكون بعونهم

 

[78MariMar78]

ان شاءالله يعدلون السنة الياية
لأنه بصراحة انتحار للطلاب وللأهل

 

[مشاعل الشمري]

الله لا يخسر تعبكم وتعبهم ويفرحكم فيهم:eh_s(6):
ويفرحنا بعيالنا انا ما عندي ابتدائي لكن من اللي شفته هالسنه من عفسه للمناهج:eh_s(14):
ويهال يداومون الين اخر هالشهر مادري شلي بيوصلون له-مادري اهي خطه عشان يزهقون اليهال وينحاشون من الدراسه
اول بدو بعاشر والنظام الموحد والحين هاليهال رابعه وخامس
لا وشان زين ايفيد بالجامعه الا كله بصوب ودراستهم بصوب_03BA:
يالله كل عام وانتو وعيالكم بخير والله يوفق الجميع

 

[كويتيه ذربه]

اي والله انتوا نفس معاناتي انا ادرس وهو يسوي جمباز صاير عندي استنفار مو طبيعي حسبي الله عليهم عقدوهم
اللي منرفزني حطولهم ملف انجازي لي ثالثه ماعرفوا الامتحانات والحين برابعه سوولهم رعب
وامتحان العربي كان طويل 5 صفحات والوقت مايكفيهم الله كريم

 

[anona79]

انا ولدي بخامس يوم كان عليه امتحان اجتماعيات وعليه خسر خاطري
احسه صج غفل وافيوزات ضربت
كنت اراجع لها بعد ما خلصنا تدريس سألته سؤال ما أشوفه الا قام يضحك وأقوله شاللي يضحكك
فجأة قلب مجي ويقول والله بس خلاص ما أقدر تعبت مخي تعب
والله حرام عليهم الكتاب كله ويوميا امتحان ورا بعض
ليش ما يخلون الامتحانات بالجزء اللي ما امتحن فيه بس
العموم الله يوفق وينجح الجميع

 

[Miss.6Mo7]

الله يعطيكم العآفيه يـ أمهـآت ..

عآد أنا هم نفس حآلكم :/ .. متلعوزه مع أخوي بس ما ينلام والله :/
أدرسه وعينه على الساعه وكل شوي يسألني جم باقي ؟ وجم بآقي ؟ .. لدرجه اني وانا ادرسه أسوي حركات واستهبل على كل شغله أبي اشرحها واضحكه وأنا من داخلي لاعت جبدي بس مآسكه نفسي :/

وقمنـآ ننطر متى يعطلون أكثر منهم .. والحمدلله عطلووووووو :eh_s(6):