منو شرت الآلة اللى تسوى القهوة من استاربكس

[ذات الهمة العالية]

أمس ـمشى بالسوق وإلا اشوف ستاربكس رحت حقة وقلت حق الفلبينة عندك موكا بودر علشان أسويها فى البيت قالت لا وما أدرى شلون تقول كنا نبيع آله القهوة وتنباع بالمطار بس الحين موقفين


منو شرتها وكم سعرها وسلهت الأستعمال وإلا لا

وأشكر من تجاوب

 

[شيــوخه]

والله مادري

ان شاء الله البنات يغيدونج

 

[شموخ شيوخ]

ما ادري
و
اب

 

[رحاب]

أذكر وحده كانت معانا بالدوام تقول إنها شاريتها من الوزان وكانت وايد عاجبتها​

 

[وردة-الكويت]

اي وزان وين صاير وعلى جم خذتها
الي تعرف ترا سلني على الخاص ضروري

ومشكوره على الموضوع

 

[ذات الهمة العالية]

وين الوزان بارك الله فيك
وشنو اسم الآله

 

[زيييفا]

ليش عالخاص نبي الكل يستفيد

 

[الحبيبه الدبيبه]

موجوده بسيتي سنتر فرع الشويخ بس ماجربتها اختي كانت شاريتها بقيمة 10 دنانير
وموجوده عند الكتروزان بالشويخ خلف المشاتل

 

[قدســـاوية]

انا عندي غلاية القهوة

 

[ذات الهمة العالية]

لا حبيباتى أنا أقصد نفس الآلة متوسطة الحجم حق القهوة وتسخن الحليب يعنى تسوى المشروبات اللى تسويها استاربكس بالضبط

 

[miss mangu]

حبيبتي تلقينها ب يوريكا صوب قلاايات الجاي و طاحونة القهوه و في منها احجاااام طبي و تخيري
بس للامانه ما اعرف اسعارهم لاني ما طليت عليهم

 

[عزف المشاعر]

هلا اختي هذا الجهاز مال القهوه



شريته من الغانم سعره والله ماني مذكره بالضبط بس مايتعدي ال 30 دينار لان من زمان شاريته صارلها عندي 3 سنوات ماشاء الله حلو استخدامها :rerrerek:

طريقه استخدامها اتحطين الكوفي اللي تبينه انا استخدم نسكافيه بودره اتحطينه بالي جنها كنكا والجهاز من فوق فيه فتحه تتعبا ماي وهي تصخن الماي ولا خلصت صبت لج القهوه بالكوب

وبعدها شفتي العره او البوز اللي علي جنب الجهاز هذا يصحن الحليب ويسوي رغوه الفراره اللي علي جنب هذي اتفرينها اتزيدين الحراره والرغوه
طبعن اتكونيين حاطته بغوري انا عندي نفس غوري اللي بستار باكس الستيل اللي يحطون فيه الحليب اصب فيه الحليب بارد عادي وادخل العروه او البوز اللي بالجهاز داخل الغوري وافر الفراره ويبدي يسخن ويطلع رغوه وبعدها اصبه بالكوب فوق الكوفي وبسسسسسس

 

[ذات الهمة العالية]

عزف المشاعر هذا اللى أبيه الله يوفقك

بس حق استاربكس أكبر وب180 أو 200 ما أدرى هذى الفلبينة قالت لى


الحليب عرف شلون بس القهوة ما عرفت شلون وشنو اللى أشترية من استاربكس الغورى


الله يبارك فيك على الرد
يعنى نستغنى فيه عن ستاربكس اللى بايقنى بوق والله المستعان

 

[عزف المشاعر]

القهوه اختي اتحطينها بالكنكا (( انا اسميها كنكا لانها نفس شكلها بيده )) اتحطين فيها قفشه من النسكافيه بودره
او موكا الجياس اللي يعجبج حطيه



والغوري اهو مو غوري اهو نفس شكله استيل بس من غير غطا

لو عندي الحين جان صورته لج لاني فقدته من نقلت شقتي اليديده وترا ماشريته من ستار بكس لقيته بسوق شعبي بس في غطا ويأدي نفس الغرض

وعادي قمت احطه بكنكا كبيره اكبر شئ لان لا حطيتي الحليب وحطيتي البوز مال التسخين يطلع منه بخار قوي وحار فيطشر الحليب اذا الكنكا مو طويله

واي استفسار انا فالخدمه ياحياتي

 

[عزف المشاعر]

شفتي الصوره الشغله هذي اتحطين قهوتج البودره فيها سواء نسكافيه او موكا المهم وتركبينها بالجهاز الجهاز لا صخن الماي ايصب بالكنكا ماي ويطلع بالكوب قهوه

اتمني فهمتي شرحي هذا اللي قدرت اوصله لج

والجهاز في اكبر في لشخصين وفي لاربع اشخاص بس انا حبيت اخذ ام كوب واحد علشان ماعندي مكان كبير احطه فيه فهمتي لاني بشقه ومطبخي صغيير ادعيلي ان الله يوقفني ويطلع بيتي قريب

وشاكرتلج

 

[توت وتين]

تسلمين أختي عزف المشاعر من زمان نفسي اشتريها لكن مو عارفة أحسن نوعية



شرح واضح يعطيج العافية




والشكر موصول لصاحبة الموضوع :aha:

 

[حرم الحوت]

موجوده من زمان بالغانم بس بنات تكفوووون ديروا بالكم تفتحون الغطا الاسود اللي فوق اللي تعبون فيه الماي اللي يس وي الرغوه لاني ما ادري مره فتحته وشبه انفجر بوجهي بس الحمدلله اني تلاحقت لانه يكون مضغوط مثل جدر الضغط

 

[رحاب]

يعدذروني اللي اسألوني مو حاقرتكم بس والله ماوصلني على الإيميل شي كالعادة ما أدري شفيه المنتدى

الآله اللي أقصدها تسوي كذا قهوة مو نوع واحد وما أذكر سعرها بالضبط بس اللي أذكره إنها رخيصة لأني استغربت من رخصها

الوزان نفسه الكتروزان مكانه ورا سنتر بوينت الري​

 

[yam_yam]

حبيبتي انا شاريتها و من ستاربكس نفسهم قبل سنتين جذي
كانوا يبيعونها ب 99 دينار
و هي هي روعه من شريتها ماقمت اروح كافيهات اقعد بالبيت و اسوي اللي ابي اتعييز
خخخخخخخ

 

[شوقي وغلاي]

عندي منها ماركة كينود من الغانم طالعتلي هدية بس تلوع الجبد الرغوة بس خمس ثواني وبعدين تصير ماي وتختفي مع اني اتبعت كتيب الاستعمال بس ما كو فايدة .....