منو سوت منظار للرحم تدش

[هتووف]

السلام عليكم ورحمة الله وبركاته,,,,

شخباركم؟؟ انشالله بخير


انا متزوجه صارلي سنتين ولي الحين ماحملت وراجعت اكثر من مكان مستشفى هادي وماجده اليتامى بس صراحه ماشفت منهم اي فايده اوتحسن صارلي شي عندهم مايعلم فيه الاالله بقيت اموووت عطوني ابر مقويه خلتني ما تحرك من الافراش ولا اقدر امشي


لين الله فتح علي وقالتلي وحده عن العياده اللي بمستشفى طيبه وطلع عندي تكيس مايروح الا بمنظار وسويت العملية وابشركم انجحت وصارلي الحين 4 شهور من سويتها والله ماكتب لي حمل


منو سوت نفس هالعملية تفيدنـــــــــــــــــــــــي شصار معاها

واخر طلب ادعولي الله يرزقني الحمل بهذا الشهر انا وجميـــــــع المنتظرات:eh_s(8):

 

[Snow-White]

انتي قصدج العملية اللي يسوون فيها كي للمبايض عشان يشيلون التكيسات؟

 

[هتووف]

اي كي شفتها بالفيديو مال عمليتي

 

[Snow-White]

انا مسويتها تقريبا من ثلاث سنين ومالله كتبلي حمل...بس اعرف بنات ماشالله سووها وعلى طول حملووو...والله يرزقج عن قريب انشالله ولا تحاتين

 

[مبدعة]

مستشفى طيبه فاشل قالوا لي فيج تكيس و لازم منظار

ما سمعت كلامهم طبعا رحت فحصت بمكان ثاني طلع ما فيني شي

كلهم دكاترة مصريين بكاشين يتدربون عالمرضى

 

[هندااا]

انا صارلي فوق السنه مسوية منظار ...والله ماكتبلي الحمل


عساج تفرحين بحملج عاجلا غير آجل

 

[hwt]

انا سويتها بطيبه وحملت عقب شهرين بعد العمليه الحمد لله بس طاح البيبي بعدها بثلاث اشهر والله ما كتبلي الحمل دكاترتهم زينين وخاصه دكتور محمد صلاح خوش دكتور بس انا عيبي استحي من الريايل وله جان من اربع اسنين رحتله

 

[دمثة]

الله يرزقكم يارب ويرزقني

 

[أمونة الحلوة]

ربي يرزقج بالذريه الصالحه اللهم امين

 

[هتووف]

مشكورين يابعد قلبي على الردود الحلوه
وانشالله كلنا نفرح بالهشر بالحمال يااااااااااااااااااااااااااااارب

 

[noorq8i]

انا سويت المنظار مرتين المره الاولي في مستشفى لندن الفاشل سويته عندهم وبعدين بديت علاج وما كان فيه نتيجه وقالولي مااسوي المنظار مره ثانيه طول عمري قالي يمكن تخسرين مبايظج وماراح اتحملين طول عمرج
والمره الثانيه لمن سافرت لندن عالجت سويت المنظار من بره وداخل وشالولي التكيس مره ثانيه لان مدت المنظار ست الى ثمان شهور ويرد التكيس مره ثانيه والحمدلله عقب المنظار بشهر حملت في بنتي .

 

[ياشايل الظبى]

الله يرزقج بالذريه الصالحه حبيبتى

 

[الدبلوماسية]

الله يرزقكم الذرية الصالحة ويقر عيونكم بشوفت النونو اللي يترس عليكم البيت

 

[زنوبة الحلوة]

حبيبتي الله يرزقج انشالله وانتي بعد عملية التكيس 4 شهور بس يعني هذا شي طبيعي نطري شوي واذا الله ما كتب بعدين روحي سويي تحاليل ثانية تحددها لج الدكتورة

واله يرزقج الذرية يارب ياكريم

 

[هتووف]

تسلمون ياحياتي

 

[شموخ العجمية]

وين يتسوين انتي انا عندي موعد شهر خمس
ياقلبي اهو شنو حسيتي عقب عملية بعوار او شنو

 

[هتووف]

ما فهمت قصدج؟؟؟ انتي بتسوين العمليه شهر 5؟؟؟؟

 

[اثمان]

الله يرزقج ان شاء الله ويرزفنا معاج