منو سوت ليزر للمنطقة الحساسة ؟

[.Nihal.]

مساء الخير يا حلوين

بداية تنويه:

اللي بتدش تكتب حرم .. ما يجوز .. خافوا الله .. خل تاخذ فوق تحت وتتوكل على الله, الموضوع للاسفسارات مو لطلب الفتاوي, احنا بنات عوايل ونعرف الحلال والحرام وشكرا

نبلش بالموضوع

اي وحدة سوت ليزر للمنطقة الحساسة تكتب لنا تجربتها

اسم العياة + مكانها:

اسم الدكتورة او اللي تسويلج الليزر:

تكاليف فتح الملف:

تكاليف الجلسة الوحدة:

اجمالي الجلسات اللي سويتيهم:

وشنو كانت النتيجة وهل فتحت المنطقة عندج ولا لا ؟

هل كانت الجلسات تعور ؟

اي ملاحظات؟

واي اضافات وشرح مفصل يا ريت تكتبونها عشان تفيدون باقي البنات اللي ناووين يسوون

 

[((غلاي))]

انا و الله ما سويت اخاف
ههههههههههههههه

يمدحون البنات طيبه كلينك و رويال حياة

 

[ناعمه الخد]

انا بكتبلكم تجربتي ناويه اجربه بس لي اليوم موعارفه اي عياده اروح بنات فيدونا

 

[.Nihal.]

غلاي لا تخافين ترا ليزر مو وحش اي صح مدحولي طيبة بس ابي تفاصيل ):

ناعمه الخد ناطرين تجربتج :*

 

[قطوة@@]

بالمنار كلينك كانوا مسوين عرض ايد و ريل كامله مع اندر ارم و بكيني ب٦٥٠ و جنه فتح ملف ب١٥

يهبل الليزر يخلي البكيني بيبي

 

[brat]

آنا سويت بمركز الخليج الدولي الطبي عند إيفا

ماذكر جم كان فتح الملف، بس الجلسة الوحدة ب50، وتدفعين دينارين زيادة حق مخدر أملا

الليزر بارد ما يعور وايد، بس بأماكن معينة

آنا ما التزمت يمكن 3 مرات ورا بعض وقام يطلع خفيف حيل عقبها بفترة، وفتحت المنطقة وصارت ناعمة

وسويت مرة ثانية بس بلندن هم ما كملت بس 3 جلسات

وودي أسوي مرة ثانية عند إيفا

 

[نعوووووومه]

انا بقولج تجربت اختي))
بنفاسها راحت عند عياده والله مااذكر اسمها اسالها واقولج(( انصحج لاتروحين لهالعياده ياحرام تقول جنه حريق ناااار تقول قعدت اصايح واقولها شنو هذا خلاص قالت عادي كل الليزر جذي بس اختي تقول مو معقوله كل العيادات جذي تقول بقيت اموت وماحد يتحمل هالعور اظاهر ماحطو لها مخدر!!!*

 

[Sparkle]

اب اب ومنكم نستفيد

 

[عذبة الروح..]

انا ناوية اسوي. ، انشاءالله البنات يفيدونا

اب

اب

 

[.Nihal.]

قطوة ابي بس المنطقة والاندر ارم بجم !!

brat جنه الليزر البارد مو شي لانه ما يطلع نتيجة ؟ رفيجتي تقول لازم يعورج بشي عشان تكون نتيجة

نعومة واااي الله يعينها عسا بس ما ترك اثار ! اي في ثولات يحطونه وايد عالي ويحرق

ثاانكس سباركل عالمشاركه

 

[انثى الكويت]

خبررررره بالليزر

سويت برويال حياه عنده سستر فلبينيه بالمستشفى

طبعا انا دلوعه ماتحمل شي
اول شي سوا لي ورا الاذون بالليزر وقالو لي بس يطوف ٢٤ ساعه وماكو احمرار او التهاب اييه اسوي ما صار شي الحمدالله

الليزر البكيني ٤٥ دينار ٣ جلسات كل جلسه سعرها ٤٥ طبعا
عاد لو بغيتي تسوين الجلسه الرابعه مجانا حلو العرض

سويت تقريبا ٨ مرات ليزركل شهر وبعدين من خامس مره بس يطلع شعر اروح لهم

طبعا تروحين لهم نظيفه ولازم تشيلين بموس مع الشعر عكس مو مهم بعدين عطوني من قبل وصفه كريم مخدر لما سويت التجربه

وقبلها بساعتين احط بعد التنظيف اروح الي متخدر بسيط ومايعورني
تسويلي بسرعه وتحطكريم ضد الخروق وبس اطلع

طبعا النتجيه ماااااكو شعررررر راحه ونظافه
والمنطقه تفتح بالليزر وناسه

طول حمالي ماكو شعر مرتاحه
بلشت من قبل لا اتزوج ووقت المجله التزمت طبعا نظافه خياليه

وكنت اسوي اباطي بعد والشوارب فكه مره وحده
الاباط ٢٠ والشوارب ١٠ والحنج مرات يطلع مكان الخيط١٥
كنت ادفعهم وانا مستانسه مرتاحه

انصح البنات يبلشون فيه حتى لو مو متزوجه احسن لج عشان نفسج
واي سؤال انا موجوده

 

[معلمة شيسمونه]

شوفي اختي بالنسبة لعيادة المنار نصيحه انحااااااشي

انا سويت عندهم وقبيت
رحت عند العيادات التخصصية بحولي
ما ادري بجم الحساسه لاني اسوي جسمي كله
الييزر بارد ما يعور على الجسم
بس على الحساسه يعور شوي من تحت
اللي تسوي لي هنديه بس شغلها زين
في نتيجة بس يبي لي بعد يعني ما وصلت للدرجه اللي ابيها كلن بين على جسمي الشعر صار ناعم بجسمي وخفيف
ومو كل مكان يطلع فيه شعر
جسمي بدا يصير ابيض والتصبغات والشعر اللي تحت الجلد اختفت 70 بالمية عن قبل

وموفقه حبيبتي اي استفسار بالخاص لاني ما ادش الموضوع انسى

 

[نعوووووومه]

لا اشوووه ماصار اثر))

انثى الكويت والله شوقتيني اسوووي

 

[انثى الكويت]

اكيد سوي وانتي مغمضه بذات المتزوجه نظافه على طول
ولاحد يقولج شيره مايجوز عن حديث الرسول حلقو العانه ونتفو الابط

والله الدكتوره قالت لي كثر ما تشيلين شيره تحت ولا شمع شي يمط الجلد يترهل وفعلا باحر الوحده تركض تسوي شد للمنطقه
وبعدين كل الاعصاب تحت تموت والله سوري عالكلمه بس يصير بالوحده برود جنسي وتعالو علاج وحاله حاله

والريال يحب المره النظيفه فا حتى الي مو متزوجه تسوي بتفتح المنطقه وتفتك الا لما تتزوج اهيا مرتاحه وضامنه نفسها

وانا بنات عمت ريلي يمدحون دار الشفا ليزرهم بارد ماشاء الله اهم ولا ٩ بنات كلهم مناك

فا اذا بسوي هالمره بدار الشفا واذا جربت بحاول اقولكم عسى بس مانسى

 

[نعوووووومه]

والله صاجه انا شكثر سمعت عن الشيره انها تموت البويضات وخفت والمووس يلوع الجبد والماكينه اخاف منها ومن بعد تجربت اختي باليزر صرت اخاف منه بس اشوه ريحتيني بسوووويه بس بجم اذا المنطقه الحساسه ولاباط!!
جزاج الله الف خير انج قلتيلي فدددديتج

 

[Kirsten storms]

اب اب انا ان شااءالله بالصيف بسوي

 

[dnyay_mll]

شوقتوني اسوي بنات
من زمان بخاطري بس كله خايفه

 

[ماركة انثى‘]

أنا قااعده اسوي عند بوشهري وبصراحه روووعه الحمد الله

 

[.Nihal.]

اكيد سوي وانتي مغمضه بذات المتزوجه نظافه على طول
ولاحد يقولج شيره مايجوز عن حديث الرسول حلقو العانه ونتفو الابط

والله الدكتوره قالت لي كثر ما تشيلين شيره تحت ولا شمع شي يمط الجلد يترهل وفعلا باحر الوحده تركض تسوي شد للمنطقه
وبعدين كل الاعصاب تحت تموت والله سوري عالكلمه بس يصير بالوحده برود جنسي وتعالو علاج وحاله حاله

والريال يحب المره النظيفه فا حتى الي مو متزوجه تسوي بتفتح المنطقه وتفتك الا لما تتزوج اهيا مرتاحه وضامنه نفسها

وانا بنات عمت ريلي يمدحون دار الشفا ليزرهم بارد ماشاء الله اهم ولا ٩ بنات كلهم مناك

فا اذا بسوي هالمره بدار الشفا واذا جربت بحاول اقولكم عسى بس مانسى

كلامج عين العقل والله يا انثى انشالله البنات يستفيدون من كلامج
لان فعلا معتمدين على الشيره ومو مستوعبين الاثار اللي بيكتشوفنها على المدى البعيد اذا الله عطاهم عمر

تسلمين عالمشاركة الحلوة

 

[مـهـرة]

ومن خاف مقام ربه جنتان