منو سوت عملية تكبير صدر؟؟

[بنت الثانوية]

السلام
آسفه ما أدري اذا اهني مكان الموضوع ولا لأ؟؟

عمليات التجميل اتأثر على الحليب بعدين ولا لأ ؟؟

وفي ابر لتكبير الصدر ؟؟ اذا إي هم نفس السؤال اتأثر على الحليب بعدين ولا لأ

بليز لا تحقروني ولي تدخل الموضوع خالترفعه

 

[FiOnKa]

ما ادري و الله حبيبتي ما عندي فكرة عن الموضوع ,,

بس اذا انتي مو متزوجه لا تسوين تكبير صدر لانه شي طبيعي انه بعد الزواج و الولادة يكبر الصدر بشكل واضح ..

يعني اللحين خليج على "حمالات الصدر الــ push up " او السيليكون ,, احسن جذي

 

[بنت الثانوية]

لا انا متزوجه وحملت وولدت انفخ صدري جم يوم ورد فش .. بس من فش وانا متعقده حسيته جنه صغر بعد عن اول..

 

[FiOnKa]

و الله ما ادري حبيبتي ,, ليش ما تروحين تسألين دكتور عندج دكتور ماجد تقي كويتي و دكتور عادل قطينه لبناني سمعتهم المهنية

ممتازة "للأمانه سامعه عنهم ما جربتهم" .. بس قبل فترة حطوا بقناة (HeYa) عملية تفخ الصدر و المؤخرة بتقنية يديدة عن طريق الابر

و كان الدكتور ماجد تقي حاضر من بين عدة دكاترة لبنانيين و اجانب ,, و جم مرة اشوفلة مقابلة احسه فاهم و عارف شغلة ,, ليش ما تروحين

عنده تسوين استشارة بس ,, و استخيري بعدين

 

[أم هيونة الحلوة]

زين الابر على كم وزينه ولا لاء بس الابر احس من العمليه يعني كنك تافخه خدودج صح والله انا محتاره مثلج اذا عندج دكتور حق ابر زين عفيه لاتنسيني

 

[فاقده روحي]

والله ماادري اختي سامحيني ماعرف اتمنى البنات يفيدونج

 

[FiOnKa]

ام هيونه ,, ابر تفخ الصدر و المؤخرة مو مثل ابر تفخ الخدود يكونون ابر كبار مثل السيخ حتى بعد ما يخلص الدكتور من العملية

يخيط مكان الابرة لانه تصير فتحه كبيرة شوي باليلد حجمها تقريبا مثل الـ50 فلس ,, ماكو شي هين بالتجميل كله يعور

 

[بنت الثانوية]

يماااي .. زين بعدين يروح اثرها ولا لأ..

بس بليز ابي وحده تيبلي هل راح يضرني بعددين حق الرضاعه ولا لأ.. يعني ما ابي يكبر وما يطلع حليب

تكفوووووووون ابي وحده تسألي انا حدي متحبطه عيوني صارة زايغه كل ما اروح مكان ولا اشوف بالتلفزيون ما تروح عيني إلا على صدورهم إلي يشوفني وانا اطالع يقول يال مو مره

برحم عيوني شوي ههه

 

[FiOnKa]

لوول و الله ضحكتيني لا تزوغ عيونج وله شي ,, روحي لدكتور و استفسري ,, و سويها مدام بخاطرج ,, و بالنسبة للأثر اكيد يروح

و اكيد يعطون كريمات و مراهم و مضادات حيويه حتى تساعد على التئام الجرح

 

[نواعم البحرين]

حبيت ارفع لج الموضوع لاني اعاني من نفس حالتج
الي موقفني اني اسوي عملية تجميل ان ريلي يبيني اسويها عند دكتوره مو دكتور والصراحة انا اخاف من النسوان في هالسوالف
غير اني ما اعرف منهو دكتور شاطر بالبحرين وله جان بسويها على نهاية السنه

 

[أم حمد =)]

حتى انا نفس حالتج.. حملت وولدت قعد جم يوم كبير ورد صغير

 

[بنت الثانوية]

تكقون بليز اهم شي ابي احد يستفسر لي عن الابر تأثر على حليب الياهل بعدين ولا لأ ؟؟

اذا ما يأثر بشوفلي دكتوره تسويلي بأي طريقه لو انطر سنه على ما يصير في دكتوره تسوي العمليه

 

[Confused Girl]

والله مادري انا مثلج متعقده .. وكنت حاطه فكرة الابر اببالي ..

بس صج عاد الفتحه كبر الـ50 فلس ؟!

اذا زراعة السيليكون الجرح يكون خط طوله 4 سم ( هالشي متأكده منه لأن بنت خالي مسويتها ) .... الابره تفتح صدري فتحه كبر الـ50 فلس ؟! :/


ياربي الله يعيننا ..

 

[بنت الثانوية]

بنات بليز ابي وحده تشوف بهالموضوع ؟؟

بليييييييييييييييز

 

[النويره]

نواعم البحرين عندكم جنه دكتور اسمه طارق سعيد يمدحونه والعلم عند الله سبحانه
والله احترنا ناس تدح دكتور وناس تمدح غيره بالاخير الوحده تستخير وتشوف شهادات الخبره وكلامه المقنع وتقارنه بغيره من الدكاتره وتسوي اما بتسمع كلام فلانه وفلانه يخلص العمر ولا بتسوي شي كل شي بالدنيا علي التوافيج واللي كاتبه رب العالمين

 

[FiOnKa]

والله مادري انا مثلج متعقده .. وكنت حاطه فكرة الابر اببالي ..

بس صج عاد الفتحه كبر الـ50 فلس ؟!

اذا زراعة السيليكون الجرح يكون خط طوله 4 سم ( هالشي متأكده منه لأن بنت خالي مسويتها ) .... الابره تفتح صدري فتحه كبر الـ50 فلس ؟! :/


ياربي الله يعيننا ..

انا العملية اللي شفتها بالـ t.v مو ابر عادية بس بتقنية يديدة ما اذكر اسمها صراحه ,, بس اذا تبون دشو الـ يوتيوب

و كتبوا تكبير الصدر و بيطلع لكم عمليات التكبير بطرق متعدده ,, و الله يعينكم

 

[بنت الثانوية]

مشكوووووووووووووووره فيونكا على تفاعلج معانا بالموضوع ..

وهاا بنات شوفولي حل ابي وحده تعرف دكوره تسألي يأثر على الحليب ولا لأ؟؟

 

[FiOnKa]

العفوو حبيبتي .. و هذي ارقام الدكاترة اللي قلت لكم عنهم ,,

د. ماجد تقي معاه البورد الكندي لجراحة التجميل مكانه مقابل حديقة الشعب هذا رقمة .. 25620088

د. عادل قطينه مكانه بفيرجينيا كلينيك مقابل مطافي السالمية و هذا رقمة .. 25625030

نصيـــحه لا تسمعين كلام احد استشيري الطبيب اهو أخبر

 

[Confused Girl]

بنت خالي سوتها عند ماجد تقي .. وعلى ما أذكر قال لها احتمال كبير انها ما ترضع ..

بس في حالات عادي يرضعون ولا جنه مسوين شي ..

كل وحده وحظها :/

 

[بنت الثانوية]

يعني معناته فيها مجازفه ..

مشكلتي انا ابي ارضع .. ما ابي انحرم من حلاوة هذي اللحظه ..

وهم الحين صارت مشكله ثانيه انا ابي دكتوره

طراره واتشرط