منو سمع عن هالعملية ؟؟؟ @Sleeve@

[عاشقة الكاكاو]

هااي بنات شلونكم شخباركم ؟

ابي اسألكم في احد مسوي عملية sleeve

هي عبارة عن عملية ازالة جزء من المعدة وتصغيرها

انا بصراحة ودي اسوي هالعملية بس ابي اعرف في احد مسويها او يعرف احد مسويها ؟؟

انا سمعت انها واايد زينه وما تحتاج فيتامينات طول العمر ولا ابر عكس عملية تحويل المسار

لان الاكل يدخل بالجسم طبيعي ويطلع بشكل طبيعي بدون اي تدخلات طبية

بلييييز اللي يعرف عنها شي يفيدني

وجزاكم الله خير

عشوووووووووووووقة الكاكاو​

 

[حمام شاقني فنه]

رد: منو سمع عن هالعملية ؟؟؟

هذي حق شنو هالعمليه


؟؟لمرض ولا للتنحيف ولا للصحه العامه ولا للشنو ممكن اعرف

 

[لقيت حبي]

رد: منو سمع عن هالعملية ؟؟؟

ماادري بس اشوف ناس وايد يروحين الدكتور محمد الجار الله لمثل هذي العمليات

 

[الدلال]

رد: منو سمع عن هالعملية ؟؟؟

رفيجتي معاي بالدوام سوتها عند خالد الشرف

كان وزنها 130 وماشالله الحين وزنها 80 وللحين قاعده تنزل

 

[ساندريلا]

رد: منو سمع عن هالعملية ؟؟؟

ليش تغيير مسار المعده يحتاجون ابر طول عمرهم؟؟؟

 

[đeɱɛɼɑ™]

رد: منو سمع عن هالعملية ؟؟؟

اختي نصيحة مني لج

انا زوجي متخصص بالصحه والرياضة

تبين تسوين اي شي عشان تضعفين بس مو بهالطريقة غلط

لها اثار جانبة

اذا قصدج تبين تضعفين

اتبعي نظام غدائي معتدل خفيف يوميا

ومارسي الرياضة بشكل يومي بحيث تصلك ضربات قلبج الى 60 ضربة بالدقيقه

1- ممكن انج تمشين مشي سريع على جهاز المشي ..

2- ممكن انج ترقصين رقص سريع بدو توقف لمده 30 دقيقه ..

وراح تشوفين نتيجه خلال شهر

لان الشغله اذا كانت سريعه

تروحمنج بشكل سريع

حافظي على صحتج

وشكرا

 

[زهرااا]

رد: منو سمع عن هالعملية ؟؟؟

اعرف وحده مسويتهااا
اهيا بصراحه واايد نزلت
بس ويهاا صار شاحب وااايد

 

[عاشقة الكاكاو]

رد: منو سمع عن هالعملية ؟؟؟

مشكووورين على الرد بس عملية تحويل المسار طول العمر لازم فيتامينات

وااايد نااس من رفيجاتي مسوينها من سنين وعايشين على الفيتامينات

بس انا مابي اسوي تحويل وبالنسبه حق الرياضة انا ماقدر اضعف بروحي

لان ماكووو اراادة وقاعده افكر بالعملية

ابي معلوومات اكثر عنها بلييز اللي تعرف لا تبخل علي

 

[english muffin]

رد: منو سمع عن هالعملية ؟؟؟

مرحبا حبيبتي
انا مسوية هالعملية من 3 اسابيع
ولحد الان مرتاحة والحمدلله ..
واي استفسار انا حاضرة

 

[The Boutique]

رد: منو سمع عن هالعملية ؟؟؟

اهي افضل ان جسمج يمتص الفيتامينات
لكن عيوبها شيين
1- الخياط للمعده تصير فيه نسبه التسريبات اكبر من التحويل لان يقصون المعده بشكل موزه فيخيطون المعده كلها من تحت لي فوق
2- بعد 5 سنين ترجع المعده لحالتها الطبيعيه وتستاسع بس تكونين تعودتي على نظام حياه واكل يديد

واللي تسويها لازم ماتكون تحب الككاو لان عادي تاكله
لازم تحب نشويات بطاط وخبز وعيش
ولا ماكو فايده تسويها ابدااااااااااااااا


اللي تحب ككاو ماينفعلها الا تحويل

 

[جوجو.]

رد: منو سمع عن هالعملية ؟؟؟

انا مافهمت ان اللي اتحب الكاكاو لازم اتسوي تحويل والا شنو يعني

 

[@ الأوركيد @]

رد: منو سمع عن هالعملية ؟؟؟

انا ودى اسويها بس منو اشطر دكتور يسويها ووين وبعدين اللى سمعته انها عمليه جديده بالكويت 000000 اللى تعرف عنها اكثر تعلمنا لو سمحتوا 0000 وجزاكم الله خير

 

[The Boutique]

رد: منو سمع عن هالعملية ؟؟؟

التحويل يصلح وينفع مع اللي ياكلون ككاو
السليف ماتصلح للي ياكلون ككاو ابدا

موسى خورشيد يسويها

 

[xxx]

رد: منو سمع عن هالعملية ؟؟؟

هلا اختي

العملية اسمها تكميم المعدة (القص الطولي للمعدة)

وهذي معلومات عنها

عملية قص المعده الطولي (التكميم او السليف ) Sleeve

هذه العمليه حديثة العهد اصبحت احدى العمليات التي اوصى الاتحاد العالمي للبدانه بادراجها ضمن عمليات جراحات البدانه
يعود تاريخ هذه العمليه في الواقع الى قبل ذلك بسنوات حيث انها كانت تجرى كخطوة اولى لعمليات عدم الامتصاص وتغيير مسار العصاره الصفراويه والبنكرياس وهي نفس مفهوم عملية سكوبينارو ولكنها تجرى على خطوتين .
يتم في الخطوه الاولى عمل قص طولي في المعده يستأصل تقريبا 70% من حجم المعده ويترك ما سعته 150 مليلتر ثم ياتي المريض بعد 6 اشهر ويجري تغيير مسار العصاره واجراء التوصيلات وهذا يقلل من مضاعفات مثل هذه العمليه الكبيره والتي غالبا تجرى لذوي الاوزان الكبيره لانها تمت على مرحلتين .
لاحظ الاطباء ان 50% من هؤلاء لم يعودوا بعد 6 اشهر لاجراء الجزء الثاني من العمليه وهذا دليل على ارتياحهم لفقد الوزن الذي تم في هذه الفتره البسيطه لذا بدأ الاطباء بالتفكير بعمل هذه العمليه (التكميم) كعمليه دائمه وتم تغيير بعض المفاهيم مثل جعلها اصغر ثم بعد ذلك تغيير الشروط المطلوبه وبدأت تقريبا من 4 سنوات ونحن نراقب نتائجها الا ان الفتره قصيره للغايه لكي نطلق حكم نهائي , الا ان المعلومات المتوفره ممن اجرى التكميم كخطوه اولى ولم يعد للعمليه الثانيه غير مشجعه حيث ان كثير منهم اعاد وزنه بعد عامين من العمليه والسبب بسيط ان هذه المعده االطويله والرفيعه تمددت واصبح الحجم تقريبا 300 الى 400 مليلتر وبالتالي لا تسمح بفقد الوزن ولا حتى المحافظه عليه !!!
السؤال المطروح الان هل ننصح بها ؟؟؟
قبل الاجابه هنالك اشياء يجب معرفتها اولا في تاريخ البدين مع الانظمه الغذائيه وانواع الاطعمه المفضله لديه ومدى قابليته للاتزام مستقبلا بنوعية الطعام المقترحه لان هذه العمليه بها اكبر الاحتمالات لاعادة الوزن السابق ما لم يتم الالتزام بالغذاء الصحي وعدم تناول وجبات كبيره تسبب تمدد المعده مع مرور الوقت
اذا هي خيار مطروح كعمليه تتحكم بحجم المعده ولا تلعب اي دور في عملية عدم الامتصاص التي تصاحب التحوير اوسكوبينارو (تغيير مسار عصارة البنكرياس والمراره) وبالتالي ليست لها مضاعفاتها مثل نقص الفيتامينات والمعادن البسيطه في حالة التحوير والعاليه في حالة سكوبينارو
اهم مضاعفاتها هو التسريب حيث ان مكان القص الطولي طويل ويوجد نسبة تسريب من 2 الى 5% في بعض الدراسات ربما اكثر من التحوير والسكوبينارو
اذا الاجابه تتم فقط بعد استشارة الطبيب ومراجعة تارخك الغذائي وايضا استعراض جميع الخيارات الاخرى
من المهم جدا ان يكون الجراح يجري جميع هذه العمليات لكي يعطيك رأي صريح وليس فقط يجري التكميم والتي تعتبر اسهل هذه العمليات بالنسبة للجراح , بينما ينبغي لك ان تختار العمليه الاسهل والافضل لك انت .

 

[*الفراولة*]

حبيبتي نصيحه انا رفيجتي بغت تسويها بس ربج الحافظ قعدوها من البنج وقالولها ترى ماسوينها
لان طلع فيج فقر دم , خيره لها وسألت دكتورة التغذيه عندنا بالكلية قالت هالعملية راح تضعفين
عليها وايد لكن جسمج الطبيعي بالمعده الطبيعية وحجمها راح يرد تدريجي لما كانت عليه في السابق
فراح تردين تاكلين وتنتفخين وعملية السلف كباقي العمليات تحتاج فيتامينات بس اعتقد 6 شهور فقط
وسوري اذا طولت عليج بس بغيت افيدج

 

[@ الأوركيد @]

اللى اعرفه ان عمليه السكوبينارو مايسوونها بالكويت 00000فبغيت اعرف هل التحوير افضل من السليف ام لا؟ وهل بالتحوير مكن يزيد الوزن بعدين ام لا؟0000 والف شكر لكم0

 

[english muffin]

السكوبينارو يسونها للي اوزانهم واااااايد عودة يعني 150كيلو وطالع

التحوير والسليف اذا انتي ماعندج ارادة ماينفع معاج لان لازم تشغلين على روحج

 

[رشيقه هانم]

من قال لها مخاطر اعرف وحده مسويتها صارلها 5 سنين اول ما بلشت العمليات سويتها وترى نزلت وجسمها شاد لان شنو تلعب رياضه

والله اذا ماعندج اراده سويها بس استخيري وتوكلي على الله


وعندج وايد دكاتره


اما رياضه واكل واطحس واخر شي بالشهر كليوين هاذي العمليه تخليج تنزلين 7 كيلو بالشهر زين ترى هذا المعدل زين

والله سويها

موفقه

 

[futooosh]

صراحه آنا أخاف العب بمعدتي
وشنو الفايده اذا سويتيها وارجعت مثل ما كانت ؟؟؟؟؟؟؟؟؟؟؟؟؟؟

 

[@ الأوركيد @]

مادرى شصار معاج اختى كاتبه الموضوع ؟ سويتي العمليه ولا لأ؟ طمنينا عليج وقولى لنا شنو صار لو سمحتي 0000000 وشاكره لج عزيزتي