منو سمع عن منحة 200 دينار هديه لرمضان ....؟

[مــ_ــا مــ_ــي]

بما ان قسم الاخبار ينقع الخبر لما يخيس وبعدين يطلعه قلت اكتب الخبر هني عشان الاغلبيه يمرون هني وتشوفونه واللي سمعت عن هالخبر تقولنا .....


ذكرت جريدة المستقبل في عددها اليوم بأن هناك مصادر مطلعة قد أكدت بأن سوف يتم منح كل مواطن كويتي مبلغ وقدرة ( 200 ) دينار هدية لشهر [URL="http://www.kwtfuture.com/vb/t15460.html"]رمضان [/URL]المبارك ...
حيث كتب الصحفي يوسف حجي عبر صحيفة المستقبل بأنه أكدت مصادر مطلعة لـ"المستقبل" أن هناك توجها لإعطاء 200 دينار هدية رمضانية لكل مواطن، وأن الإعلان عن هذه الهدية سيتم قبل شهر [URL="http://www.kwtfuture.com/vb/t15460.html"]رمضان [/URL]المبارك.
و أضافت المصادر، هناك توجها حكوميا قائما لغربلة رواتب المتقاعدين وإعطائهم زيادة، وأن الإعلان عن ذلك سيكون خلال الشهر القادم وتم تشكيل لجنة لدراسة رواتب المتقاعدين والإعلان عن نتيجة الدراسة خلال 45 يوما، حيث إن زيادة الرواتب الاخيرة شملت الجميع عسكريين ومدنيين مع إعطاء كوادر. واستثني من ذلك المتقاعدون حيث لم تشملهم أي زيادة. وشددت المصادر على أن الزيادة ستكون بنسبة 25% من أساس الراتب التقاعدي.
تاريخ نشر الخبر : 7/6/2011



المصدر : المستقبل - الحصيلة


http://www.almustagbal.com/node/26591


منو سمع بالخبر هذا ترا مو متأكده ..!!

 

[Australia girl]

علمي عملج وصلني واتس اب يالله انشالله خير ..

 

[اسواريه]

حتى انا وصلني بالواتس اب بس سمعت انه اشاعه
والله مانبي شي منه حمدلله على الخير والنعمة اللي احناا فيهااا

 

[مــ_ــا مــ_ــي]

على قولتج اسواريه ما نبي غير سلامته .. والحمد لله ما علينا قاصر بس حطيت هالخبر بعرف صحيح والا اشاعه .. مع انه منشور بالجريده ..

 

[ياحُبِي لِلكويت]

انا قريته بجريدة المستقبل مادري والله اذا صج الله يرزق المسلمين الفلووس طايره عاد فمابالج برمضاان يااحظ التجار بس ^-^ >> ربي يبارك لهم بس مولهدرجه ... والحمدلله على سلامة اميرناا ,,

 

[[ نور عيني ]]

اذا كان صج
فمو غريبه على ابونا صباح ...
ينضرب فيه المثل بالكرم والسخاء على شعبه
واذا كان اشاعه ..
احنا مانبي الا سلامه ابونا وشوفته بخير ومرتاح ..
مشكوره مامي

 

[مسك حياتي]

مادري ما اتوقع ...

 

[Tom ♥ Jerry]

.


وصلني برودكاست (=
و الله مآ يندرى يبين بـ قرب رمضان

 

[احبك ليش؟]

والله مادري مو غريبه لو صج عطانا

 

[نـــgggنـــهـــ]

والله مادري

 

[حلزونه]

وصلني بالبي بي ام والواتس اب

بس مادري

تواا معطينا 1000 ماتوقع بعد يعطينا 200
موناقصين يعطونا عين باجي الدول...<< لوووول

الحمد الله على سلامة بابا صباح وربي يطول بعمره

 

[غنآآآتي]

اهم شي سلامة ابونا صباح الله يطول بعمره اللهم امين يارب العالمين
يا حلاته اليوم نور الديره

 

[شيماء المطيري]

صج ولا موصج ما يهم خير هالديرة مالي عيونا و200 بوسة على جبين أبونا العود---تحياتي عزيزتي

 

[$ النيره $]

’

كـآفـي وجـوده بينـآآ ..
مآنبي فـلووس ..

 

[كويتيه فرنسيه]

اتوقع اشاعه

الحمدلله احنا بالكويت مو ناقصنا شي اقل معاش يستلمه اي شخص كويتي يعيشه ملك << الله لايغير علينا ويحرسنا من كل شر

والحمدلله على سلامة ابونا الشيخ صباح والله يطول لنا بعمره

 

[mf6nt el3lat]

الله يطول بعمره ويخليه لنا
وأتوقع اشاعه
ومو ناقصنا شي الحمد لله

 

[مــ_ــا مــ_ــي]

ادري مو ناقصنا شي والفضل لله سبحانه وتعالى ثم الامير صباح.. بس ما يرد الكريم الا حشاكن اللئيم ... الله يطول بعمره وعسى ربي يرزقه الصحه والعافيه ..

 

[امونة لعبيد]

سوالف واشاعات الوااااتسب لاتصدقوووووووون اي شي

 

[Miss McDonald]

• حجي !
• الحمدلله على سلآمة أبونآ نور الديرة بين اهله ونآسه
• وهذا عندنآ يسسوى ملآيين الدنيآ ,
• الحمدلله الذي بنعمته تتم الصآلحات

 

[نور مغليها]

،،،
شبعنآ فلووس