منو سمع عن جوري سبا

[غالية زمانها]

السلالالالالالام عليكم .. حييييل امدحولي جوري سبا
ويقولون من قلب اتضعف ياليت اللي جربه اتقولون لنا
لان خاطري اسوي مساج ؟؟ بس بغيت خبرتكم
ياليت ماتبخلون عليناااااااااااااااااااااا​

 

[• MuFFiN •]

انا رفيجتي عندهم وشفتها بعد فتره والا اهييياا صج ضاعفه نصها راح

اهيا تمدحها صراحه وغيرها اهني بالمنتدى يذم
بس صراحه مادري اذا مضر والا لا وشنو الطريقة ..

اب اب البنات يفيدوونج ان شاءالله

 

[غالية زمانها]

تسسسلمين يامافن

انا بصراحه شفت الممثله مريم عبدالله والمذيعه سالي
ووووووووايد افرقوا علي !!

 

[جمانةالربيع]

وين مكانه وجم سعر الجلسة

 

[غالية زمانها]

بحولي للاسف ماعندي رقمه .. ومادري بجم ؟؟

 

[اخر انفاسي رحيل]

اب
اب
اب

 

[جوري وبنفسج]

السلام عليكم

رحت له مره علشان أسوي مساج . بس بصراحة أسعارها وايد غالية مع أنها ما تفرق عن مراكز السبا اللي بالمهلب . يعني أخذوا مني 45 دينار على مساج سحب الألم من الجسم .. سويت نفسه بالضبط بصالون رنيم ب 10 دنانير

وما عليكم من الدعايات دايم يطيرون الشيء . والممثلة ما سوت دعاية لهم ببلاش .​

 

[فنار الكويت]

والله انا اشتركت عندها كإنك داخله غرفة تعذيب وياريت بفايدة والله خواره ولا حتى نزل وزني سانتي وفوق هذا طلع بظهري الجفسة ماعليج اللي مكتوب بالجرايد كله دعاية حق عمرها ، واهي مالقت زباين عندها قاعدة تدق عليهم تعطيهم بديكير ومانكير ببلاش ، وحسافة الفلوس اللي قطيتها ، وماعليج من الحجي تلقين المذيعات مسوين دايت ولا حلقة ، نصيحة لا تشتركين وعلى فكرة عقب ما خلصت اشتراكي قالولي ان المساج هذا يأثر على الرحم .....والله الشاهد على كلامي

 

[غالية زمانها]

اخر انفاسي رحيل .. تسلمين ياقلبي ..

جوري وبنفسج .. تسلمين على الاضافه .. خلاص شكلي بهون ..

فنار الكويت .. خرعتيني والله .. لا خلاص حتى مافكر فيها كلششششش

 

[الحــــياة]

صج الجوري تضغف حيل بس تعور..
واسعارها كل ماهذا تزيييد..

 

[جوري وبنفسج]

السلام عليكم

ديروا بالكم من المساج وخاصة منطقة البطن أنا سمعت أنه ممكن يسبب سرطان حتى كنت مشتركة بعيادة وما كملت البرنامج

وفي فلبينية تشتغل بمركز صحي وتجميل قالت لي المفروض المساج يخليج مسترخية وما يعور جسمج . ​

 

[ღ Mzajiya ღ]

شوفي حبيبتي انا مادري عن تجارب البنات .. ومادري بجم يسوونه وشكثر المده
بس امي سوت عندها والله جسمها كله بقع زرق عوروها وماضعفت على هالمساج :// يعني قطت فلوس على العذاب مو الضعف معنه امي ماتقولين عنها متينه لا وزنها بال 60 ..
وترى مو زين المساج القوي .. انا بقولج عني مشتركه بنادي وعندي جلسات مساج مجانا هذاك اليوم سويت وراحت صوب بطني والله يومين حسيت بعوار ببطني من تحت وقلت مره ثانيه مابيها تجيس بطني .. لانه يقولون مرات المساج يلف الرحم اتوقع او شي جذي ..
ف ديريباللج قلب

 

[غالية زمانها]

فرنش كوفي ..
تسلمين على اضافتج .. ماقصرتي ..

 

[ام يوسف الكويت]

حبطتوني كنت ناويه اروحلها