منو سافر بطيران الجزيره؟؟

[um 3li]

انا رحت جده على الجزيرة وااايد زينه مواعيدها مضبوطه وادارة الشركه قوية وحازمه

مشكلتهم بس ان ما عندهم وزن وايد ... لج بس 20 كيلو بالشحن و 10 بيدج

واذا تبين تاكلين طلبي ودفعي بس المبلغ رمزي حيل ومايسوى لي البحرين شراح تاكلين يعني ؟؟؟؟

واسعارهم مناسبة ونفس الي موجودة بالموقع مالهم

 

[BlackRose]

روعة الجزيرة

احلى من الكويتية

وصمون الفلافل عندهم حده لذيذ

 

[um wahaby]

انا مسافره عليها كذا مره ... حلوه وكراسيها مريحه

وكل مابجرتي بالحجز كل ماطلعت التذاكر ارخص

وهم بعد ساعات يسوون عروض حلوه ..

 

[جنتي^و^ناري]

عروضهم حلوة و زينه حق المسافات القصيرة

 

[الجوري74]

شحلاتها وزينها مريحه
بالنسبه حق الاسعار على حسب كلما بجرتي بالحجز يطلع لج ارخص....
قبل شهر سافرت فيها انا واخوي تذكرتي طلعت ارخص من تذكرته بوايد مع انه حاجزين بنفس الوقت بس تكون الكراسي اللي مسوين عليها عرض خلصت
رحله سعيده موفقه ان شاء الله

 

[أم صالح]

ايهبل طيران الجزيره انا رحت بيروت عالجزيره بصراحه احلى من الكويتيه والخدمه اتينن بس الاكل تشترينه منهم وجبات خفيفه كرواسون وتوست وكاكاو والتذكره كانت 60 دينار رايح راد

 

[Q8^style]

احلى شي فيهم انه مواعيدهم مظبوطة بالتايم يعني الطيارة يمكن تطير قبل الموعد بخمس او عشر دقايق , والشي الثاني الطيارة نظيفة وايد , يعني حق المسافات القصيرة افضل طيران الجزيرة