منو سافر بطيران الجزيره؟؟

[كويتيه وبس!!]

مرحباا خواتي ..بغيت اسأل واللي يعافيكم منو سافرت بطيران الجزيره ابي اعرف صج اسعرهم نفس اللي معروضه لان حابه اسافر البحرين وبعرف التوتال جم يطلع وفيه فرق عن اسعار الطيران الثانيه؟؟؟؟؟؟؟؟ ومشكورين

 

[جكورة]

إختي مسافرة دبي عليها وطلع سعر التذكرة 48 دينار بالضبـــط وتمدحهـــا...​

 

[كويتيه وبس!!]

مشكوره جكوره ياعمري عالمرور .. بالنسبه للبحرين ما احد سافر منكم على هالشركه اذا دبي 48 زين والله عيل البحرين ارخص اكييد

 

[ياشايل الظبى]

ياليت اللى سافرت عليها تعطيج خبر ... لان شكثر ناس يسافرون عليها .. بس ما ادرى شلون زينه ولا لا ؟؟؟؟

 

[@ دهن العود @]

انا سافرت عليها ورحت جده

بصراحه اتهبل وخدمتهم حلوه والطياره يديده

 

[بنت عبدالغني شربت]

انا سافرت عليها تهبل وااااااااااااااااايد والله احلي من وايد طيارات وكراسيها مريحه بس عيبها المواعيد لازم قبل الطياره بساعه علي الاقل انتي علي الكاونتر

 

[fat]

بصراحة ماجربتها

بس وايد ناس جربوها ويمدحونها

 

[.]

انا رديت فيها من البحرين والله احلى من الكويتيه..

بس رفيجتي حجزوا فيها بيروحون شرم الشيخ لما راحوا المطار قالوا لهم انتوا مو ماكديين الحجز!!

رغم انهم دافعين الفلوس ..

وقالوا لهم تبون تسفرون ماكو الا تدفعون مره 2 !!!!!

 

[bambena]

رونه خاف راحو متاخر

لان الكاونتر يسكر قبل ساعه وتروح عليج التذاكر

رحت عليها اتينن امس دشيت اون لاين شفت البحرين حق اخر 2 طلعلي الشخص 43 دك

كل ماحجزتي ابجر قل السعر

 

[bambena]

www.jazeeraairways.com

 

[كويتيه وبس!!]

بامبينا مشكوره ياعمري عالمعلومه بس رونا خرعتيني من سالفه الحجوزات عاد مايسوااا انروح ويردوناا والييييييييي

 

[قبلة مطير]

بصراحه طيران الجزيره ما يفرق عن باقى شركات الطيران
نفس الخدمه والميزه انهم ارخص بشوى عن باجى شركات الطيران
طبعا انا اتكلم على الدرجه السياحيه وطرت عليها لدبى
لا باس واتمنى لج التوفيق

 

[احلى كويتيه]

انا رحت عليها البحرين وطلع علي 20 بس للشخص وايد حلوه الطياره

 

[.]

بامبي لا ماتوقع ..

اسالها باجر ان شالله وارد لكم خبر..

بروق مو قصدي والله بس حبيت انبهج ..

 

[ام مهودي]

انا دايما اسافر على الجزيره رحت دبي والبحرين ومشهد خدمتهم روعه واسعارهم احلى
بس السهر بدون الضرايب
دشي على الموقع وحطي الوقت يقولج السعر مع الظرايب
يعني مثلا سعر التذكره 19 مع الضرايب تطلع 40 على حسب الدوله عرفتي

 

[كويتيه وبس!!]

مشكورين خواتي يزاكم الله خيير عالمعلومات

 

[pretty sarona]

انا أأيد طيران الجزيرة طبعا حق الدول القرييبه مثل دبي ولا البحرين لان ما يسوى ساعه ونص بالكثير إلا انتي واصله ,, بس انا اللي ما حبييته فيها سالفة الوزن ,, يوم رديينا من دبي دفعنا واييد على ابو ان كل واحد له 20 كيلو على ما اعتقد ماني ذاكرة بالضبط بس شوية .. واهي فرقها عن الخطوط الثانية ان بس يعطونج ماي وأي شي تبيينه من اكل تشتريينه عرفتي

 

[PearL]

انا توني يايه من البحرين الاثنين راده

حجزت قبل السفره اب 13 يوم يمكن

اطلعت علي التذكره 36 دينار بالظبط

وايد حلوة وكراسيها مريحه

كل ما حجزتي ابجر قلت سعر التذكره

رفيجتى احجزت معاي قبل السفره بيومين سعر تذكرتها 53 كان

شفتي الفرق

 

[jaggy-cat]

انا باجر ان شاء الله مسافرة الرياض على طيران الجزيرة بقعد اسبوع وبعد ما ارجع باذن الله
بقولكم انطباعي عن السفره على طيران الجزيرة .

 

[*سكون*]

أختي بعد راحت جده وتمدحها
يبيله نجربها