منو راح دزني باريس ودزني فلوريدا ؟؟

[فنيسيااا]

السلام عليكم ورحمة الله وبركاته
بنات انا بحيل الله بحاول اروح لباريس عشان اعيالي
انا رحت من قبل لدزني فلوردا وكاااان حده كبير واربع قرى واثنتين مائيه يعني المجمل 6 قرى
وعشرة ايام يدوبك كفت
اشلون دزني باريس جم قريه ؟؟
القريه الرئيسيه يكفيها يوم او اكثر؟؟؟

 

[كويتية أصيله]

يوم واحد يكفيها ويخب عليها ما في مجال للمقارنه بينها وبين أورلاندو....

 

[makhroosha]

حلوة باريس وتصلح حق العيال بس صغيرة ..

 

[usgirl]

حبيت ارفع الموضوع

 

[White Musk]

السنة اللي فاتت رحت وكنت حاجزة 6 ليالي في فندق نيوبوست
اهي صج اصغر من ديزني اورلاندو بس ماملينا اليهال وايد استمتعوا وبالعكس يمكن لوحاجزة بعد يومين زيادة اعتقد ماكان عندهم مانع يكملون

 

[White Musk]

بس في قسمين الاستوديو وال park

 

[فنيسيااا]

مشكورين على مروركم
اختي white musk انا اعيالي واحد 6 الثاني 3 سنين
ودزني امريكا لما رحنا له ككان وايييد عووود يعني الحديقه اللي فيها القصر ما ميكي ماوس 3 ايام راحني رادين لها من كبيرها
ما ادري دزني باريس عود حييل؟؟؟

 

[فنيسيااا]

يوم واحد يكفيها ويخب عليها ما في مجال للمقارنه بينها وبين أورلاندو....

اختي ممكن توضحين اكثر لان ما اورلاندو كبييير وايييد انحد حيلنا واحنا نفرفر فيه والحديقه الوحده يبيلها 3 ايام على ما نخلصها
مي خالف توضيح:yaaaaaarb:

 

[فنيسيااا]

up up

 

[جوري 2007]

مالت باريس مو عودة اهيه حديقتين وتخلصينهم بيوم واحد اصلا من الزحمة ماتقدرين تركبين كل الالعاب فعشان جذي بتخلصين مبجر

 

[Tender Heart]

لا مو عوده بس زحمه اذكر مالعبت فيها الا لعبه سبيس ماونتن وعقب لويه ودور شطوله

 

[طير الحب]

مارحت مالن باريس بس اختى تقول مافى مقارنه امريكا وووووووووووووايد احلى

صج فلوريدا يا حلوووووووووووها

 

[مها77]

حبوبه مالت فرنسا مو كبيره وايد بس مثل ما قالوا البنات زحمه بالذات من الصبح للعصر

احنا رحنا لها الظهر وزحمه مو طبيعيه بعدين طلعنا الاوت لت وردينا لها كانت الزحمه خافه واايد بالذات لما بلشت العروض مالتهم هذي اهم شي وااايد حلوه

يعني نصيحه لا تروحين لها قبل الساعه 3 تكون واايد اخف زحمه ولا تروحين بويك اند احنا رحنا يوم الاثنين يمكن وكانت زحمه بس بعد اهون من الويك اند

بالتوفيق حبوبه

 

[كشمش]

ديزني باريس حلوه وتصلح حق اليهال العروض اللي اتصير بالليل راح يستانسون عليها مالت امريكا للحين ماشفتها

 

[أم أنور]

اذا ابتقعدين فيها يومين ثلاث كافي ترا صغيره ومن الزحمه عادي اتلوع جبدج

 

[sweet_popcorn]

صحيح زحمة بس والله تونس
كيوهاااات و انتظااااار

بس عالم مختلف

 

[أمانيQ8]

طبعا مايتقارن بدزني فلوريدا بس هم حلو يسوى العنوه وكافي يوم واحد لاتتصورينه كبير نفس امريكا

 

[لولوة الكويتية]

ما قصروا البنات
وفوا وكفوا

 

[looly_cheezcake]

اهيا مو كبيره وايد بس حلوه تونس حق اليهال الصغار اللي من عمر عيالج بس الكبار ما يستانسون وايد و بعدين اتوقع يبيلها تباتين ليله وحده و بالكثير ليلتينو احلا شي العروض اللي يسوونها تونس

 

[العود الأصلي]

دزني باريس مثل ماقالوا البنات صغيرة يوم واذا في زحمة علي يومين كااااااااااااااااااااااااااااافي
بس العروض اللي تصير بالليل حلوة