منو دقوا عليها شركة الاتصالات اليديدة او قابلوها؟

[^^ROSE^^]

السلام عليكم
بنات منو قدمت عالاتصالات الثالثة ودقوا عليها وقابلوها؟
ابي اعرف طبيعة دوامهم ومعاشاتهم وموقعهم وكل شي تقدرون تفيدونا فيه
وبعرف في بارت تايم عصر بس؟

 

[نونو 85]

حبيبتي اذا تعرفين سايتهم عطيني اياه عشان ابي اقدم فيها

 

[^^ROSE^^]

هلا والله
شوفي بهالموضوع حاطين التفاصيل للتقديم
http://www.q8yat.net/showthread.php?t=146434

 

[CANDLES]

انا طرشت لهم اليوم ايميل سيرتي الذاتيه بس يقولون احسن اتروحين فندق الرايه الدور الاول وتعطينهم اوراق التوظيف

 

[dalprincess]

انا قبلوني وعندهم دروه تبدي من الاسبوع الياي بفندق هوليدي ان عقبها تستلمين الوظيفه بس انا على اخر لحظه هونت وكنسلت ووحده ثانيه راحت بدالي واهم مكانهم بمجمع الرايه الدور الثالث الشركه الكويتيه للاتصالات

 

[dalprincess]

على فكره معاشهم حق الثنويه 500 بدون دعم العماله مع دعم العماله يصير 700 واذا دبلون زياده 100

 

[ام تولي]

بغيت اسأل دوامهم من الساعه جم ؟ وبعدين دوامين ولآ دوام واحد؟ ويرضون بالمنقبه؟

 

[يحق لي الغرور]

كنت اتمنى اساعدج بس للاسف لين الحين ما خلصت دراااستي بالتوفيق ان شاء الله

 

[xxxx7]

بنات جم يعطون جامعيين ومتى راح يبدون الدوام ووين بمان دوامهم بأي منطقة ...

اذا افي احد تخصصها علوم كمبيوتر وكلموها خل اتقول شنو كانت مقابلتها وعلى شنو يشتغلون من البرمجه وطبيعة شغلم.

 

[xxxx7]

انا قبلوني وعندهم دروه تبدي من الاسبوع الياي بفندق هوليدي ان عقبها تستلمين الوظيفه بس انا على اخر لحظه هونت وكنسلت ووحده ثانيه راحت بدالي واهم مكانهم بمجمع الرايه الدور الثالث الشركه الكويتيه للاتصالات

لوسمحتي الدوره عن شنو وجم مدتها ...

وشنو تخصصج ...

وليش انسحبتي هل الشركه مو زينه ...

 

[كـ غلا ــلي]

انا اليوم رحت قدمت بس حاطين هندي ما ادري اسيوي ما يعرف عربي كللللللللش

بغيت اعرف دوامهم من الساعه جم لين جم ؟ والدوام وين بيصير ؟؟ اللي تعرف خل تفيدنا

واهم الشي الراتب جم بالنسبه للجامعيين؟! بانتظار اجاباتكم

 

[Luxurious]

بنات اهما بدور الاول ولا الثالث؟؟؟؟؟

 

[^^ROSE^^]

مشكورين بنات على الردود
معقولة للثنوي 500 والله زين يعني اذا ياخذوني بارت تايم 250 مع دعم العماله يصك 500 وشي

وبسألكم شيقولون بالمقابله شيبون يعرفون وشلون اسئلتهم
ومنو اللي يقابل ويبون واسطات ولا عادي؟
ودورتهم عن شنو؟
ومكانهم وينه حددوا موقع ولا بعد؟

 

[^^ROSE^^]

انزين بنات في سؤال شاغلني
انتوا متأكدين ان هذه هي الشركة اليديدة صج؟
اخاف مقلب ولا عصابة ولا شي يقصون علينا
لاتلوموني لان وايد طلعت شركات وهمية بالكويت قمت اخاف
بس ابي اتأكد اذا هي الشركة الصجية

 

[لحن الحياة]

انزين بنات في سؤال شاغلني
انتوا متأكدين ان هذه هي الشركة اليديدة صج؟
اخاف مقلب ولا عصابة ولا شي يقصون علينا
لاتلوموني لان وايد طلعت شركات وهمية بالكويت قمت اخاف
بس ابي اتأكد اذا هي الشركة الصجية

السؤال مر ابالي قبل

بس في بنات اعرفهم راح وقدمو وبعد اسبوع دقو عليهم علطول وقالو ياخذون دوره قبل الشغل الدوره عباره عن تاسيس وتعليم بهالمجال خلال شهر بفندق الشيراتون

والي اعرفها بعد عن الشركة اسمها شركة الاتصالات السعوديه (الثالثه) الي يحطون دعايتهم

ومادري بعد

 

[akadenia]

موجودين العصر ؟؟؟
وانا مقدمة بالايميل ليش مادقوا علي على اني عندي خبرة 5 سنين + ث علمي

شلون اذا بنروح ؟؟

تعتقدون في مجال

 

[CANDLES]

اي موجودين العصر

واضمن شي ودي اوراقج احسن انا بعد قدمت باالايميل بس بودي اوراقي

 

[^^ROSE^^]

اشوه طمنتوني ان شاء الله بروح
هم يبون بس السيرة الذاتية؟ مايبون نسخ الشهادات او اوراق ثانية؟

 

[CANDLES]

السيرة الذاتيه عباره عن : صورة عن الجنسيه - والبطاقه المدنيه - وصورتين شخصيه - صورة عن شهادة التخرج - صورة عن شهادة الميلاد - صورة عن من يهمه الامر الي اهيا اتكون بعد ماتتخرجين من المعهد او الجامعه او الكليه

 

[dan]

انا قدمت على الايميل ما ردو يمكن التقديم هندهم افضل