منو دشت بتولد طبيعي وبعدين سوولها قيصرية

[عليك توكلت]

انا ولدت عند رشمي الحمدلله ولاداتي طبيعيه
واختي اولدت عندها عمليه لانه الياهل كبير ومرتفع فوق انفتح عندها الرحم ١٠ سانتي والطلق حامي طبيعي بس الياهل موراضي ينزل وانا كنت مع اختي
بالولاده في مستشفى هادي واصبرت حيل عليها رشمي وتعبت مسكينه اختي قالت لي رشمي ماراح تولد الا بعمليه لانه الياهل كبير والرحم مفتوح والطلق عندها
ماشاء الله حيل قوي
واخر شي وقع ريل اختي ودخلوها العمليات ماشاء الله نص ساعه والا اهي والده
احيانا العمليه اهي الحل السليم لسلامة الام والبيبي الله ايسهل على كل حامل ويرزق كل من تتمنى الحمل عاجلا

 

[amonitta]

انا انبط الماي ورحت المستشفى عطوني طلق صناعي ووصلت تقريبا 4 او 5 سانتي

بس عقب دشت الدكتوره وقالتلي نبض البيبي قام يقل ترا احتمال عمليه مع انه قالتلي انه عنق الرحم زين

رجعت عقب ساعه قالتلي ماقدر انطر عليج خلاص ندخلج عمليه وولدت قيصري

بس الحمدلله على كل حال مادري اذا الدكتوره مانطرت علي بس كلشي فيه خيره الحمدلله

 

[ام مريم ورحمة]

انا جربت ولادتين قيصري وحدة بالسلام عند محمد بكري من 6 سنين والثانية الراشد عند يوليانا الشهر اللي طاف والاثنين نفس السيناريو تماما الضغط ارتفع ودشيت ولادة فتحوا الماي وعطوني تحاميل طلق صناعي وعقبها ابرة طلق صناعي الدريب وظليت اطلق اكثر من 12 ساعة والرحم مو راضي يتوسع زيادة عن 5 سانتي واتحولت عملية قيصرية بطلبي لاني تعبت الاولى كانت ابرة ظهر والثانية بنج كلي بس بصراحة البنج الكلي وااااايد ارحم من ابرة الظهر صج انا طقيت دكتور التخدير لانه ضغط الكمام فوق ويهي حسيت اني باختنق بس مسكت انا الكمام وقمت اتنفس ونمت ما دريت الا وانا في الافاقة وجايبين لي ولدي حبيبي وعقبها نمت لين وصلت غرفتي

 

[American.Life]

الله يهون عليكم يارب

 

[Newbaby]

مقهوره قهر العالم كله وماني قادره اوقف تفكير كارهه حياتي ومهما حاولت انسيي نفسي ارجع افكر





صرفت فلوس بالهبل تسوقت سويت اشياء ماسويتها من قبل وماني قادره انسى




رافضه القيصري وحاسه ي ذنب وتأنيب ضمير مو طبيعي



والجرح الله ياخذه كل شري يشد معاي وخصوصا وقت الدوره احس فيه




والمكان متخدر غير منطقه البكيني لوعه صارت نصين




اكره نفسي لدرجه ادعي على نفسي الله يزيلني او ان الوقت يرجع و اولد طبيعي




كل حماله ب عمليه قيصريه ودي اسب نفسي وادعي علي عمري اكره نفسي




عمري ماحسيت بطعم الجاهل وهو يطلع مني واضحك وستانس وقوم وخدم نفسي بعد ولاده



انقهر لمن اشوف الي ازورهم يقومون و

 

[sara_87]

newbaby

قولي الحمدالله على النعمه بس

غيرج مو حاصله ياهل

ولا اللي تتعسر ولادتهم والبيبي يكون فيه شي او الام

بالعكس القيصريه بعض المرات تكون رحمه للام

واذا قصدج عن ترهل البطن ٫٫الله يعافي عمليات الشد

 

[؛؛sokrrah؛؛]

شدعوه newbaby مافيها شي العمليه
احمدي ربج شوفي اللي تقوم مااقدر تشوف الجاهل يكون معوق او شي

هذي اللي تحتر
والزمن هذا احسن من قبل في عمليه قبل الناس تموت واهي تولد

وترا الناس قامت تسوي عمليات شد وتكميم واهم مافيهم الا العافيه

الحمدالله حمدا كثيرا طيبا مباركا فيه

 

[Newbaby]

http://bb.7fth.com/f/1394368493711.m4a




كلامه مريح ريحني ادعولي بالهدايه وراحه


ربي اشرحلي صدري ويسرلي امري

 

[Newbaby]

http://bb.7fth.com/f/1394368493711.m4a




كلامه مريح ريحني ادعولي بالهدايه وراحه


ربي اشرحلي صدري ويسرلي امري

 

[كاملة الدسم]

قولي الحندلله الله رزقج بالذرية غيرج مو حاصله واحتسبي الاجر بالتعب والألم اللي بعد القيصرية
ويكفي قومتج انتي وضناج بالسلامة

 

[Newbaby]

الحمدالله بس كنت اتمنى اشوف ضناي واحس بالولاده وشعور الفرحه بعد ولاده وقوم بنفسي من غير ادريب وعوار رهيب

 

[Newbaby]

قد نمر بظروف نتمنى ان لو يكون لنا جناح نطير به من شده يأسنا وقله حيلتنا

لا إله الا الله وحده لا شريك له

اللهم ارزقنا حسن التوكل والقناعه والرضى بما قسمت

 

[أأأميرة الورد]

قولي الحمدالله مايجوز هالكلام هذا اعتراض

والعمليات القيصريه الحين صارت اسهل بوايد والحريم هم يطلبونها

 

[Ga6waah83]

انا بجري ولدت قيصريه لان بنتي ارتفعت والنبض قل
والماي كان نازل من ١ الظهر وصارت ٩ بالليل وانا واصله ٧ والطلق قوي وبنتي مانزلت ونبضها قل
فولدوني قيصريه

وشكلي هالمره بطلب قيصريه عشان لا اتعذب نفس ذاك العذاب الحمدلله والله لا يحرمنا الاجر

 

[Ga6waah83]

انا بجري ولدت قيصريه لان بنتي ارتفعت والنبض قل
والماي كان نازل من 1 الظهر وصارت 9 بالليل وانا واصله 7 والطلق قوي وبنتي مانزلت ونبضها قل
فولدوني قيصريه

وشكلي هالمره بطلب قيصريه عشان لا اتعذب نفس ذاك العذاب الحمدلله والله لا يحرمنا الاجر

 

[Newbaby]

لا حرام حاولي طبيعي ي قلبي


روحي حق معصومه مقصيد او حكومه الصباح توسطيلج ب دكتور شاطر



للاسف متحسفه على سويته بنفسي

 

[Newbaby]

لا حرام حاولي طبيعي ي قلبي


روحي حق معصومه مقصيد او حكومه الصباح توسطيلج ب دكتور شاطر



للاسف متحسفه على سويته بنفسي

 

[elzain^kella]

كاملة الدسم
القيصرية الأولى ٩ سم وقل النبض ونزل ماي أخضر وأنا والبيبي تعبنا ودخلت العملية ببنج كامل
المره الثانيه انبط الماي في البيت ويوم وصلت ٤ ونص سم قالت لي الدكتوره البيبي مرتفع وإحتمال قيصريه و مابي توصلين حق اللي وصلتيله بالولاده اللي فاتت فسويت العمليه بإبرة الظهر
صج تعب وإجهاد وألم بس ألف الحمدلله على تطور العلم ..

 

[elzain^kella]

كاملة الدسم
القيصرية الأولى 9 سم وقل النبض ونزل ماي أخضر وأنا والبيبي تعبنا ودخلت العملية ببنج كامل
المره الثانيه انبط الماي في البيت ويوم وصلت 4 ونص سم قالت لي الدكتوره البيبي مرتفع وإحتمال قيصريه و مابي توصلين حق اللي وصلتيله بالولاده اللي فاتت فسويت العمليه بإبرة الظهر
صج تعب وإجهاد وألم بس ألف الحمدلله على تطور العلم ..

 

[-فلانة-]

انا انبط علي الماي في البيت و رحت المستشفى و فحصتني الدكتورة على ما اذكر كان الرحم مبطل 1 سم والا 2 سم، و راس البيبي نازل بالرحم و حوضي مهيأ للولادة الطبيعية ولا عندي أي مشاكل من أي نوع، بس أمر الله فوق كل شي سبحانه، تميت أطلق 24 ساعة والرحم واقف على 5 سانتي مو راضي يتبطل من أمس و الماي نقص وايد و نبض بنتي بدا يضعف دشت علي الدكتورة قالتلي بسرعة الحين قيصرية نبض البيبي وايد قل حتى ما خذت راينا عطت أوامرها بسرعة بسرعة لدرجة اني خلال 3 دقايق انا بالعمليات مخدرة و نايمة، و كان وايد ربكة الموضوع الظاهر حالة بنتي وصلت مرحلة خطرة بس ما كانوا يبون يخرعوني، و طبعا بنج عام بس على كلام أمي تقول بأقل من نص ساعة طلعولنا بنتج ورونا اياها وقالولنا انها بخير، انا بس منقهرة و متضايقة من شغلة وحدة، اني ما سمعت صرخة بنتي أول ما يت للدنيا، بس الحمدلله رب العالمين بنتي مشبعتني و زود الحين صراخ و حنة و صيحة ما خلت شي بخاطري كل أنواع الإزعاج ورتني اياها.
ربي يسهل على كل الحوامل، و ياااااااااااااارب ترزق كل محرومة من الخلفة و تفرح قلبها بالذرية المعافاة من كل شر.