منو دشت بتولد طبيعي وبعدين سوولها قيصرية

[كاملة الدسم]

بنات وايد اييلهم طلق او يدشون بيولدون طبيعي وتصير ظروف اثنااء الولادة تظطر فيها تولد قيصرية
اللي صار فيها حذي خل تشارك معانا وتقولنا شنو الاسباب وهل كانت طبيعية من الله او اهمال من الطبيب خل نتناقش ونستفيد من بعض وياليت نعرف اي مستشفي واي دكتور وجذي يعني

 

[جوزائيه مغروره]

انا ولدت طبيعي

بس طولت بالولاده ودكتورتي خلتني علشان ارتاح واهي ترتاح يت دكتوره ملقوفه وبطت الماي وقالت انه نبض البيبي ينزل ولازم قيصريه والعبت لعب وتبي توقيع زوجي قلتلها انا اوقع وطلعت ما تفهم وانحاشت لما يت دكتورتي وعدلت جهاز التخطيط وطلع ولدي حبيبي متحرك ونايم بجهه ثانيه وولدتني طبيعي

ولما سالت زوجي يقول انا كنت برا ما تحركت ولا احد ياني

 

[العياره]

انا صارت فيني بثاني ولاده كان في طلق والرحم مفتوح ٢سم وعقب وصلت ٤ سم
وبطوا المااي .. وعقبها وقف الرحم موراضي يتبطل والطلق قووي كان ونطروا عليّ
من الساعه ٢ الظهر لي ١١ بليل والرحم نفسه ماتبطل اكثر .. واخر شي دخلوني قيصريه
لاني تعبت وااايد .. والسبب البيبي كبير على عنق الرحم عندي لازم يكون وزن البيبي
صغيرون نفس البجر يبته طبيعي لان صغير كان ..

 

[q8helwa]

نفس رفيجتي
دشت العاشر والرحم مسكر وماكو
لاطلق ولا شي
وحطولها طلق صناعي وهمن الرحم
مو راضي يفتح

وراس البيبي وضعيته الطبيعيه تحت
واخرتها اضطر الدكتور يولدها قيصريه

 

[Newbaby]

اناااااااااا القهر الحسره الندم التعب عصره القلب ولا يوم يمر الا افكر بروحي وبقيصرتاي واتحسر على عمري


وغلى اختياري للاسف البيبي الاول قيصري والثاني قيصري







والسبب الاول راسه فوق والثاني نبض تعب

 

[Fatoooma25]

انا بولادتي الثانية دشيت الولادة 5 سم بعد ساعتين قالت الدكتورة رشمي اللي بالهادي عملية لان النبض قل !! بعدها خلص دوامها وولدت طبيعي عند الدكتور سامي قالي كل شي طبيعي
والنبض اوكي ليش عملية الحمدلله ان خلص دوامها ولاجان انا عملية

 

[Fatoooma25]

انا بولادتي الثانية دشيت الولادة 5 سم بعد ساعتين قالت الدكتورة رشمي اللي بالهادي عملية لان النبض قل !! بعدها خلص دوامها وولدت طبيعي عند الدكتور سامي قالي كل شي طبيعي
والنبض اوكي ليش عملية الحمدلله ان خلص دوامها ولاجان انا عملية

 

[شمس وورده]

انا رحت للمستشفى عادي بولد طبيعي وعطوني طلق اصطناعي ومن ساعه ٩الصبح لل ١٠ بالليل وانا على الطلق الاصطناعي وبطت الماي كوه ولاني والرحم وفتح وقربت الولاده وانا طبعي ما اصرخ وهمه حسبالهم بعدني مطوله واجت الدكتوره جذي صدفه تفحص وكامت تصرخ وتتكلم اجنبي مع دكتورات واجو كلهم فوك راسي انا انصدمت وحسيت اكو شي بالبيبي كالو بسرعه صيري وضع السجود ولاتتحركين انا كمت ابجي ونسيت الالم لان كنت بولد خلاص فتح الرحم كامل كللو نبض ضعيف وولاده على السريع قيصري كتلهم ليش شصار طبعاً يتكلمون وهمه خايفين حيل كالو الحبل السري تقدم قبل الطفل والكل تعجب على هل حاله وكالو خلاص قيصري بسرعه ولادقيقه تأخير انتي والبيبي بخطر لان صرت احس بألم الحبل السري حيل حار والله يابنات انجرحت منه حار حار جداً ولحد الان ما اعرف ليش صار جذي وبعدها نقلوني للعمليات ولان فيني ربو وزين خطر ابالي اكول لابو التخدير وعطوني بس بخاخ المخدر بدون ابره والله يابنات بس خلصو خياطه فتحت عيني وحسيت بالالم وصرت اون منه الله لايشوفها لاحد وانا لحد الان ابي اعرف ليش تقدم الحبل السري والله حتى بالكوكل بحث عن هل شي ماكو ما عرفت شي عنه وعن اسبابه

 

[elzain^kella]

أنا قيصريتين معني أدش المستشفى وأنا أطلق ومفتوح الرحم .. قدر الله وما شاء فعل

 

[خاشعة للرحمن]

انا معاي طلق ببنتي بكري وانفتح الرحم ٩ونص والراس بينزل والسستر
تشوف راس البيبي بس النبض قل حيل وصل٧٨وقالوا ولادة قيصرية ولا راح
يكوت الجنين طبعا ولدت بالاحمدي الدكتور مهند والدكتورة كرستينا

 

[خاشعة للرحمن]

انا معاي طلق ببنتي بكري وانفتح الرحم 9ونص والراس بينزل والسستر
تشوف راس البيبي بس النبض قل حيل وصل78وقالوا ولادة قيصرية ولا راح
يكوت الجنين طبعا ولدت بالاحمدي الدكتور مهند والدكتورة كرستينا

 

[خاشعة للرحمن]

طلعا بولدي بعد قيصري بس علشان المشيمة نازل تحت ساد عنق الرحم
فطبعااا صار قيصرية الثانيه والحين كلها قيصري الحمد الله على كل حااال

 

[خاشعة للرحمن]

طلعا بولدي بعد قيصري بس علشان المشيمة نازل تحت ساد عنق الرحم
فطبعااا صار قيصرية الثانيه والحين كلها قيصري الحمد الله على كل حااال

 

[كاملة الدسم]

أنا قيصريتين معني أدش المستشفى وأنا أطلق ومفتوح الرحم .. قدر الله وما شاء فعل

ليش حبيبتي شنو السبب ياليت تفيدينا

 

[mi corazon]

وي بنات خرعتوني

 

[mi corazon]

تدرون قاعده اقرا الموضوع و بالتلفزيون برنامج يتكلمون عن العمليات القيصريه وان الموضوع تجاري بحت للدكاتره

 

[نوفآ]

انا بجري عمليه كان معاي تسمم حمل
ولادتي الثانيه طبيعي الحمدلله و اللي ساعدني هلى فتح الرحم من بعد الله هي الحلتيته الرطبه شميتها وانا بالوضع و فتح الرحمم
انتبهوا لا تشربونها ولا تغتسلون فيها بس شموها اخذوها من العطار قولوا نبي رطبه
وادعووووولي الله يحقق لي اللي ابيه و يوفقني بحياتي

 

[omal7lo]

انا كان اموري كل شي تمام

بس موراضيه افتح
بس 3 سم يوم ونص بس 3 سم وقررووا قيصريه لان تعبت

 

[omal7lo]

اي وكنت بالمستشفي الولاده وانا الي صممت ابي قيصريه لان تعبببب يوم ونص والا الدكتور بينطر علي

 

[&هند&]

انا نزل علي شويت ماي وكنت بنهاية الثامن ودخلوني الولاده خايفين لا الضغط لا يرتفع وكنت مفتوحه 3 ونص ويومين يحطون لي تحاميل ووسعوني وامشي طول الفجر بالمستشفى والساعه 1 الظهر نزلوني الولاده وبطو الماي وانصدمو ماكو ماي كان ينزل علي ماي ولا كنت ادري شنو بجريه طلع ماي الهادي الي ينزل وبدا نبض ولدي يقل وانا قل عندي الاكسجين وركبو الي كمام الاكسجين واخر شي قالو عمليه ووافقت وحطولي بنج عام والحمدلله ماكنت متضايقه معن دكتورتي دقت علي قالت تعالي السيف عندي لا يلعبون فيج كانها عارفه الي بصير لانها كانت بالهادي وتقول عارفه نظام بهواني ورجمي